Luka 14:13 - I CILAGANE CIPYA 1991

¹³ Ninga hono witumame ndigwa nyinji, uwacemelaje waciwa, we vilema, na wono wakusenzegula, ne wabofu;

Luganuzi Luswanu Kuli Wanhu Wose 2002

¹³ Ninga hono witumame ndigwa nyinji, wuwacemelaje waciwa, na we vilema, na wono wakusenzegula, ne wabofu;

Luka 14:13 ပူးပေါင်းရင်းမြစ်များ

Matayo 15:30

Ne wanhu wenji muno muno wakamuziza, wakawaleta we vilema, iwabofu, we citewe, we cibwibwi, sunga wanji wenji muno, wono wali watamigwe, wose wawo wakawikwa ha mwande ya Yesu, nayo Yesu yakawaponya.

Matayo 22:10

Nawo iwetumami wakalawila, wakabita mu zinzila, wakawaleta iwanhu wose, iwabi ne waswanu. Sunga ne nyumba yikamema wajenzi.

Luka 11:41

Muwapelaje waciwa vinhu vyono vili mugati; na vinji vyose vyowa vili lingʼani kuliʼnye.”

Luka 14:12

Hanyuma Yesu yakamulonjela na yuyo mono yali yamucemile, “Kolo wukwitumama ndigwa ze misi lunji ze mihe, ulece kuwacemela wendece wako, hamba wanduguzo, hamba we cimanyi, hamba wagoli wayago; ku soko nawo wokucemela kanyhi, nagwe kowa wahalizwa.

Luka 14:14

nagwe kolugutizwa, hambi nha wasina vyo kukuhaliza; nagwe kolohalizwa no Mulungu ha wuzuce wa we lingʼani.”

Luka 14:21

U mwitumami yulya yakawuya yakamulonjela zizi munya kaya. Baho munya kaya yakebatwa ne likuwo, yakamutyo mwitumami wakwe, “Ulawanize mbela ubite mu zinzila zimbaha ne zindodo za mwitumbi, ukawalete kuno waciwa, na we vilema, ne wabofu, na wono wakusenzegula.”

Metumo ge Watumwa 9:39

Hobaho baho Petelo yakenuka, vikabitana nawo. Nayo yaza kufika, wakamutegula ku nyumba ya ku golofa kucanyha. Ne wacekulu wafwile, wose wakamumemelela Petelo, wakulila, wakamulajila makoti ne myenda, vyono Dolika yanozaga lono yali yakali mumi.

1 Timoteyo 3:2

Ninga u mulongola we likanisa, yimunojeye yeze munhu mono yasina yilema, na kanyhi yimunojeye yeze mono yena mugolece yumonga du, kanyhi yeze mwiyimizi, mulula, we cisindo, kanyhi yimunojeye yeze mucemezi na mono yasumile kwijiza,

1 Timoteyo 5:10

yeze mono yena lilumbo yiswanu, umucekulu mono yawawiluse wanagwe viswanu, mono yawabocela wajenzi mukaya yakwe, mono yawazuguza magulu iwanhu wo Mulungu, yawataza wanhu mu wugaye wawo, kanyhi yelavya ku wituma metumo maswanu.

Tito 1:8

Langa yimunojeye yawe mucemezi, kanyhi mono yakwenda iziswanu. Kanyhi yimonojeye yawe munhu mutuvu, we lingʼani.

Filemoni 1:7

Gwe mwendece, u wendo wako wamhela nyemo mbaha muno muno, no kumhela vilungo mu nhumbula yangu! Ne zinhumbula ze wanhu wo Mulungu zikasangalala muno muno ku soko yako.

Wahebelaniya 13:2

Mulece kusemwa kuwacemela wajenzi; hambi mu wituma nha vivyo, wanji nha wawacemela i wamalayika wula kumanya.