Luka 14:23 - I CILAGANE CIPYA 1991

²³ U muwaha yuyo yakamutya mwitumami, “Ulawanize ubite mu mapalilo na mu mawimbi ukawadindimize wenjile, nyumba yangu ho yimeme.

Luganuzi Luswanu Kuli Wanhu Wose 2002

²³ U muwaha yuyo yakamutya mwitumami, “Wulawanize wubite mu mapalilo na mu mawimbi wukawadindimize wenjile, nyumba yangu ho yimeme.

Luka 14:23 ပူးပေါင်းရင်းမြစ်များ

Matayo 21:43

“Holeka nghumulonjelenyi, vyono, u Wutemi wo Mulungu wowuswa kuliʼnye no kupegwa i wanhu we makungugo ganji wono wakulavya mikalo yayo. [

Matayo 5:41

No munhu hono yakudindimize wumudinghulile u mutegulo wakwe mu cihinzo ca kilometa monga, agwe wumudinghulilaje wumufise kilometa nyejete.

Luka 14:22

Hanyuma u mwitumami yakatya, “Muwaha zose zono ulonjile, zanozwa zakondya, ninga hakali hocili cilejeho.”

Luka 14:24

Hambi nha nghumutyenyi, hasina hamba yumonga wa muli wawo wono walalikwe mono kolojeza ndigwa yangu.”

Luka 24:29

ninga wene wakamunena wakutya “Wikalaje nase, hambi lizuwa nha lyaswa, ne citi ceza kwinjila.” Yakenjila nawo mu citumbi, yakekala nawo.

Metumo ge Watumwa 16:15

Nayo yaza kubaputizwa, u mwene na wa munyumba yakwe wose, yakacinena yakutya, “Hono yiwe mbeka mwawona vyono nane nimwihuwiye Muwaha, ale mwinjile mu kaya yangu.” Yakacinena cibite.

Metumo ge Watumwa 18:6

Nawo lono wawanganaga nayo no kumutovula, yakasola likoti lyakwe yakalikungʼunha ha mwande yawo, yakawatya, “Hono mwajilile, yo nghani yenyu nyenye nyo weneco, ane sina wuhoswe wo wose mu nghani yiyo. No wulawa lulu, nowabitila we makungugo ganji.”

Metumo ge Watumwa 28:28

Hanyuma Pawulo yakamalila wulonje wakwe yakatya, “Ale, mumanye vyono mhonelo yiyi yo Mulungu yo wukombozi, yitegulwa kuli we Makungugo, iwene langa woyihulika!” [

Metumo ge Watumwa 9:15

Ninga u Muwaha yakamutya, “Wubite du, hambi ayo, nha nimuhagula yawe ciya cangu, ho yalitegule litagwa lyangu kuli we Makungugo, ne watemi wawo, sunga na kuli wana wa Isilayeli.

Walumi 10:18

Ninga nghutya, alo si wayihulika inghani yiyo? Mbeka wayihulika, nha vyono gakutya i Mandiko Gono Gelile. “Ilizi lyawo lificile mono yinze yose, Ne zinghani zawo zificile sunga ko ku ndumo ye yinze.”

2 Wakolinto 5:11

Ale, ase ciyimanyile soko yo kumogopela u Muwaha, holeka ku soko yiyi cikwihinda kuwakwega wanhu. U Mulungu yacimanyiye lukulu, nane nitumbiye vyono na nyenye nha vivyo mucimanyiye lukulu mu viselinji vyenyu.

2 Wakolinto 5:20

Holeka ase cili watumwa so Kilisito, nayo Mulungu mweneco yakucitumamila sese, cimunenenyi anye. Holeka cikumunenenyi ku so Kilisito, mwilamule no Mulungu.

2 Wakolinto 6:1

Holeka nase vyono cikwituma mulimo hamonga no Mulungu, cikumunenenyi mulece kuvumila i lihewa lyo Mulungu lyono mwabocela, lyajilile bwete.

Wakolosayi 1:23

Ninga munojeye mujendelele kuwa wehuwilwa mu wusimyo wono wukamile, hamba kutezwa mu witumbilo wo Luganuzi Luswanu lono mwaluhulika. Ane Pawulo nili mwitumami wa lulo u Luganuzi Luswanu lono lwakondya kuganulwa kuli wanhu wose wa mononze.

Wakolosayi 1:28

Na kusoko yiyo holeka cikumuganula Kilisito kuli wanhu wose, cikuwasugula wose kanyhi cikuwafunda wose mu mahala gose, ho cisume kuwaleta wose hali Mulungu akuno wakondizye kuwa wakangaye muli Kilisito.

2 Timoteyo 4:2

holeka wuyiganulaje nghani yiyo, wiyohaje du kuyiganula (mu cipango cono cinojeye, hamba yiwe mu cipango cono si cinojeye), kalipile no kulanjiza, kanyhi wuwaswaswanizaje wanhu wose, akuno wukuwejiza ko wukangalizi wose.