Luka 10:7 - I CILAGANE CIPYA 1991

⁷ Mukekalaje mu nyumba yiyo, muwe kulya no kungʼwa vyono womupelenyi; hambi mwitumami nha yanojeye yapegwe musahala wakwe. Mulece kubita kaya ayi na ayi.

Luganuzi Luswanu Kuli Wanhu Wose 2002

⁷ Mukekalaje mu nyumba yiyo, muwe kulya no kung'wa vyono womupelenyi; hambi mwitumami nha yanojeye yapegwe musahala wakwe. Mulece kubita kaya ayi na ayi.

Luka 10:7 ပူးပေါင်းရင်းမြစ်များ

Maluko 6:10

Kanyhi yakawatya, “Ho hose hono mobocelwa mu kaya, ale mwikalaje mumo, sunga kolo mweza kuwuka i hanhu baho.

Luka 10:6

Na hono muwe moyali mwana wo mulamu, mulamu wenyu womwikalila; ninga hono hawe hasina, womuwuyilenyi nyenye kanyhi.

Luka 9:4

Ne nyumba yo yose yono mokwinjila no kubocelwa, ale mwikalaje mumo du, sunga kolo mukuwuka mu citumbi cico.

Metumo ge Watumwa 16:15

Nayo yaza kubaputizwa, u mwene na wa munyumba yakwe wose, yakacinena yakutya, “Hono yiwe mbeka mwawona vyono nane nimwihuwiye Muwaha, ale mwinjile mu kaya yangu.” Yakacinena cibite.

Metumo ge Watumwa 16:34

Hanyuma yakawasola wa Pawulo na Sila, yakawategula ku nyumba yakwe, yakawatenjela zindigwa. Nayo mwene na wa mu nyumba yakwe wose, wakasangalala muno, vyono alu, wali wamwihuwila Mulungu.

Metumo ge Watumwa 16:40

Pawulo na Sila, wakawa kulawila mu jela wakabita ku kaya kwa Ludiya. Nawo waza wawona we zindugu, wakawasindamika, wakawa kutuluka.

Wagalatiya 6:6

Ninga mono yakwijizwa i nghani yo Mulungu, vihanje no mwijizi wakwe mu ziswanu zose zono yena.

1 Timoteyo 5:13

Ne wafwile wono wenha wawo wajilizaga i vilejeho vyawo ko wupilima pilima mu kaya na kaya. Ne nghani ʼmbi muno muno, wendaga maheho muno mu wupilime wawo, wenjizaga wuhesi kuli wayawo wanji, kanyhi no kwitajila mu zinghani ze wanhu wanji, akuno kanyhi wakulonga sunga ne zinghani zono siziwanojeye kulonga.

2 Timoteyo 2:6

Nayo u mulimi mono yakondya kwitumo mulimo muzito, yuyo yanojeye yabocele i lifungu lilongozi lye nhwanga.