2 Wakolinto 8:23 - I CILAGANE CIPYA 1991

²³ Tito yo muyangu, mono cikwituma hamonga u mulimo kusoko yenyu. Ninga kuli za awano wandugu zetu wanji wono vikuzana nawo, awo watumwa ne makanisa no lukumyo lwa Kilisito.

Luganuzi Luswanu Kuli Wanhu Wose 2002

²³ Tito yo muyangu, mono cikwituma hamonga u mulimo ku soko yenyu. Ninga kuli za awano wandugu zetu wanji wono vikuzana nawo, awo watumwa ne makanisa nu lukumyo lwa Kilisito.

2 Wakolinto 8:23 ပူးပေါင်းရင်းမြစ်များ

Luka 5:10

Yakobo na Yohana nawo nhavivyo, wana we cilume wa Zebedayo, wono wali wahanjlie na Simoni. Yesu yakamutya Simoni, “Ulece kogopa, vyono ukulawa lulu kowa kuwanimula wanhu.”

Luka 5:7

wakawacema wayawo wono wali mu ngalawa yinzagwe, waze wawataze, nawo wakaza, wakazimemya zisomba mu zi ngalawa zose vyono nyejete, sunga zikawa behi no kudodomela.

Yohana 13:16

Mbeka nghumutyenyi, u mwitumami si yamucizize u muwaha wakwe, hamba mono yatumwa, si yamucizize mono yamutumile.

1 Wakolinto 11:7

Si viswanu kuli mulume hono yagubicize u mutwe wakwe, vyono u mwene yo hwani yo Mulungu, kanyhi co cilole co lukumyo lo Mulungu, ninga u mucekulu, co cilole no lukumyo lo mulume.

2 Wakolinto 12:18

Ane namucema Tito, nghawa kumutumilenyi mwene hamonga no ndugu yetu yunji. Ninga wulenyi Tito yakamukalipilenyi? Alu si mumanyile vyono Tito na nene cikutongwa no Muhe yuyo yumonga? na vyono cikalaga mu mikalile yono yihwanile?

2 Wakolinto 7:6

Ninga Mulungu mono yakuwapela vilungo wono wasoceye, yakacipela vilungo nase so wuze wa Tito.

2 Wakolinto 8:16

Nghumulumbo Mulungu mono yamupela Tito i nhumbula yono yina nyhilu nhe yangu yo kumupelenyi wutazi.

2 Wakolinto 8:18

Alu cikumutumiliza hamonga no ndugu yetu yunji mono u lukumyo lwakwe lutandaye mu makanisa gose ku soko yo wuganula u Luganuzi Luswanu.

2 Wakolinto 8:19

Hamonga na zizo, mwene yehagwa ne makanisa gose, ho ciwe jendana nayo lono cikwitumama u witumami wetu wuwuno wo wendo, witumami wono cikwituma so lukumyo lo Muwaha no kulajila wuhile wetu wuswanu, wo kuhila kulavya wutazi.

2 Wakolinto 8:22

Hamonga ne wandugu zetu wawo, cimutuma no ndugu yetu yunji, mono cakondya kumuwona kali kenji vyono u mwene nayo yena wuhidimbazi wo wutazi, sunga na lulu yena witumbilo wuwaha na nyenye.

2 Wakolinto 8:6

Holeka cikamunena Tito mono yawamula u mulimo wuwu, yamutazilizenyi, ho musume kuwituma u witumami wuwuno wo wendo muli nyenye.

Wafilipi 2:25

Ninga nawona cinojele nimutumilenyi ndugu yetu Epafulodito, u mwitumami muyangu no mulewani muyangu, mono mwanhumila, nayo yakanhaza mu visakwa vyangu.

Wafilipi 4:3

Nagwe go mwitumami muyangu mwihuwilwa, nghukunena wuwatazaje wadala wawo, hambi nha wetuma wahidimbaye u mulimo wo kuluganula u Luganuzi Luswanu, hamonga nane na Kelementi, hamonga ne wetumami wayangu wanji wose, wono i matagwa gawo, gandicigwe mu citabu co wumi.

Wakolosayi 1:7

Mweyijiza ze lihewa lyo Mulungu kulawa kuli Epafala u mwitumami muyetu, u mwitumami mwihuwilwa wa Kilisito ku soko yetu.

1 Watesalonike 2:2

Mumanyile vyono catamiswa, no kutovulwa akulya ku Filipi, lono cali cikali si nafika u kwenyu ku Tesalonike. Hamba kuwe kwali kowuli wiwanganile winji, ninga u Mulungu wetu, yakacipela wuluwuce wo kumuganulilenyi u Luganuzi lwakwe Luswanu.

2 Timoteyo 4:10

Hambi Dema nha yandeka, mwene yenda ze yinze ya lulu, yakabita ku Tesalonike. Kileseke nayo yabita ku Galatiya, na Tito yabita ku Dalumatiya.

Tito 1:4

Nghukwandicila agwe Tito go mwanangu we mbeka mu wihuwilo wono cihanjile sese wose. Ilihewa no mulamu wono wukulawa kuli Mulungu Baba, na kuli Kilisito Yesu, u Mukombozi wetu.

Filemoni 1:17

Ale, holeka hono wuwe wukumbona ane nili muyago, ale wumubocelaje kanyhi nha vyono wali wumbocele nene no mweneco.

Filemoni 1:24

Nawo wa Maluko na Alisitaliko na Dema na Luka, i wetumami wayangu, wose wakukulamusa.

3 Yohana 1:8

Holeka ase yicinojeye ciwapele wutazi wanhu wawa, nase ho cihanje u mulimo wawo ku soko ye mbeka.