2 Wakolinto 9:13 - I CILAGANE CIPYA 1991

¹³ Na ku soko ye citanjilo cono cikwijela so mulimo wetu wuwu, i wanhu womukumyo Mulungu ku soko yo Luganuzi Luswanu lwa Kilisito lono mukuluvumila, kanyhi na kusoko yo wuswanu wono mukuwatendela wene hamonga ne wanhu wose.

Luganuzi Luswanu Kuli Wanhu Wose 2002

¹³ Na ku soko ye citanjilo cono cikwijela so mulimo wetu wuwu, i wanhu womukumyo Mulungu ku soko yo Luganuzi Luswanu lwa Kilisito lono mukuluvumila, kanyhi na ku soko yo wuswanu wono mukuwatendela wene hamonga ne wanhu wose.

2 Wakolinto 9:13 ပူးပေါင်းရင်းမြစ်များ

Matayo 5:16

Nha vivyo vyo yinojeye no wuzelu wenyu wumulice hali wanhu, ho wagawone imetumo genyu maswanu, nawo wamulumbe u sogo yenyu wa ku wulanga.

Matayo 9:8

Ne wanhu wose wono wali wali mwipuga lilyo, waza kuziwona zizo, wakezina muno akuno wakogopa, wakamukumyo u Mulungu mono yawapelile wanhu ivilungo vinha vivi.

Luka 6:46

“Nghuwona mukunyitya, Muwaha, Muwaha, akuno si mukwituma zono nghulonga?

Yohana 15:8

Nayo Baba kakumyagwa, hono mulele muno mikalo minji, nanye mowa wejizwa wangu.

Metumo ge Watumwa 11:18

Waza kuzihulika zizi, wakanyamala, wakamukumyo Mulungu wakutya “U Mulungu kawapela wanhu we Makungugo ganji cilejeho co kunena ho wawutuje wumi!”

Metumo ge Watumwa 4:21

Nawo wawo iwanyamhala wo Mukungʼano waza cila kuwogofya, hanyuma wakawaleka. Hambi nha si wayiwona yo kuwatamisiza, hambi wanhu wose nha wamukumyago Mulungu, so nghani yiyo yono yanozeka.

Walumi 10:16

Ninga hamba nha vivyo, si wose wono walubocela u Luganuzi lulo Luswanu.

Walumi 12:8

Nayo mono yena icipegwa co kuwalanjiza iwanji, yanoze nha vivyo. Nayo mono yakumugawila u muyagwe muli cono yena naco, ale yanoze nha vivyo ko mutima muzelu. Nayo mono yapejigwe wulongola, ale yetumaje yahidimbaye. Nayo mono yakwituma nghani yo lusungu, yetumaje no luseko.

Walumi 15:31

Mulombe ho nihone muli awalya wono wali ku Wuyahudi, no witumami wangu kuko ku Yelusalemi, ho wusume kulumbwa ne wanhu wo Mulungu wono wali kuko.

Walumi 16:26

Ninga aluno, imbeka yiyo yakondya kugubulwa mu nzila ye Mandiko ge wawizi, na so lilajilizo lyo Mulungu we cibitilila, yakondya kulajilwa kuli makungugo gose, ho wose wasume kwihuwila no kuwa na cihuliko.

2 Wakolinto 10:5

no kuvikumulanga vimizi vyose vyo wiwoni vyono vikwimila u wumanyo Mulungu, cikugakwega i mahweso gose no kuganoza gamuhulice Kilisito.

2 Wakolinto 2:12

Lono nali neza kufika ku Tulowa kuluganula u Luganuzi Luswanu lwa Kilisito, nghagana u mulango wuli mwazi ku soko yo mulimo wo Muwaha.

2 Wakolinto 8:4

wakacinena muno wapegwe cilejeho co kuhanga nase mu witumami wuwu wo kuwataza wanhu wo Mulugu wono wali mu Wuyahudi.

2 Wakolinto 9:14

Holeka wojendelela kumulombelenyi ko mutima wose, ku soko ye lihewa lyono u Mulungu yamupelenyi.

Wagalatiya 1:24

Nawo wakamukumya u Mulungu ku soko yangu.

1 Timoteyo 6:12

Umanyhe kwe vilungo vyako vyose wicize lumangho lo wihuwilo, ho witujile cihumbilizwa co wumi we cibitilila, wono wacemelwa lono wawuvumila u wihuwilo wako hali wahomelezi wenji.

1 Timoteyo 6:13

Hali Mulungu mono kavipelaga i vinhu vyose wumi, na hali Yesu Kilisito mono yayihomelela no kuyivumila imbeka hali Pontiyo Pilato,

Wahebelaniya 10:23

Ciwukamisaje u witumbilo wetu wono cikuwuvumila, hambi u Mulungu mono yawunoza u wihuwizo wakwe nha mwihuwilwa.

Wahebelaniya 13:16

Mulece kusemwa kwituma i ziswanu no kwitaza nyenye wose, hambi zizo nha lye kumbiko lyono likumwendeza u Mulungu.

Wahebelaniya 3:1

Ale anye wandugu zangu, mo wanhu wo Mulungu mono mwacemwa no Mulungu, mwihwesaje za Yesu mono u Mulungu yamutuma yawe Mukohani Muwaha wo wihuwilo wetu.

Wahebelaniya 4:14

Hambi nha yicinojeye ciwibatilile lukulu u wihuwilo wetu. Hambi nha cina u Mukohani Muwaha, Yesu u Mwana wo Mulungu, mono yenjila mweneco sunga kuli Mulungu.

Wahebelaniya 5:9

Nayo yaza kukwilanicizwa, yakawa wo mwamulizo wo wukombozi we cibitilila kuli wose wono wakumuhulika,

1 Petelo 2:9

Ninga anye muli ndelwa hagulwa, iwakohani wo Mutemi, inghungugo yono yelile, i wanhu wo Mulungu mweneco, mono muhaguywe ho mwanze ze metumo mawaha go Mulungu mono yamucemenyi kulawa ku wutitu, yakamwinjizenyi mu wuzelu wakwe wo kwizina.

1 Petelo 4:11

Na mono yakulonga nghani yo yose, u wulonje wakwe, weze nho wulonje we zinghani zo Mulungu, na mono yakuwetumamila wanji, yimunojeye yawetumamile ne vilungo nha vyono yakupegwa no Mulungu. U Mulungu ho yakumizwe muli vyose, mwitagwa lya Yesu Kilisito, mono ulukumyo ne vilungo nha vyakwe cibitilila na cibitilila! Heya.