Luka 10:2 - I CILAGANE CIPYA 1991

² Yakawatya, “Ndudula yo mbaha, ninga wetumami wacefu. Holeka mumulombaje munya mugunda yawatume waduduzi mu mugunda wakwe.

Luganuzi Luswanu Kuli Wanhu Wose 2002

² Yakawatya, “Ndudula yo mbaha, ninga wetumami wacefu. Holeka, mumulombaje munya mugunda, yawatume waduduzi mu mugunda wakwe.

Luka 10:2 ပူးပေါင်းရင်းမြစ်များ

Matayo 20:1

“Wutemi wa ku wulanga wihwanile no munhu mono yali yena u mugunda we mizabibu, mono yelawa hakali mitondo muno, yakawika iwetumami mu mugunda wakwe.

Maluko 13:34

Yolowa nha munhu mono yakuwuka mu kaya yakwe yakubita ku muhinzo, nakuno kunji yakuwalecela i wetumami wakwe wulajilize, munhu no mulimo wakwe, yakamulonjela no mulindiliza mulango yekale meso.

Maluko 16:15

Ale, yakawatya, “Bitenyi ku yinze yose, mukaluganule u Luganuzi Luswanu kuli wanhu wose.

Maluko 16:20

Nawo iwejizwa wakabita wakawa wakuganula hanhu hose. Nayo u Muwaha yaketuma mulimo hamonga nawo no kuyifisiliza inghani yiyo kwe vitanjilo vyono vyawezanaga hamonga nawo.]

Luka 9:1

Yesu yakawacemela hamonga we likumi na wejete, yakawapela vilungo no Wulajilize muli macisi gose, no kuponya zinhamwa.

Metumo ge Watumwa 11:19

Ku soko yo wugazwe, wono wejela mu cipango cono yawulajilwa Sitefano, wono wali wehuwila wakeyagala. Wanji wakabita sunga ko ku Foyinike, na Kupulo, na Antiyokiya, wakayiganula nghani kuli Wayahudi du.

Metumo ge Watumwa 13:2

Nawo lono wamwitumamilaga Muwaha, no kuleka kulya, Muhe Mono Yelile yakatya, “Siwanulilenyi Balanaba na Sawulo so mulimo wono niwacemeye.”

Metumo ge Watumwa 13:4

Nawo wa Balanaba na Sawulo, wali weza kutumwa no Muhe Mono Yelile, wakatenenhuka sunga ko ku Selukiya, no kulawa kuko wakajendelela mu ngalawa sunga ko ku cizingwa ca Kupulo.

Metumo ge Watumwa 20:28

Mwikamisaje mo weneco, mulikamisaje na lilyo i litewa lyose, lyono u Muhe Mono Yelile yamuwicenyi anye ho mulidime. Mulidimaje ilikanisa lyo Mulungu, lyono yaligula ne sakami yo Mwanagwe.

Metumo ge Watumwa 22:21

Nayo Muwaha yakawa kunyitya, ‘Wubite, vyono alu nokutuma kutali kuli we Makungugo.’ ”

Metumo ge Watumwa 8:4

Ale, wawo wono weyagazwa, wakakola ako na ako wakuyiganula nghani.

1 Wakolinto 12:28

Nayo u Mulungu yawika mwikanisa, walongozi, watumwa, we kejete, wawizi, we kadatu, wejizi, hanyuma yayo, yakawa kuwawika walya wono wena vipegwa vyo kunoza mapoto, kuponya, kutaza, walongola, na wono wakulonga nonga njenzi.

1 Wakolinto 15:10

Ninga ku so lihewa lyakwe Mulungu, naweza nha vyono ninha lulu, ne lihewa lyakwe si lyali lya bwete. Nane netuma u mulimo si nha wose, kanyhi hamba si nene yaye langa, lihewa lyo Mulungu lyono likwitumana hamonga na nene.

2 Wakolinto 6:1

Holeka nase vyono cikwituma mulimo hamonga no Mulungu, cikumunenenyi mulece kuvumila i lihewa lyo Mulungu lyono mwabocela, lyajilile bwete.

Wafilipi 2:21

Hambi wanji wose nha wakulondola i zawo weneco, si nho kulondola za Yesu Kilisito.

Wafilipi 2:25

Ninga nawona cinojele nimutumilenyi ndugu yetu Epafulodito, u mwitumami muyangu no mulewani muyangu, mono mwanhumila, nayo yakanhaza mu visakwa vyangu.

Wafilipi 2:30

vyono yali yeza kufwa so mulimo wa Kilisito, ho yasume kumhela u wutazi, wono anye si mwasuma kumhela.

Wakolosayi 1:29

Holeka ku soko yiyo, ane nghwituma mulimo akuno hidimbaye mu vilungo vya Kilisito vyono vikwituma muli nene.

Wakolosayi 4:12

Na Epafala nayo u munyawusi muyenyu, kanyhi u mwitumami wa Kilisito Yesu, nayo yakumulamusenyi. Kanyhi yakumulombelenyi nyenye nhondo zose ko wupiligazi, ho mwime mukamile, mukangale, mulece kusinjisika muli zose zono yakuzisaka u Mulungu.

1 Watesalonike 2:9

Nye wandugu zangu, mukumbuciye vyono cetuma u mulimo hamonga ne magaziko. Lono camuletelenyi u Luganuzi Luswanu lo Mulungu, hambi nha cetumaga mulimo ku misi na ku cilo, ho cilece kuwa mutegulo kuli munhu wo wose muli nyenye.

1 Watesalonike 5:12

Ninga cikumunenenyi wandugu zangu, muwapelaje cogopo awalya wono wakwituma muli nyenye, wawo wono wakumutonjenyi no kumwijizenyi muli ze mikalile ye Cikilisito.

2 Watesalonike 3:1

Ale, ze ndumilizo wandugu zangu, mucilombelaje, nghani yo Muwaha ho yicile kutandala mbela mbela, kanyhi ho yibocelwe kwe lilumbo nha vyono yinha muli nyenye.

1 Timoteyo 4:10

Ase cikupiligala no kwituma cihidimbaye, hambi nha cimuwiciye witumbilo wetu u Mulungu mumi, mono yo Mukombozi wetu co wanhu wose, na ko muno wa walya wono wehuwiye.

2 Timoteyo 4:5

Agwe, ninga wikalaje meso muli zose, wukangalile magazo, witumaje u mulimo wo muganula Luganuzi Luswanu, uwufisilizizaje lukulu u witumami wako.

Filemoni 1:1

Ane yo nene Pawulo mono mbopigwe mu jela ku soko ya Kilisito Yesu, na Timoteyo ndugu yetu, cikukwandicila agwe Filemoni u mwendece wetu no mwitumami muyetu,

Wahebelaniya 3:6

Langa Kilisito yo mwihuwilwa nho mwana mono yena Wulajilize mu nyumba yo Mulungu. Ne nyumba yakwe yo sese, hono cibatilile lukulu zo wuluwuce wetu wa muli cono citumbiye.

Wugubule 2:1

“Kuli malayika we likanisa lya Efeso, wandice nhavi, “Ayi yo nghani yono yikulawa kuli mwene mono yazibate i zinyelezi mupunghati mu muwoko wakwe wo kulume, mono kajendaga haciligati yo wuwiko we zitala mupunghati ze zahabu.