Luka 14:21 - I CILAGANE CIPYA 1991

²¹ U mwitumami yulya yakawuya yakamulonjela zizi munya kaya. Baho munya kaya yakebatwa ne likuwo, yakamutyo mwitumami wakwe, “Ulawanize mbela ubite mu zinzila zimbaha ne zindodo za mwitumbi, ukawalete kuno waciwa, na we vilema, ne wabofu, na wono wakusenzegula.”

Luganuzi Luswanu Kuli Wanhu Wose 2002

²¹ U mwitumami yulya yakawuya yakamulonjela zizi munya kaya. Baho munya kaya yakebatwa ne likuwo, yakamutya mwitumami wakwe, “Wulawanize mbela wubite mu zinzila zimbaha ne zindodo za mwi'tumbi, wukawalete kuno waciwa, na we vilema, ne wabofu, na wono wakusenzegula.”

Luka 14:21 ပူးပေါင်းရင်းမြစ်များ

Matayo 11:28

Ale, muze kuliʼne anye wose mono mukugazika, na mono muvunice ne mitegulo yenyu, nane nomucehezenyi.

Matayo 11:5

vyono i wabofu wakuwona kanyhi, we vitewe nawo, wakujenda, nawo wono wena wukoma, wakwezwa, na we ciziwi nawo wakuhulika kanyhi sunga na wono wafwiye, nawo wakuzukulwa, ne waciwa nawo wakuganulilwa u Luganuzi Luswanu.

Matayo 15:12

Hanyuma i wejizwa wakamubitila, wakamutya, “Wule wumanyileʼmbi vyono i Wafalisayo watamiswa mu zinhumbula zawo, ku soko ye zinghani zako?”

Matayo 18:31

Baho i wetumami wayagwe nawo waza kuyiwona inghani yiyo, mbeka wakakalala muno muno, hodu wakabita wakamulonjela u muwaha wawo muli zizo zono ziweye.

Matayo 20:7

Nawo wakapitula wakatya, ‘Alu nha si cimutujile u munhu wo kucipela u mulimo.’ Nayo yakawatya, ‘Ale nanye mubite muketume mu mugunda we mizabibu.’

Luka 14:13

Ninga hono witumame ndigwa nyinji, uwacemelaje waciwa, we vilema, na wono wakusenzegula, ne wabofu;

Luka 14:20

Na yunji yakatya, “Nhola mucekulu, holeka sinokuza.”

Luka 14:22

Hanyuma u mwitumami yakatya, “Muwaha zose zono ulonjile, zanozwa zakondya, ninga hakali hocili cilejeho.”

Luka 14:24

Hambi nha nghumutyenyi, hasina hamba yumonga wa muli wawo wono walalikwe mono kolojeza ndigwa yangu.”

Luka 24:47

Na kanyhi yinojeye mwitagwa lyakwe, kuganula wunene, no wuwopolelwe wo wubi, kuli makungugo gose, kwamuliziza ku Yelusalemi.

Luka 9:10

Ne watumwa waza kuwuya, wakamuganulila Yesu zono wetuma zose. Nayo Yesu yakawasola wali wene, wakabita kwikaya lyono litezagwa Betesayida.

Yohana 9:39

Yesu yakatya, “Ane naza akuno kononze ho ndavye wulingʼanize, wono si wakuwona, watuje kuwona, na wono wakuwona, wabofule.”

Wahebelaniya 13:17

Muwahulikaje i walongola wenyu no kwibata zono wakulonga; hambi nha wakuzidima i zinhumbula zenyu mu cilo na mu misi, kanyhi si woleka kulolosa zo witumami wawo hali Mulungu. Na hono muwahulice nawo ho wokwituma i milimo yawo kwa nyemo, ninga hono yilece kuwa nha vivyo wokwituma no wukalale, na si yowa na cambuzi kuli nyenye.

Wahebelaniya 2:3

Alu ase ma! ho coponela hayi hono ciyileceleze mhonelo mbaha nha yiyi? Yono yamula kutongwa no Muwaha mweneco, na wono wahulika, wakacihomelela vyono yili mbeka.

Yakobo 2:5

Wandugu zangu, wendece, hulicizenyi ta! u Mulungu yakondya kuwahagula iwanhu wono waciwa wa mu yinze yiyi, ho wawe wagoli wo wihuwilo kanyhi wawubocelega wutemi wono yawatemezeza wa walya wono wamwendile.

Wugubule 19:15

No mumaje mukali wukulawa mu mulomo wakwe, nayo kowasumila, we makungugo, u mumaje wuwo. Nayo yo mweneco mono kotema muli wene ne nghome ya cuma, akuno yakuminyila idivayi mu ciya co kuminyila zizabibu ze likuwo liwaha lyo Mulungu u Mudaha Vyose.

Wugubule 22:17

U Muhe hamonga na bibi halusi walonje watye, “Wuze!” Nayo u munhu wo wose mono yakuyihulika yiyi, nayo yatye, “Wuze!” Na mono yakaluce, ale yaze, nayo mono yakugasaka i malenga go wumi, ale yasole bwete.