Luka 10:42 - I CILAGANE CIPYA 1991

⁴² ninga cono cikusakwa cinhu cimonga du; hambi Malyamu nha kehaga igawo iswanu lyono si kosolelwa na munhu.”

Luganuzi Luswanu Kuli Wanhu Wose 2002

⁴² ninga cono cikusakwa cinhu cimonga du; hambi Malyamu nha kehaga ligawo liswanu lyono si kosolelwa na munhu.”

Luka 10:42 ပူးပေါင်းရင်းမြစ်များ

Maluko 8:36

Alu ma, u munhu kocituga cambuzici, hono yayituje yinze yose kono yalila, ninga yawajilize u wumi wakwe?

Luka 10:39

Malita yali yena mwanakwawe mono yacemagwa Malyamu, yuyu yakekala behi na Yesu, yakuhuliciza zinghani zakwe.

Luka 11:1

Mwizuwa linji, lono Yesu yalombaga hanji, yaza kondya kulomba, yunji muyagwe ne wejizwa wakwe, yakamutya, “Muwaha cikukunena ucijize na sese kulomba nha vyono Yohana u Mubaputizi yawejiza iwejizwa wakwe.”

Luka 12:20

Ningo Mulungu yakamutya, ‘Go mulele gwe, mu cilo cici du wumi wako nha wosolwa na zono wiwikanizize zowa za nani?’ ”

Luka 12:33

Muguze zisawo zenyu zose zono mwina nazo, muwapele i zipesa waciwa, mwinozeze mifuko yono si yisakalaga, mwiwicile sawo ya ku wulanga kono si yilacepuka. Kono si kasejelelaga muhizi, hamba makuni si gahodangaga.

Luka 16:2

Nayo mugoli yakamucema, yakamutya, nghanici yiyi yono hulice muli gwegwe?” Ale wulavye liwalo lya vyono kubocelaga, na vyono kwitumamilaga mu sawo yangu, hambi nha si kosuma kuwa kalani kanyhi.

Luka 16:25

Ninga Abulahamu yakatya, ‘Mwanangu wukumbucile vyono, lono agwe wali wukali mumi, wamotaga vyako viswanu, na Lazalo yakabocela i vibi, ninga lu baha mwene mutuzwe, nagwe wuli mu wusungu.

Luka 18:22

Nayo Yesu yaza kuzihulika zizo, yakamutya, “Wukali wanjiye nghani monga du; uguze vyose vyono wina navyo, ukawagawile waciwa, nagwe kowa na sawo kuwulanga; hanyuma ho wuze unhyatye.”

Luka 8:18

Holeka mwiyihenje vyono mukuhulika. Hambi mono yena, nha kopegwa; na mono yasina, kosolelwa sunga na cono yakutya yena naco.”

Yohana 11:1

Munhu yunji, itagwa lyakwe Lazalo munya Betaniya, yali yatamigwe. Icitumbi ca Betaniya, ho hanhu hono wekalaga wa Malita no mwanakwawe Malyamu. (

Yohana 11:19

Ne Wayahudi wenji wali walika kwa wa Malita na Malyamu, ho wawapele pole, so lifwa lyo lumbu lyawo.

Yohana 12:3

Nayo Malyamu yakasola supa ye mafuta maswanu, go wuguzi wukamu yakamubaka Yesu mu magulu gakwe, yakamupata kwe zimvili zakwe. Ne nyumba yose yikamema imhunjlie swanu ye mafuta.

Yohana 17:3

Na awuno, nha wo wumi we cibitilila, “Wakumanye gwegwe, u Mulungu we ciwene, we mbeka, no kumumanya Yesu Kilisito mono wamutuma.”

Yohana 4:14

Ninga muli wose mono kongʼwa malenga gono nomupela, si kokalucila lukulu, Malenga gono nomupela gowa muli mwene nha muvwilo wa malenga, gakuvwila sunga ku wumi we cibitilila.”

Yohana 5:24

“Mbeka nghumutyenyi, Mono yakuyihulika i nghani yangu, no kumwihuwila mono yanhuma, yena wumi we cibitilila. Hamba si kolingʼanizwa ngʼo langa yakondya kuwuka mwifwa, yenjila mu wumi.

Yohana 6:27

Mulece kuyipiligalila indigwa yono yihodanjikaga, langa muyipiligalilaje indigwa yono yikalaga sunga ku wumi we cibitilila. U Mwana wo Munhu mono u Sogwe yamuwicila i citanjilo, yo komupelenyi indigwa yiyo.”

1 Wakolinto 13:3

Na hono ndavye i sawo yangu yose no kuwapela waciwa, na hamba niwulavye muwili wangu wunyanywe mu moto, ninga hono niwe sina wendo, azo zose si zonghwila cinji yaye.

Wagalatiya 5:6

Hambi hono ciwe cakondya kuwa muli Kilisito Yesu, kwalama hamba wula kwalama mose musina cambuzi, i nghani yono yina cambuzi, wo wihuwilo wono wukwitumila u mulimo mu wendo.