2 Wakolinto 7:13 - I CILAGANE CIPYA 1991

¹³ Holeka nase cikatuzwa muno muno. Hamba nha vivyo, si vyono catuzwa du, langa vyono na Tito nayo yakacisangalaza muno ne nyemo yono yali yena nayo, i nyemo yono yalawilila mu wusangalaze wenyu wono mwamusangalaza inhumbula yakwe.

Luganuzi Luswanu Kuli Wanhu Wose 2002

¹³ Holeka nase cikatuzwa muno muno. Hamba nhavivyo, si vyono catuzwa du, langa vyono na Tito nayo yakacisangalaza muno ne nyemo yono yali yena nayo, i nyemo yono yalawilila mu wusangalaze wenyu wono mwamusangalaza inhumbula yakwe.

2 Wakolinto 7:13 ပူးပေါင်းရင်းမြစ်များ

Walumi 12:15

Musangalalane na wono wakusangalala, mulilane na wono wakulila.

Walumi 15:32

Holeka hono u Mulungu yende, nosuma kuza kwenyu na mutima muzelu, ho nyhehe hamonga nanye.

1 Wakolinto 12:26

Na hono cilunzwa cimonga du cituje wusungu, i vilunzwa vyose vikuwona wusungu hamonga du na hono cituje lilumbo, ne vilunzwa vinji vyose navyo vikusangalalana hamonga naco.

1 Wakolinto 16:13

Ale, mwikalaje meso, kanyhi mwimaje mukamile mu wihuwilo, akuno musina woga, kanyhi mweze muli vilungo.

1 Wakolinto 16:18

Hambi nha wayisangalaza nhumbula yangu nha vyono wazisangalaza zinhumbula zenyu. Holeka yinojeye muwalumbe wanhu wawa.

2 Wakolinto 2:13

Ninga si nasuma kutula mu mutima wangu, vyono si namwagana u ndugu yetu Tito. Na yo soko yono yikaleka nghamwilajenyi wose bahalya no kubita Makedoniya.

2 Wakolinto 2:3

Holeka namwandicilenyi vyono, si nasaka kumuzizenyi ho nghalazwe nanye, anye mono munojeye muwe yo nyemo yangu. Nane manyiye lukulu nha vyono, hono ane niwe nina nyemo, ale nanye wose mukuwa mwina nyemo nha vivilya.

2 Wakolinto 7:14

Holeka nane nimukumizyenyi muno hali mwene, akuno manyiye lukulu, vyono si nghwikonga mu nghani yiyo. Hambi nha cikuwa kumulonjelenyi nghani za mbeka nhondo zose, holeka na lono cikumukumizyenyi hamwande ya Tito, si nghani za wulambi yaye, langa za mbeka.

2 Wakolinto 7:15

Holeka no wendo wa mu nhumbula yakwe kuliʼnye, wokonjelezeka muno, ko muno lono yakukumbucila vyono anye wose muli cihuliko, na vyono mwamubocela mwene ne cogopo ciwaha hamonga no wucicime.

2 Wakolinto 7:6

Ninga Mulungu mono yakuwapela vilungo wono wasoceye, yakacipela vilungo nase so wuze wa Tito.

Wafilipi 2:28

Holeka nghuhila muno nimutumilenyi, kolo mukumuwona kanyhi, ho musecelele, nane u wuzinguce wangu wucepuce.

2 Timoteyo 1:16

U Muwaha yayiwonelaje lusungu mhuga ya Onesifolo, vyono yasangalazaga kali kenji mu nhumbula yangu, hamba si yawona cevu vyono ane nali funjigwe mu jela,

Filemoni 1:20

Ale du kanyhi ndugu yangu, wunozezaje i nghani yiyo ku soko ye litagwa lyo Muwaha, wusangalasizaje i nhumbula yangu muli Kilisito.

Filemoni 1:7

Gwe mwendece, u wendo wako wamhela nyemo mbaha muno muno, no kumhela vilungo mu nhumbula yangu! Ne zinhumbula ze wanhu wo Mulungu zikasangalala muno muno ku soko yako.

1 Petelo 3:8

Ale ze ndumilizo nghutya nhavi: yiwanojeye muwe na nhumbula monga, na ihweso limonga, yiwanojeye kwiyenda nha ndugu, mweze wapolo kanyhi muli wenenenyhezi nyenye wose.