2 Wakolinto 8:4 - I CILAGANE CIPYA 1991

⁴ wakacinena muno wapegwe cilejeho co kuhanga nase mu witumami wuwu wo kuwataza wanhu wo Mulugu wono wali mu Wuyahudi.

Luganuzi Luswanu Kuli Wanhu Wose 2002

⁴ wakacinena muno wapegwe cilejeho co kuhanga nase mu witumami wuwu wo kuwataza wanhu wo Mulungu wono wali mu Wuyahudi.

2 Wakolinto 8:4 ပူးပေါင်းရင်းမြစ်များ

Matayo 10:42

Na mbeka nghumulonjelenyi vyono, muli wose mono komupela yumonga wa muli wadodo wawa i cikombe ce malenga gono gali zizizi, ku soko vyono mwijizwa wangu, yuyo nayo mbeka kopegwa icihumbilizwa cakwe.”

Matayo 12:50

Vyono u munhu wo wose mono yakwituma nha vyono yakuhila Baba mono yali ku wulanga, ale, yuyo yo muwaha wangu, yo lumbu lyangu, kanyhi yo nyina yangu.”

Matayo 25:40

Nayo u Mutemi kowapitula yawe kutya, ‘Mbeka nghumutyenyi, vyono co cose cono mwamutendela yumonga muli wawa i wandugu zangu wadodo, ale, mwanhendela nene.’

Maluko 14:7

Hambi iwaciwa nha muwezanaga nawo nhondo zose, holeka mosuma kuwataza mwipango lyo lyose lyono mwendile. Ninga ane, si mosuma kuwezana nane nhondo zose.

Metumo ge Watumwa 11:29

Iwejizwa wose wakelumbila munhu na ha nghango yakwe, kuwategulila wutazi, we zindugu wono wekalaga mu Wuyahudi.

Metumo ge Watumwa 16:15

Nayo yaza kubaputizwa, u mwene na wa munyumba yakwe wose, yakacinena yakutya, “Hono yiwe mbeka mwawona vyono nane nimwihuwiye Muwaha, ale mwinjile mu kaya yangu.” Yakacinena cibite.

Metumo ge Watumwa 24:17

“Sunga na lono nali nekala kutali kwa myaka minji, nawuya ku Yelusalemi, ho niwategulile wanyawusi wayangu wutazi no kulavya vilavya.

Walumi 15:31

Mulombe ho nihone muli awalya wono wali ku Wuyahudi, no witumami wangu kuko ku Yelusalemi, ho wusume kulumbwa ne wanhu wo Mulungu wono wali kuko.

1 Wakolinto 16:1

Alu, kuli zo wuhangulize we vinhu ku soko ye wanhu wo Mulungu munoze nha vyono nawalajiliza we makanisa ga ku Galatiya.

1 Wakolinto 16:15

Nye wandugu zangu, si kotya muyimanyile i mhuga ya Stefano vyono i wene, wo wanhu walongozi muno muno wo kuwubocela u wihuwilo we Cikilisito mu Akaya, na vyono welavizye ho wawetumamile i wanhu wo Mulungu. Nane nghumunenenyi anye nyo wandugu zangu,

2 Wakolinto 9:1

Hambi nhe kataza lya bwete kumwandicilenyi kuli zo witumami wenyu wuwo, ku soko ye wanhu wo Mulungu wono wali ku Wuyahudi.

Wagalatiya 2:10

Ninga hamba nha vivyo, wacilomba ase cinhu cimonga, nha cinji ciwakumbucile wanhu waciwa, na yo nghani yono nghuhidimbala muno kuyituma.

Wagalatiya 6:10

Holeka lono cikali cina cilejeho, yicinojeye ciwatendele wanhu wose i ziswanu, na ko muno i wandugu zetu wa mu wihuwilo wetu.

1 Timoteyo 5:10

yeze mono yena lilumbo yiswanu, umucekulu mono yawawiluse wanagwe viswanu, mono yawabocela wajenzi mukaya yakwe, mono yawazuguza magulu iwanhu wo Mulungu, yawataza wanhu mu wugaye wawo, kanyhi yelavya ku wituma metumo maswanu.

Wahebelaniya 6:10

Hambi u Mulungu nha si kawezaga yasina lingʼani u mwene si kowusemwa mulimo wenyu wono mwetuma, hamba u wendo wono mwawulajila ku soko ye litagwa lyakwe mu witumami wenyu wono mwawetumamila na vyono sunga na lulu mukali mukuwetumamila i wanhu wakwe.