2 Yohana 1:1 - I CILAGANE CIPYA 1991

¹ Ane no munyamhala nghukwandicila agwe go mugolece muhagulwa, hamonga ne wanago, mono nimwendilenyi mu mbeka. Kanyhi hamba si nene du mono nimwendilenyi, langa sunga na wono wayimanyile i mbeka, wose wamwendilenyi nyenye,

Luganuzi Luswanu Kuli Wanhu Wose 2002

¹ Ane no munyamhala nghukwandicila agwe go mugolece muhagulwa, hamonga ne wanago, mono nimwendilenyi mu mbeka. Kanyhi hamba si nene du mono nimwendilenyi, langa sunga na wono wayimanyile i mbeka, wose wamwendilenyi nyenye,

2 Yohana 1:1 ပူးပေါင်းရင်းမြစ်များ

Luka 1:3

Nane lono nakondya kuzilangalanga kulawa mwamulizo, mbona viswanu nghwandicile nha vyono zinha go mulumbwe Teyofilo,

Yohana 8:32

Nanye moyimanya i mbeka, nayo i mbeka yomuwicenyi welecele.”

Metumo ge Watumwa 11:30

Na nhavivyo vyo wanoza, wakawategulila wanyamhala we likanisa u wutazi wuwo kwe miwoko ya Balanaba na Sawulo.

Walumi 16:13

Mumulamusaje Lufo, u mupiligazi muno mu mulimo wo Muwaha, hamonga no nyina, mono nane yaya.

Wagalatiya 2:14

Holeka nane naza kuwuwona u wuwe wawo wa mu mbeka yo Luganuzi Luswanu vyono si wuli mu nzila yono yili mu mbeka, hobaho nghawa kumulonjela Kefa hali wose, nghamutya, “Hamba wuwe agwe wuli Muyahudi, ninga wukwikala mu mikalile nha vyono wekaye wanhu we makungugo ganji, hamba si wikaye kotya Muyahudi! alu kosuma nhawule kujela kuwadindimiza i wanhu we makungugo ganji wekale mu mikalile ye Wayahudi?”

Wagalatiya 2:5

Nase si celumbaniza nawo hamba hadodo, i mbeka yo Luganuzi Luswanu ho yikale muli nyenye nhondo zose.

Wagalatiya 3:1

Anye mo Wagalatiya, mbeka mweza muli walele! alo mono yamukulujenyi nani? Hambi inghani yo wutumbikwe wa Yesu Kilisito, nha mwanzalicilwa ha meso genyu.

Wagalatiya 5:7

I mijendele cakondya kuwa muli Kilisito Yesu, kwalama hamba wula kwalama mose musina cambuzi, i nghani yono yina cambuzi, wo wihuwilo wono wukwitumila u mulimo mu wendo.

Wakolosayi 1:5

Hambi nha mwahulika zo witumbilo wono wukwijela muli mwene baho ha lulongozi du, lono mwayihulicila inghani ye mbeka yo Luganuzi Luswanu. Holeka aluno u wihuwilo wenyu, no wendo wenyu, vili mu nghani yiyilya yono mwayitumbila yono muwiciywe viswanu ku wulanga.

1 Timoteyo 2:4

mono yakuhila i wanhu wose waponywe, kanyhi wafice ku wumanye mbeka.

Wahebelaniya 10:26

Hambi hono cijendelele kwituma wubi ne nyono, na lono cakondya kuyimanya i mbeka, hasina kanyhi likumbiko lyono lyosuma kulavywa so wuwusizwe wo wubi.

1 Petelo 1:2

Nayo Mulungu u Sogo yo munhu yakamuhagulenyi nyenye ko wuhile wakwe, no kwezwa no Muhe Mono Yelile, ho mumuhulice Yesu Kilisito no kukwemwa ne sakami yakwe. Lihewa no mulamu vyonjelecele kuliʼnye.

1 Petelo 5:1

Nyo wanyamhala! Ane no munyamhala muyenyu, nghumulombenyi nghani yi monga du, nyo wanyamhala wayangu. Hambi nene no mweneco nha newonelela ne meso gangu, imagazo ga Kilisito kanyhi nitumbiye kuhanga lululya u lukumyo wono wologubulwa. Ale, ane nghumunenenyi,

1 Petelo 5:13

Ne mhuga ye wayenyu i wahagulwa wo Mulungu wono wali mwikanisa lya ku Babiloni wakumulamusenyi. No mwanangu Maluko nha vivyo nayo yakumulamusenyi.

1 Yohana 2:21

Ninga nghumwandicilenyi si vyono lunji simuyimanyile i mbeka, aa, ngʼo, langa ku soko vyono muyimanyile, na kanyhi mumanyile vyono wulambi wo wose siwulawaga mu mbeka.

1 Yohana 3:18

Nye wanangu, wendo wetu wulece kuwa wa nonga du, langa wuweze wendo wa mu mbeka na mu witume.

2 Yohana 1:13

I wana wo lumbulyo muhagulwa, wakukulamusa.

2 Yohana 1:5

Nalu go mugolece, nghulomba nghani monga du kwako, “Ciyendaje.” Si nha vyono nghukwandicila ilajilizo ipya, langa lye lajilizo lililya du lyono cawezaga nalyo na katali.

3 Yohana 1:1

Ane no munyamhala, nghukwandicila agwe Gayo, u mwendece wangu, mono nghwendeye mu mbeka.