2 Wakolinto 8:9 - I CILAGANE CIPYA 1991

⁹ Hambi anye nha mulimanyile lihewa lyo Mutwa wetu Yesu Kilisito, nha vyono mwene hamba yawe yali yakwizize vyose, ninga yakenoza nha muciwa ku soko yenyu, anye ho mugolipile mu wuciwa wakwe.

Luganuzi Luswanu Kuli Wanhu Wose 2002

⁹ Hambi anye nha mulimanyile lihewa lyo Mutwa wetu Yesu Kilisito, nha vyono mwene hamba yawe yali yakwizize vyose, ninga yakenoza nha muciwa ku soko yenyu, anye ho mugolipile mu wuciwa wakwe.

2 Wakolinto 8:9 ပူးပေါင်းရင်းမြစ်များ

Matayo 17:27

Ninga alu ho cilece kuwakobaza, ale wubite kwilenga, wukayitajile ndowano, nagwe nhondo wusole yi somba yinongozi yono koyibata, hanyuma wuyahamulaje mulomo wayo, na mugati koziwona zipesa zono zikwiliye so kodi. Ale wuzisolaje wubite wukawapele, ku soko yangu na gwegwe!”

Matayo 20:28

Na vyo nha vivyo, u Mwana wo Munhu nayo, si yaza ho yetumamilwe, langa ho yetumame, no kuwulavya u wumi wakwe ho wuwe wukombozwe wa wanhu wenji.”

Matayo 8:20

Ninga Yesu yakamupitula yakamutya, “Imacewe, gena mamwina, ne zindeje nazo zina manhuli, ninga u Mwana wo Munhu, yasina hamba hanhu ho kuceha.”

Maluko 6:3

“Alu ma, si yo yuyu muselemala, umwana we cilume wa Malyamu no ndugu yawo wa wa Yakobo, na Yose na Yuda na Simoni? Ne walumbuze ma, si kotya wekalaga baha hono hetu? Holeka wakatuga mahwele nayo.”

Luka 16:11

Ale, hono si muli wehuwilwa mu zisawo zimbi za mononze, nani mbi mono komukozenyi zisawo ze mbeka?

Luka 2:7

Yakasawa u mwanagwe we cilume mwana mulongozi, yakamuvwika myenda yo wugalika, yakamuwika mu ciya co wulilo we mitugo, vyono siwatuga cilejeho mu nyumba ye wajenzi.

Luka 8:3

Na Yowana u mugolece wa Cuza u mwitumami mulongola wa Helode, na Susana, na wanji wenji. Wacekulu wawo wawetumamilaga Yesu ne wejizwa wakwe mu sawo yawo weneco.

Luka 9:58

Yesu yakamutya, “Zinhyewe zina mamwina ne zindeje za mucanyha zina manhuli, ninga Mwana wo Munhu yasina ha kuceha.”

Yohana 1:10

Ale, i Nghani yali mono yinze, ne yinze yawumbilwa muli mwene, ninga i yinze si yamutanga yaye.

Yohana 1:14

I Nghani nayo yakawa munhu, yakekala mwetu. Nase cikayiwona i nhojo yakwe, i nhojo yakwe mwene mono mwana we ciwene wa Baba; yamemile lihewa ne mbeka.

Yohana 1:17

Hambi u Mulungu, nha yawulavya Wulajilize mu nzila ya Musa, ninga i lihewa ne mbeka, vyaziza mu nzila ya Yesu Kilisito.

Yohana 12:30

Ninga Yesu yakawalonjela yakatya, “Lizi lili, si lizize so nene, langa liza so nyenye.

Yohana 16:15

Vyose vyono yena navyo Baba, nha vyangu, na ku soko yiyo holeka nheye, yuyo u Muhe Mono Yelile, kolomulonjelenyi zono kozituga kulawa kwangu.

Yohana 17:19

Na ku soko yawo, nane holeka nghwisiwanula no mweneco, nawo ho wasiwanulilwe mu mbeka.

Walumi 11:12

Holeka hono u wugwe wawo, wuwaletela we yinze wugoli wo wumoteswe wuwaha, ale nha vivyo wuwe wawo wo kuwa wasina i mikalile miswanu ye cimuhe, wuwaletela wumoteswe wuwaha iwanhu we makungugo ganji. Holeka yili calinze muno, vyono wukwilanicile wawo, woleta uwumoteswe winji muno.

Walumi 15:3

Hambi na Kilisito nha si yeyendeza mweneco, nha vyono gakutya i Mandiko, “I zimbi zose zono wakulongaga gwegwe, zikangwila nene.”

Walumi 5:8

Ninga u Mulungu yakangazize vyono mwene yacendile, hambi lono ase cali cikali wahodanji, Kilisito yakafwa ku soko yetu.

Walumi 8:32

U Mulungu mono si yamutetela u Mwanagwe we ciwene, langa yakamulavya ku so sese wose. Alu hono yetuma nha vivyo, wule, si kocipela ne ziswanu zose?

1 Wakolinto 1:4

Nane nghumulumba u Mulungu wangu nhondo zose, ku soko yenyu, ku soko vyono yakondya kumupelenyi, anye i lihewa lyakwe mu nzila ya Kilisito Yesu.

1 Wakolinto 15:47

Nayo Adamu u mulongozi, nha yawumbwa ko muhangha, holeka u mwene wa muhangha, ninga u munhu we kejete, ayo yalawa ku wulanga.

2 Wakolinto 6:10

Hamba ciwe catuga wulipicizwe, ninga si cikawulagwa yaye, hamba ciwe cina wuzinguce, ninga cikusangalala nhondo zose, hamba ciwe ciciwape muno muno, ninga cikuwagolifya wanhu wenji, cijelaga nha cili wanhu mono cisina cinji co cose, ninga kumbe ho cina navyo i vinhu vyose.

Waefeso 2:7

Nha vivyo vyo yenda kuwulajila kuli wanhu wa ku myaka yono yokuza, u wuwaha we lihewa lyakwe wono yacipela bwete so wilunze wetu na Kilisito Yesu.

Waefeso 3:19

Kanyhi muwumanye no wendo wa Kilisito, wono wucizize wumanye wose, ho mumemywe u wukwilanicile wose wo Mulungu.

Waefeso 3:8

Ane nili mudodo si nhe wanhu wo Mulungu wose, ninga napegwa ilihewa lyakwe, ho niwaganulile iwanhu we makungugo u wugoli wa Kilisito wono wusina cipimo,

Wakolosayi 1:24

Alu nghusecelela mu matamiso gangu so nyenye, hambi nha ku soko ye magayo gangu ga baha hono yinze, nghumemeleza cono cali cicepuce mu magayo ga Kilisito ku soko yo muwili wakwe, likanisa.

1 Timoteyo 6:18

Uwalonjelaje wetume viswanu, wawe wagoli mu metumo maswanu, kanyhi wawe wacemezi, wono wewikanize mu wuhanga ne wanji zisawo zawo.

Wahebelaniya 1:2

ninga mu vilo avi vyo mudumo, kalongana nase mu nzila yo Mwanagwe. Na muli mwene, u Mulungu mo yayiwumbila yinze, kanyhi yakamuwika ho yaviteme vinhu vyose.

Yakobo 2:5

Wandugu zangu, wendece, hulicizenyi ta! u Mulungu yakondya kuwahagula iwanhu wono waciwa wa mu yinze yiyi, ho wawe wagoli wo wihuwilo kanyhi wawubocelega wutemi wono yawatemezeza wa walya wono wamwendile.

Wugubule 2:9

Nigamanyile magayo gako, kanyhi sunga no wuciwa wako, ninga imbeka agwe ho wuli mugoli. Kanyhi niwumanyile no wutovulwe wono watovulwa na walya wono wakwiyitya Wayahudi, ninga ho si Wayahudi we mbeka, langa ipuga lye Setani.

Wugubule 21:7

Nayo munhu wo wose mono kosuma, yuyo kopegwa acino. Ane nowa Mulungu wakwe, nayo kowa mwanangu.

Wugubule 3:18

Alu ane nghukupela yihala nhavi, wugule kwangu zahabu swanu muno, ho wuwe wuli mugoli mbeka. Kanyhi nghukunena, dedede, wugule ne vivwalo vizelu, wuvwale, ho wugubicize cevu ce cipwi cako. Wugule kanyhi ne mafuta, wibace mu meso gako ho wuwone.