2 Wakolinto 7:8 - I CILAGANE CIPYA 1991

⁸ Holeka hamba niwe namukalazenyi so baluwa yangu, ninga ane no mweneco si nghuwona soko yo kukatala. Heya, manyile vyono baluwa yiyo yikamupelenyi wukalale, ninga wali wukalale wa cidaha cidodo du.

Luganuzi Luswanu Kuli Wanhu Wose 2002

⁸ Holeka hamba niwe namukalazenyi so baluwa yangu, ninga ane no mweneco si nghuwona soko yo kukalala. Heya, manyile vyono baluwa yiyo yikamupelenyi wukalale, ninga wali wukalale wa cidaha cidodo du.

2 Wakolinto 7:8 ပူးပေါင်းရင်းမြစ်များ

Yohana 16:6

Ninga vyono nimulonjelenyi zizi, zinhumbula zenyu zimemile wukalale.

Yohana 21:17

Lwe kadatu kanyhi yakamutya, “Ati Simoni go mwana wa Yohana, wunyendile ane ʼmbi?” Nayo Petelo yakakalala vyono Yesu yamuwuzize kadatu yakutya, “Unyendile?” Yakamutya, “Muwaha, agwe wumanyile zose, wumanyile vyono ane nghwendile.” Yesu yakamutya, “Ale wudime zingholo zangu.”

2 Wakolinto 7:11

Alu mosuma kuwona vyono u Mulungu yawitumamila wuwo u wukalale wenyu. Lanje vyono mweza muli wahidimbazi, mu wilajile vyono musina malema go gose, mu makuwo, mu wutinuswe no woga, mu wuwa ne nyhilu yo wituma ziswanu, mu wogopo Mulungu, akuno mwiwikanize nhondo zose kwihoma ne zinghani zose zono si zinojeye. Mwakondya kwitajila nha vyono musina yilema lyo lyose mu nghani yiyi.

2 Wakolinto 7:12

Holeka hamba hiwe nghandika baluwa yiyilya, si nayandika ku soko yo munhu musutyi, hamba si nayandika ku soko yo munhu mono yasutizywe. Ane nayandika ho zijele calinze hali Mulungu vyono mwina no wuhidimbale ku soko yetu.

2 Wakolinto 7:6

Ninga Mulungu mono yakuwapela vilungo wono wasoceye, yakacipela vilungo nase so wuze wa Tito.

2 Wakolinto 7:7

Ninga si so wuze wakwe Tito du wono wacisangalaza, kusoko yo wusindamikwe wono mwamupela. Mwene yaciloloseza nha vyono mwendile muno kwiwona nane, kanyhi na vyono mwina wukalale, na vyono mukuhila kunhetela. Ne nghani yiyi yikusangalaza muno.

2 Wakolinto 7:9

Ninga alu nina wusangalale, singhusangalala vyono namukalazenyi langa vyono wukalale wenyu wamunozenyi mupitule wuhile wenyu no kunena. Wukalale wuwo wetumamilwa no Mulungu, holeka ku soko yiyi ase si camutendelenyi nghani yo yoseʼmbi,

Wugubule 3:19

Ane yo nene mono nghumulanjiza no kumutacila munhu wo wose mono nimwendile. Holeka wikamilizaje, wunene, wuwuleco wubi wako.