Luka 16:2 - I CILAGANE CIPYA 1991

² Nayo mugoli yakamucema, yakamutya, nghanici yiyi yono hulice muli gwegwe?” Ale wulavye liwalo lya vyono kubocelaga, na vyono kwitumamilaga mu sawo yangu, hambi nha si kosuma kuwa kalani kanyhi.

Luganuzi Luswanu Kuli Wanhu Wose 2002

² Nayo mugoli yakamucema, yakamutya, nghanici yiyi yono hulice muli gwegwe?” Ale wulavye liwalo lya vyono kubocelaga, na vyono kwitumamilaga mu sawo yangu, hambi nha si kosuma kuwa kalani kanyhi.

Luka 16:2 ပူးပေါင်းရင်းမြစ်များ

Matayo 12:36

“Holeka ane nghumulonjelenyi, nghutya, Mwizuwa lyo wulingʼanizwe i wanhu si wololeka kupitula muli ze zinghani zose zono si zinojeye zono wakuzilonga.

Matayo 20:8

“Ilizuwa lyali lyeza kuswa, u munya mugunda yakamulonjela u mukamisi wakwe, we zipesa, yakatya, ‘Ale wuwacemaje iwetumami wose, ho wuwalipe u musahala wawo wulawilile kuli walya wono watumigwe ku mulimo ha ndumilizo wujendelele sunga wumalilizize kuli walya i walongozi.’

Luka 12:20

Ningo Mulungu yakamutya, ‘Go mulele gwe, mu cilo cici du wumi wako nha wosolwa na zono wiwikanizize zowa za nani?’ ”

Luka 12:42

U Muwaha yakatya, “Nani mbi u mwitumami mwihuwilwa kanyhi we mahala? Yo yulya mono mutwawe komuwika kuwa mwitumami mu nyumba yakwe, ho yawagawile ndigwa mu cidaha cono cikwiliye?”

Luka 16:1

Yesu yakawalonjela wejizwa wakwe, “Kwali na munhu yunji mugoli, mono yali yena mwitumami wakwe; yuyo mwitumami yakasonjezwa vyono yakwitumamila caka sawo yo mugoli.

Luka 16:3

Mwitumami yakehwesa mu nhumbula yakwe, alu muwaha wangu yeza kumbusa mu mulimo wo wukalani, alu no noza cici? Vilungo vyo kulimila sina; ku wilombelezi nako kotya nili muciwa yo nghani ya cevu.

Walumi 14:12

Holeka wose cololonga hali Mulungu munhu na zakwe.

1 Wakolinto 1:11

Nye, wandugu zangu, izinghani azilya zono nazituga kulawa kuli wanhu wanji we mhuga ya Kuloye, zikulajila calinze vyono hagati yenyu, ho wuli wula kwiyitanga.

1 Wakolinto 4:2

Na hoyili nghani monga du yono yimunojeye u munhu wo wose mono yapegwa u mulimo wuwu, nayo yoyi, yawe mwihuwilwa.

1 Wakolinto 4:5

Holeka mulece kulingʼaniza lono vilo vikali si nafika, muzilekaje ziwe nha vivyo sunga u Muwaha kono kolo kuziza. U Mwene kolozigubula zose ze citi zono hundice, nayo kolowanzalika u wuhile wa mu zinhumbula ze wanhu. No munhu wo wose, baho ho kolotujila ililumbo lyono limunojeye, kuwulawa kuli Mulungu.

2 Wakolinto 5:10

Hambi ase wose nha yowa yicinojeye kwima heʼgoda lyo wulingʼanizi lya Kilisito, u munhu wo wose ho yabocele zono zimunojeye nha vyono genha i metumo gakwe gono yetumaga lono yali yakali yekaye moonze, hono maswanu, hamba mabi.

1 Timoteyo 4:14

Ulece kuleka kucitumamila i cipegwa cicilya ce cimuhe cono cili muliʼgwe, cono wapejelwa mu zinghani ze wawizi, na mu wuwicilwe miwoko ne wanyamhala.

1 Timoteyo 5:24

Uwubi we wanhu wanji wijelaga calinze, nawo wukuwa kuwalongolela ku wulingʼanizwe, ninga wubi we wanji, wijelaga du lwa hanyuma yayo.

1 Petelo 4:10

Kanyhi anye wose munojeye mwitumamile cipegwa cono mwapegwa no Mulungu so cambuzi ca wanji, nha vyono u mukozwa muswanu we vipegwa hayo hayo vyo Mulungu.

1 Petelo 4:5

Ninga siwololeka kwibombola ze nghani yiyi hali Mulungu mono yewikanize kuwalingʼaniza i womi ne wafu!

Wugubule 20:12

Nane nghawona i wafu wawaha ne wadodo wemile heʼgoda lyo wutemi, ne vitabu vikagubulwa. Hanyuma citabu cinji, i citabu co wumi, naco nha vivyo cikagubulwa. Iwafu wakalingʼanizwa nha vyono genha metumo gawo, nha vyono yandikwe mu vitabu vivyo.