3 Yohana 1:10 - I CILAGANE CIPYA 1991

¹⁰ Holeka nane kolo nghuza, nozilajila zose zono yakwituma, sunga ne zinghani i zimbi zono yakucilonga, hamonga no wulambi wono yakuwulonga. Kanyhi hamba si nha vivyo du, ninga u mwene kanyhi si yakuwa kusaka hamba kuwacemela kwakwe wawo i wandugu wono wali mu muhinzo, kanyhi yakuwa kuwalemeza sunga na wanji wono wakusaka kuwacemela, kanyhi yakujela kuwawinjila kunze ye likanisa.

Luganuzi Luswanu Kuli Wanhu Wose 2002

¹⁰ Holeka nane kolo nghuza, nozilajila zose zono yakwituma, sunga ne zinghani i zimbi zono yakucilonga, hamonga no wulambi wono yakuwulonga. Kanyhi hamba si nhavivyo du, ninga u mwene kanyhi, si yakuwa kusaka hamba kuwacemela kwakwe, wawo i wandugu wono wali mu muhinzo, kanyhi yakuwa kuwalemeza sunga na wanji wono wakusaka kuwacemela, kanyhi yakujela kuwawinjila kunze ye likanisa.

3 Yohana 1:10 ပူးပေါင်းရင်းမြစ်များ

Luka 6:22

“Muli wamoti nye, kolo wanhu wakumusulenyi, na kolo wakumusiwanulenyi, no kumulijenyi, no kuliviza litagwa lyenyu nha wetuma vibi, ku soko yo Mwana wo Munhu.

Yohana 9:22

Ninga i walezi wakwe walonga zizi, vyono wawogopaga iwalongola we Wayahudi, hambi iwalongola wawo nha wali walagane vyono, munhu wo wose mono komuvumila vyono Yesu yo Kilisito, yawinjilwe kunze ye nhangʼanilo yo wuhembelo.

Metumo ge Watumwa 1:15

Hanyuma ya vilo vicefu, hakawa na mukungʼano wa wono wali wakondya kwihuwila, wali waficile nha wanhu igana limonga na makumi mejete. Petelo yakema hamwande yawo,

2 Wakolinto 13:2

Nakondya kulonga nha vyono yali yinha mu muhinzo we kejete, nalu nghulonga kanyhi lono nili kutali nanye, vyono wawalya wose wono wetuma wubi hamba kunena yaye, sunga na wawalya wanji, kolo nghuza, ale woviwona.

Wagalatiya 6:10

Holeka lono cikali cina cilejeho, yicinojeye ciwatendele wanhu wose i ziswanu, na ko muno i wandugu zetu wa mu wihuwilo wetu.

1 Timoteyo 5:13

Ne wafwile wono wenha wawo wajilizaga i vilejeho vyawo ko wupilima pilima mu kaya na kaya. Ne nghani ʼmbi muno muno, wendaga maheho muno mu wupilime wawo, wenjizaga wuhesi kuli wayawo wanji, kanyhi no kwitajila mu zinghani ze wanhu wanji, akuno kanyhi wakulonga sunga ne zinghani zono siziwanojeye kulonga.

2 Yohana 1:10

Holeka yunji hono yaze kwenyu na kuno siyakuleta i mafundo gaga, yuyo mulece kumubocela mu zinyumba zenyu, hamba mulece kumulamusa.

2 Yohana 1:12

Nina nyinji zo kumulonjelenyi, ninga sinyendile kumwandicilenyi mu kalatasi no wino, langa nitumbiye kuza kuko kwenyu ho ciduwane nanye meso kwa meso, i nyemo yetu ho yimemelecele.

3 Yohana 1:3

Hambi nha nasecelela muno lono we zindugu wanji waziza baha, wakanonjela zo wihuwilwa wako wa mu mbeka, nha vyono agwe wukujendela mu mbeka nhondo zose.

3 Yohana 1:5

Go mwendece wangu, agwe nhondo zose kuwezaga wuli niwihuwilwa lono wukuwetumamila wandugu, hamba wawe wajenzi.