Luka 16:19 - I CILAGANE CIPYA 1991

¹⁹ Ale kwali na munhu yunji mugoli, yavwalaga myenda yo wuguzi wukamu muno, myenda ye liwala lye litoga na bafuta swanu. Yekalaga yakumota vilo vyose.

Luganuzi Luswanu Kuli Wanhu Wose 2002

¹⁹ Ale, kwali na munhu yunji mugoli, yavwalaga myenda yo wuguzi wukamu muno, myenda ye liwala lyo lugandu na bafuta swanu. Yekalaga yakumota vilo vyose.

Luka 16:19 ပူးပေါင်းရင်းမြစ်များ

Maluko 15:17

Wakamuvwika Yesu mwenda we liwala lyo lugandu, wakatawa cipombelo ce mamivya, wakamuvwika mu mutwe.

Maluko 15:20

Waza kondya kumuzwajiza, wakamuvula mwenda wuwulya we liwala lyo lugandu, wakamuvwika i vivwalo vyakwe, hanyuma yayo wakamutegula kunze, ho wakamutumbice mu musalaba.

Luka 15:13

Hanyuma ya vilo vicefu, u mwana mudodo yakawa kuguza uwuhazi wakwe, yakatuluka ne zipesa zakwe zono yazituga, yakabita yisi yinji ya kutali, kono yeyagaziza sawo yakwe mu mikalile mibi.

Luka 16:1

Yesu yakawalonjela wejizwa wakwe, “Kwali na munhu yunji mugoli, mono yali yena mwitumami wakwe; yuyo mwitumami yakasonjezwa vyono yakwitumamila caka sawo yo mugoli.

Luka 16:18

Muli wose mono yakumuleka mugolece wakwe, no kutola yunji, yakusenyha, nayo mono yakumutola mono yapejigwe talaka no mulume wakwe, nayo yakusenyha.

Luka 16:20

Hali hoyuli muciwa yunji, itagwa lyakwe Lazalo, mono yali yena vilonda mu muwili wose, nayo yah yawicigwe ha mulango wa yuyo mugoli.

Wugubule 17:4

No mucekulu yuyo yali yavwalile civwalo ce liwala lyo lugandu ne ndunghu, kanyhi yali yehambile zahabu, ne mabwe go wuguzi wukamu ne zilulu. Na mu muwoko wakwe yali yebate cikombe ca zahabu cono cali cimemile makomaza hamonga ne makani mabi gono gakuwulajila wusenyha wakwe.

Wugubule 18:16

akuno wakutya, “Woyi he! Woyi he kuligwe go likaya liwaha. Wali wazowela kuvwala myenda ye bafuta ze liwala lyo lugandu ne ndunghu, hamonga no kwihamba kwe zizahabu, ne mabwe go wuguzi wukamu ne zilulu!”

Wugubule 18:7

Mumupelaje magazo no wusungu, mu nghango yo wikumye wakwe, ne mikalile yakwe yo wiyendeze. Hambi nha yakwiyitya mu nhumbula yakwe, ‘Ane nikaye baha, ane nili mutemi we cicekulu. Ane si nili mufwile, hamba si nowutuga wusungu!’