2 Wakolinto 7:11 - I CILAGANE CIPYA 1991

¹¹ Alu mosuma kuwona vyono u Mulungu yawitumamila wuwo u wukalale wenyu. Lanje vyono mweza muli wahidimbazi, mu wilajile vyono musina malema go gose, mu makuwo, mu wutinuswe no woga, mu wuwa ne nyhilu yo wituma ziswanu, mu wogopo Mulungu, akuno mwiwikanize nhondo zose kwihoma ne zinghani zose zono si zinojeye. Mwakondya kwitajila nha vyono musina yilema lyo lyose mu nghani yiyi.

Luganuzi Luswanu Kuli Wanhu Wose 2002

¹¹ Alu mosuma kuwona vyono u Mulungu yawitumamila wuwo u wukalale wenyu. Lanje vyono mweza muli wahidimbazi, mu wilajile vyono musina malema go gose, mu makuwo, mu wutinuswe no woga, mu wuwa ne nyhilu yo wituma ziswanu, mu wogopo Mulungu, akuno mwiwikanize nhondo zose kwihoma ne zinghani zose zono si zinojeye. Mwakondya kwilajila nha vyono musina yilema lyo lyose mu nghani yiyi.

2 Wakolinto 7:11 ပူးပေါင်းရင်းမြစ်များ

Maluko 3:5

Baho u mwene Yesu yakawalanga wose kwe kuwo, akuno yakukalala ku soko yo wukamu we zinhumbula zawo. Hanyuma yakamulonjela umunhu yuyo, yakutya, “Golola muwoko wako!” Nayo yakawugolola u muwoko wakwe, nawo wukawa wapona kanyhi.

Yohana 2:17

Iwejizwa wakwe wakakumbucila vyono yandikwa, “Uwendo wangu so Nyumba yako, wukumbulaga.”

Metumo ge Watumwa 17:16

Nayo Pawulo lono yawalindilizaga wa Sila na Timoteyo kuko ku Atene, yakakalala muno mu nhumbula yakwe, yaza wona vyono likaya lilyo limemile vihwanicizo vye milungu.

Walumi 11:20

Sawa, gapanyulwa ku soko yo wula wihuwilo, ninga agwe wimile ku soko yo wihuwilo wako. Ninga wulece kwilumba, langa wogope.

Walumi 14:18

Na mono yakumwitumamila Kilisito nha vivyo, yakuwa kumwendeza u Mulungu, no kulumbwa ne wanhu.

Walumi 3:5

Ninga hono u wubi wetu wuwe wukuhomelela, vyono u Mulungu ketumaga kwe lingʼani, alu colonga cici kanyhi? Hambi cosuma kutya yasina lingʼani lono yakucifunda? (Aha nghulonga cimunhumunhu.)

1 Wakolinto 12:25

ho halece kuwa na matemanuko mu muwili, langa vilunzwa vyose ho visume kwiyitaza hamonga.

1 Wakolinto 5:2

Alu mosuma nhawule kwilumba? Mbeka, yali yinojeye kuliʼnye kulila, na yuyo mono yetumile zizo, yinojeye yawuswe mulinye.

2 Wakolinto 13:7

Cikumulomba u Mulungu, ho mulece kwituma wubi wo wose, ninga si vyono ho cijele nha wanhu wono wakondya kusuma, langa ho musume kwituma ziswanu, hamba ase ciwe kwijela kotya nha cilemigwe.

2 Wakolinto 2:6

U wulipicizwe wono yakondya kuwutuga kulawa kuli wenji wa muli nyenye, hodu womukwila Wuwo du.

2 Wakolinto 6:4

Langa cikuhila kwitajila nha vyono ase mbeka cili wetumami wo Mulungu muli zose, ko wukangalizi wuwaha mwipango lyo wutamiswe, mu magayo na mu wuciwa.

2 Wakolinto 7:1

Holeka nyo wendece, vyono cakondya kupegwa i vilagane vivyo yicinojeye nase ciyeze muli zose zono zosuma kucitipiza mu miwili sunga na mu zinhumbula zetu, ho ciwe celile muno muno, no kwikala mu mikalile yono yimogopilo Mulungu.

2 Wakolinto 7:7

Ninga si so wuze wakwe Tito du wono wacisangalaza, kusoko yo wusindamikwe wono mwamupela. Mwene yaciloloseza nha vyono mwendile muno kwiwona nane, kanyhi na vyono mwina wukalale, na vyono mukuhila kunhetela. Ne nghani yiyi yikusangalaza muno.

2 Wakolinto 7:9

Ninga alu nina wusangalale, singhusangalala vyono namukalazenyi langa vyono wukalale wenyu wamunozenyi mupitule wuhile wenyu no kunena. Wukalale wuwo wetumamilwa no Mulungu, holeka ku soko yiyi ase si camutendelenyi nghani yo yoseʼmbi,

2 Wakolinto 9:2

Manyile vyono mwina nhumbula yo wutazi, nane nghalumba ku soko yenyu so nghani yiyo kuli wanhu we Makedoniya. Nawalonjela nghatya, “Wandugu zetu wono wali ku Akaya, wali wewikanize kunoza wutazi ku wulawa mwekazo. Holeka u wihinde wenyu wakondya kuwaswaswaniza wanhu wenji muno.

Waefeso 4:26

Na hono muwe mukoligwe ne likuwo, mulece kulumba ilikuwo lyenyu limutegulenyi ku wituma wubi, kanyhi mulece kwikala ne likuwo lyenyu sunga lizuwa liswa.

Waefeso 5:11

kanyhi mulece kuhanga mu metumo ge citi gono si ganojeye, ninga mugawikaje mu wuzelu.

Wafilipi 2:12

Ale anye wendece wangu, lono nali nili hamonga nanye, mwahulikaga nhondo zose, sunga na lulu hambe nili kutali nanye, anye mujendelele ne cihuliko. Mweze kwituma milimo akuno mwina ne cogopo no wucicime ku soko yo wukombozi wenyu,

1 Watesalonike 4:6

Holeka munhu wo wose yalece kumusutizya hamba kumukapa u muyagwe mu nghani yiyi. Hambi nha cakondya kumulonjelenyi muli zizo kanyhi cikamusugulenyi vyono u Muwaha kowalipiciza wono wakwituma zono zinha zizo.

1 Timoteyo 5:20

Awalya nawo wono wakwituma wubi, wuwatacilaje calinze, ho iwanji nawo wogope.

2 Timoteyo 2:15

Wupiligale muno kwiwika mu mikalile ye lilumbo hali Mulungu nha mwitumami mono si yakuwuwonela cevu u mulimo wakwe, kanyhi mono yakwijiziza mu wulunji inghani ye mbeka.

Tito 3:8

Ne nghani yiyi ya mbeka. Nghukulomba wuzilongaje wusimbiliye zinghani zi zino, ho wawalya wono wamwihuwiye u Mulungu wawe no wuhile wo kucitumamila cilejeho cawo mu wituma ziswanu, zono swanu na zono zina cambuzi kuli wanhu.

Wahebelaniya 4:1

U Mulungu yacihuwiza vyono cosuma kuwutuga u wuceho wuwo wono yawulonga. Holeka ceze kogopa, yilece kuwa na lunji, muyenyu yunji yanjile ku winjila mu wuceho wuwo.

Yakobo 3:17

Ninga imahala gono galawaga kucanyha ku wulanga, gene gelile, gendile mulamu no wupolo, kanyhi galulaga wanhu, gamemile lusungu kanyhi galelaga mikalo ye metumo maswanu, gasina wuwaguzi hamba wukoci.

1 Petelo 1:17

Lono mukumutambula u Mulungu, anye Mumucemaga mukutya Baba. Ale, manyenyi vyono mwene kowalingʼaniza i wanhu wose mu metumo gawo yasina wuwaguzi. Holeka muvitumamilaje ivilo vyenyu vyono visigaye mu mikalile yenyu, mu wogopo Mulungu.

1 Petelo 2:2

Nha vyono iwana wadodo wasulumilaga mele, na nyenye nha vivyo munojeye muwe no wusulumizi we mele geneco ge cimuhe, na mu vilungo vyago, ho musume kuwiluka no kukombozwa.

Yuda 1:23

muwaponyaje ko kuwapula mu moto, na kuli wanji mweze mwina lusungu hamonga no woga, akuno mukuyisula sunga ne myenda yawo yono wayitipize ne masulumizi gawo i mabi.

Wugubule 3:19

Ane yo nene mono nghumulanjiza no kumutacila munhu wo wose mono nimwendile. Holeka wikamilizaje, wunene, wuwuleco wubi wako.