2 Wakolinto 7:15 - I CILAGANE CIPYA 1991

¹⁵ Holeka no wendo wa mu nhumbula yakwe kuliʼnye, wokonjelezeka muno, ko muno lono yakukumbucila vyono anye wose muli cihuliko, na vyono mwamubocela mwene ne cogopo ciwaha hamonga no wucicime.

Luganuzi Luswanu Kuli Wanhu Wose 2002

¹⁵ Holeka no wendo wa mu nhumbula yakwe kuli'nye, wokonjelezeka muno, ko muno lono yakukumbucila vyono anye wose muli cihuliko, na vyono mwamubocela mwene ne cogopo ciwaha hamonga no wucicime.

2 Wakolinto 7:15 ပူးပေါင်းရင်းမြစ်များ

Yohana 16:21

U mucekulu, mwipango lyo kusawa, yakuwona wusungu, hambi cidaha cakwe co wusungu nha cafika. Ninga kolo mwana yalelwa, si yakukumbucila kanyhi u wusungu, so nyemo yo kulelwa munhu kononze.

Metumo ge Watumwa 16:29

Yaza kumucema yunji ho yalete tala, u mwene u musilikale mulindilize jela yakamanyhila kugati, yakagwa ha magulu ga Pawulo na Sila akuno yakucicima so woga.

1 Wakolinto 2:3

Lono nali nili kuko kwenyu, nali nili musocele, na kuno kanyhi nghucicima so woga winji.

2 Wakolinto 2:9

Na cono caleka nghandika ibaluwa yiyilya, nasakaga ho manye hono mweza muli cihuliko muli zose.

2 Wakolinto 6:12

Na hono muwe mukuwona ko cili cikobazo co cose cilya, i cikobazo cico cili muli nyenye nyo weneco, ninga si cili kulubavu lwetu yaye.

Waefeso 6:5

Nanye mo wawanda, muwahulice iwawaha wenyu wa baha mononze kwa cogopo no wucicime, mweze kunoza nha vivyo na mitima mizelu kotya nha mukumwitumamila Kilisito.

Wafilipi 1:8

U Mulungu yamanyile vyono nghulonga mbeka, lono nghukangaza vyono, so wendo wuwulya du wa Yesu Kilisito, nghuhila muno kumuwonenyi.

Wafilipi 2:12

Ale anye wendece wangu, lono nali nili hamonga nanye, mwahulikaga nhondo zose, sunga na lulu hambe nili kutali nanye, anye mujendelele ne cihuliko. Mweze kwituma milimo akuno mwina ne cogopo no wucicime ku soko yo wukombozi wenyu,

Wakolosayi 3:12

Anye muli wanhu wo Mulungu, u mwene yamwendenyi anye kanyhi yakamuhagulenyi. Holeka nanye muvwale i nhumbula yo lusungu, wuswanu, winenenyhezi, wupolo, no wukangalizi.

2 Watesalonike 3:14

Yidahile kuwa kuko koyuli munhu yunji mono si yakuyihulika nghani yiyi yono cikumuletelenyi mu baluwa yiyi. Na hono yiwe nha vivyo, ale yinojeye anye mumwanzalice u munhu yuyo, kanyhi mulece hamba kuhanga nayo mu nghani yo yose, nayo ho yawone cevu.

1 Yohana 3:17

Holeka munhu hono yawe yena zisawo za baha mononze, na hanyuma yamuwone nduguye yali mu wugaye, ninga ho yawe na nhumbula nghamu hamba kumuwonela lusungu ngʼo, alu kosuma nhawule kutya yamwendile Mulungu?