Luka 1:76 - I CILAGANE CIPYA 1991

⁷⁶ Nagwe, mwanangu, kocemwa muwizi wo Mulungu mono yalawiliciye muli vyose, hambi nha kolongola ha mwande yo Muwaha umunozelezeze nzila yakwe.

Luganuzi Luswanu Kuli Wanhu Wose 2002

⁷⁶ Nagwe, mwanangu, kocemwa muwizi wo Mulungu Mono Yalawiliciye muli vyose, hambi nha kolongola ha mwande yo Muwaha wumunozelezeze nzila yakwe.

Luka 1:76 ပူးပေါင်းရင်းမြစ်များ

Matayo 14:5

Holeka Helode yasakaga yamuwulaje Yohana, ninga hamba nha vivyo yawogopaga wanhu, vyono i wanhu wose, kuli wene Yohana yali muwizi.

Matayo 21:26

Na hono citye, ‘Walawa kuli wanhu,’ baho naho cikogopa i lipuga lye wanhu, hambi wose nha wamuvumiye Yohana nha vyono u mwene yali muwizi.”

Matayo 3:11

Ane nghumubaputizenyi mu malenga, kulajila nha vyono mwanena. Ninga ayulya mono yakuza mu nyuma yangu, yo we vilungo yanyhizize na nene. Hamba ane si nghwiliye kuwudinghula ne malatu gakwe. U Mwene ko mubaputizenyi ko Muhe Mono Yelile no ko moto.

Matayo 3:3

Yuyu Yohana yo yuyulya mono u muwizi Isaya yalonga izakwe, lono yatya, “Ilizi lyo munhu lihulikwa ku nyika, Muwikanizizenyi u Muwaha inzila yakwe, Muwugololaje u wukolo wakwe.”

Maluko 11:32

Na hono citye, ‘Walawa kuli wanhu…’ ” Wakogopa i lipuga lye wanhu, hambi wose nha wali wehuwiye vyono Yohana yali muwizi mbeka.

Luka 1:32

Mwene kowa Muwaha, nayo kocemwa mwana wo Mulungu mono yalawiliciye, no Muwaha Mulungu, komupela ligoda lyo sogwe Dawudi;

Luka 1:35

Malayika yakapitula yakamutya, “U Muhe mono yelile kokuziza, ne vilungo vyo Mulungu u Mudaha vyose vyokusiciliza. Holeka mwana mono kolela kocemwa Yelile, Mwana wo Mulungu.

Luka 6:35

Vyo si yinha, ninga muwendaje walugu wenyu, muwatendelaje viswanu, mweze kuwakopesa, kuno si mukulanjilila kugomolelwa. No wuhumbilizwe wenyu wowa wuwaha, nanye mowa wana wo Mulungu Mono Yalawiliciye Muli Vyose: hambi mwene nha muswanu kuli wono wasina ilumbo na kuli wabi.

Yohana 1:23

Yohana yakatya, “Ane yo nene, mono muwizi Isaya yalonga. ‘Ane nili izi lyono likuhulikwa ku nyika, Gololenyi nzila yo Muwaha.’ ”

Yohana 1:27

Yo yuyo mono yakuza munyuma yangu, mono ane sinojeye hamba kuyiwopola imikowa ye malatu gakwe.”

Yohana 3:28

Nyenye nyo weneco muli wahomelezi wa vyono nalonga ‘Ane yo si nene Kilisito, langa natumwa ho nimulongolele u mwene.’

Metumo ge Watumwa 16:17

Hodu, muhinza yuyo, yakawa kumutyatya Pawulo na sese, akuno yakuzoza, yakutya, “Wanhu awa wo wetumami wo Mulungu Mono yalawiliciye Muli vyose, wono wakumuganulilenyi nzila ye mhonelo.”