2 Wakolinto 9:8 - I CILAGANE CIPYA 1991

⁸ U Mulungu kosuma kumupelenyi kuciza vyono mukuhila, ho muwe muvikwizize vyose mu visakwa vyenyu, ho mucile kuwa watazi mu milimo yose miswanu,

Luganuzi Luswanu Kuli Wanhu Wose 2002

⁸ U Mulungu kosuma kumupelenyi kuciza vyono mukuhila, ho muwe muvikwizize vyose mu visakwa vyenyu, ho mucile kuwa watazi mu milimo yose miswanu,

2 Wakolinto 9:8 ပူးပေါင်းရင်းမြစ်များ

Metumo ge Watumwa 9:36

Kwali na mwijizwa yunji we cicekulu kuko ku Yopa, litagwa lyakwe yacemagwa Tabita, mu Cigiliki Dolika, nhunizo yayo “Nzimba.” Mucekulu yuyo yali yamemile metumo maswanu, nayo yawatazaga iwaciwa vilo vyose.

1 Wakolinto 15:58

Holeka wandugu zangu wendece, mwime mukamile. Kanyhi mujendelele kuwituma u mulimo wo Muwaha kwe vilungo, nhondo zose, akuno mukumanya, u mulimo wuwo wo kumwitumamila u Muwaha wono mukwituma vyono si wolokwajilila bwete.

2 Wakolinto 13:3

Alu langa ho mokwiwonelela nyo weneco, vyono Kilisito yakulonjela muli nene. Mono kuliʼnye, Kilisito si yasoceye yaye, langa i vilungo vyakwe vikwituma muli nyenye.

2 Wakolinto 8:19

Hamonga na zizo, mwene yehagwa ne makanisa gose, ho ciwe jendana nayo lono cikwitumama u witumami wetu wuwuno wo wendo, witumami wono cikwituma so lukumyo lo Muwaha no kulajila wuhile wetu wuswanu, wo kuhila kulavya wutazi.

2 Wakolinto 8:2

Wose wono wehuwiye wono wali kuko, vyono watuga majelo mawaha so wugaye, ninga hamba nhavivyo inyemo yawo yikonjelezeka muno, sunga wakawa wacemezi muno, hamba wawe wali waciwa muno muno.

2 Wakolinto 8:7

Vyono mukwizize vyose, mu wihuwilo, wulonje, wumanye, wupiligazi wo kwituma i ziswanu, sunga na mu wendo wenyu wa kuliʼse. Holeka, cikuhila mucile muno mu witumami wuwuno wo wendo.

2 Wakolinto 9:11

Nayo komugolifyenyi nhondo zose muli vyose, wanhu ho wasume kumulumbo Mulungu, ku soko ye vipegwa vyenyu vyono wakuvibocelela mu miwoko yetu.

Waefeso 2:10

Ase cili viwumbwa vyo Mulungu, na mu wilunze hamonga na Kilisito Yesu, yaciwumba ho cikale mu mikalile yo kwituma ziswanu, zono yaciwikaniziza cizitume.

Waefeso 3:20

Ale kuli yuyo mono kwe vilungo vyakwe vyono vikwituma mugati yetu, yasumile kwituma zimbaha zono zicizize kuli zono cidahile kulomba hamba kwihwesa,

Wafilipi 4:11

Si nghulonga nha vivi yiwe nha kotya nghusaka cinji, hambi nha neyijiza kuwa nyheye ne vinhu vyono nina navyo,

Wakolosayi 1:10

Baho langa ho mosuma kwikala nha vyono yikumunojeza u Muwaha, no kwituma nhondo zose zo wuhile wakwe. Ne mikalile yenyu yowa yina mana gose ge metumo maswanu, nanye mocila muno kuwiluka mu wumumanyo u Mulungu.

2 Watesalonike 2:17

yazituzaje zinhumbula zenyu kanyhi yamusikamyenyi ho musume kwituma no kulonga ziswanu nhondo zose.

2 Timoteyo 2:21

Holeka hono munhu yeyeze ko kwilega ne makani gago gose go wavu, ale yuyo yo kowa co ciya ce vitumamilwa vye siya, vyono yakondya kuwikwa siya, nayo yuyo yakumunojezo Muwaha wakwe, nayo kanyhi yakuwa yewikanizize lukulu so mulimo wo wose muswanu.

2 Timoteyo 3:17

u munhu mono yakumwitumamilo Mulungu ho yawe yakwilaniciye, kanyhi yakondelezezwe lukulu ku wituma i milimo miswanu yose.

Tito 2:14

Mono yelavya mweneco ho yacikomboze mu wavu wetu wose, ho yacinoze ciwe cisina yilema ase co wanhu wakwe mweneco, wanhu wono wena wuhile wo kwituma metumo maswanu.

Tito 3:14

Yiwanojeye wanhu wetu weyijize vyono yiwanojeye kuvitumila vidaha vyawo mu wituma ziswanu, ho wawataze wono wena wanjile we mbeka, ne mikalile yawo nayo yeze mikalile yono yinojeye.

Tito 3:8

Ne nghani yiyi ya mbeka. Nghukulomba wuzilongaje wusimbiliye zinghani zi zino, ho wawalya wono wamwihuwiye u Mulungu wawe no wuhile wo kucitumamila cilejeho cawo mu wituma ziswanu, zono swanu na zono zina cambuzi kuli wanhu.

1 Petelo 4:10

Kanyhi anye wose munojeye mwitumamile cipegwa cono mwapegwa no Mulungu so cambuzi ca wanji, nha vyono u mukozwa muswanu we vipegwa hayo hayo vyo Mulungu.