Luka 11:4 - I CILAGANE CIPYA 1991

⁴ Ucinenele wubi wetu hambi na sese, nha ciwanenelaga wose wono wacisutizyaga. Kanyhi ulece kucitegula mu Wujelwe.’ ”

Luganuzi Luswanu Kuli Wanhu Wose 2002

⁴ Wucinenele wubi wetu hambi na sese, nha ciwanenelaga wose wono wacisutizyaga. Kanyhi wulece kucitegula mu wujelwe.’ ”

Luka 11:4 ပူးပေါင်းရင်းမြစ်များ

Matayo 18:35

Ale, no Sogo yangu wa ku wulanga nayo, komutendelenyi nha vivyo nanye, hono mulece kwiyinenela munhu na nduguye kwe mitima yenyu yose.”

Matayo 26:41

Ale mwikalaje meso akuno mukulomba ho mulece kwinjila mu wujelwe. Mbeka nhumbula yendile ninga muwili wusoceye.”

Luka 11:5

Yakawatya, “Hambi nani wa muli nyenye mono kowa na mwendece wakwe, mono komubitilila mu cilo mugati, yakumutya, ‘Mwendece, nghukulomba unyazime mikate midatu;

Luka 13:4

Hamba wanhu walya we likumi na munana wono wagwilwa no munala ku Silowami, wakawulagwa, mukuwona mbi wawo wali wabi, wacizize wose wono wekaye ku Yelusalemi?

Luka 22:46

yakawatya, “Alo nye, nhawule mugonile? Inucenyi ta mulombe, ho mulece kwinjila mu wujelwe.”

Luka 8:13

Azilya zono zalagala hono hogali mabwe, zikulajila iwanhu wono wakuyihulika nghani no kuyibocela na nyemo. Ninga hamba nha vyono zinha zimbeyu zizo, iwanhu wawo wakuwa wasina milela, wono wehuwilaga kwa cidaha du, na kolo wakujelwa, wakuwuya ne nyuma.

Yohana 17:15

Si nghulomba wuwawuse mononze, langa wuwacitile kuli ayulya u Mubi.

1 Wakolinto 10:13

I majelo gono gakondya kumuzizenyi, go majelo ge nhondo zose du kuli munhu. Ninga umwene Mulungu, yo mwihuwilwa, nayo si kosuma kumulecenyi ho mujelwe kuciza vyono mosuma, ninga hamonga ne majelo gago, u mwene komupelenyi ne vilungo vyo kugakangalilila, sunga ne nzila yono yomukozenyi mu majelo gago mupolile.

Wakolosayi 3:13

Mwikangalilaje no kwinenela nyenye wose hono yunji yawe yena nghani kuli muyagwe, yiwanojeye mweze kwiyinenela nyenye wose nha vyono u Muwaha yamunenelenyi anye, nanye vyo mweze kunoza.

2 Watesalonike 3:3

Ninga u Muwaha yo mwihuwilwa. U Mwene komusikamyenyi kanyhi komudimenyi viswanu kuli ayulya mubi.

2 Timoteyo 4:18

Holeka u Muwaha si koleka kumhonya muli makani gose i mabi, kanyhi konghamisa sunga ko ku wutemi wakwe wa ku wulanga. Ale, kuli Mwene, lweze lukumyo cibitilila ne cibitilila! Heya.

Yakobo 2:13

Hambi, u Mulungu nha kolowa yasina lusungu kolo yakumulingʼaniza munhu mono yasina lusungu. Ninga lusungu lucizize wulingʼanizi.

Wugubule 2:10

Ninga agwe wulece kuzogopa azilya zono zokuziza no kukutajila sunga na mu wugaye. Wuhulicize! Setani yakuhila yamujelenyi ko kuwalajila wanji wayenyu mu jela, nanye motuga magayo mu vilo ikumi. Holeka, mwene muli wehuwilwa kuliʼne, sunga ko ku wufwe, nane nomupelenyi wumi, co cihumbilizwa cenyu co wusume wenyu.

Wugubule 3:10

Vyono agwe wakamisa i lilajilizo lyangu lyo wukangalile, ale nha vivyo nane nokukamisa mwipango lyo wugaye lyono likuwaziza wa kononze wose, no kuwajela wono wekaye mononze wose.