Luka 12:28 - I CILAGANE CIPYA 1991

²⁸ Ninga u Mulungu hono yagavwice nha vivyo mahanze ga mu mugunda, gono gali baha izuwali, ne mitondo gowa kutagwa mu moto; si kocila mbi kumuvwicenyi nyenye? Anye wo wihuwilo wucefu!

Luganuzi Luswanu Kuli Wanhu Wose 2002

²⁸ Ninga u Mulungu hono yagavwice nhavivyo mahanze ga mu mugunda, gono gali baha izuwali, ne mitondo gowa kutagwa mu moto; si kocila 'mbi kumuvwicenyi nyenye? Anye wo wihuwilo wucefu!

Luka 12:28 ပူးပေါင်းရင်းမြစ်များ

Matayo 14:31

Hobaho nayo Yesu yakawugolola muwoko wakwe, yakamwibata, akuno yakumutya, “Lanje ta gwe, mono wina u wihuwilo wudodo! So cici lo wukwihwelela?”

Matayo 16:8

Nayo Yesu yakawamanya i mahweso gawo, holeka yakawatya, “Nye nyo wanhu mono mwina u wihuwilo wucefu! Nhawule mukulongana nyenye wose za vyono musina mikate?

Matayo 17:17

Yesu yakamupitula yakamutya, “Anye mo lulelo lono lusina u wihuwilo, lulelo lono lwajiliye! Alu nokwikalana nanye sunga nili? Hamba nojendelela kumukangalililenyi sunga nili? Ale mundetele ta umwana yuyo ahano.”

Matayo 17:20

Yesu yakawatya, “Ku soko yo wihuwilo wenyu wucefu. Nghumulonjelenyi mbeka, hono muwe mwina u wihuwilo wudodo du nha vyono yinha yi mbeyu ya haladali, mosuma kulilonjela i litunda lili, mukutya, ‘Wuwuce ahano, wubite ahalya,’ nalyo mbeka lyobita. Hasina nghani yo yose yono yali yiwe si yisumice kuliʼnye. [

Matayo 6:30

Alu u Mulungu hono yawe yakugavwika imahanze ga mu migunda nha vivyo gono gali baha izuwali, ninga imitondo gakutagwa mu moto, wulenyi, si kosuma kumuvwicenyi viswanu anye kuciza? Anye mo wanhu mono mwina u wihuwilo wucefu!

Matayo 8:26

Yesu yakawatya “Nye mo wanhu wo wihuwilo wucefu, nhawulenyi mukogopa?” Hodu yakawa kwinuka, yakavita-cila imbeho ne mawingo, navyo vikawa kunyamala twii.

Luka 8:25

Yakawatya i wejizwa wakwe “Wihuwilo wenyu wuli hayi mbi? Ninga wene wakezina no kogopa, wakeyitya, Alo munhu ci yuyu, sunga i mbeho ne malenga yakulonjela, vinyamale, navyo vikumuhulika!”

Wahebelaniya 6:7

U Mulungu kawulugutizaga u muhangha wono wuyibocelaga i mvula yono yikuwutonyela kenji na kenji, no kucindya i zimbeyu zono zina cambuzi kuli wono walimilwa.

1 Petelo 1:24

Nha vyono i Mandiko gatezaga: “I wanhu wose nha wenha mahanze no lukumyo lwakwe lose nha lwinha maluwa ga mu mbago. Imahanze ganyalaga ne maluwa gakunghunhikaga.