2 Wakolinto 7:1 - I CILAGANE CIPYA 1991

¹ Holeka nyo wendece, vyono cakondya kupegwa i vilagane vivyo yicinojeye nase ciyeze muli zose zono zosuma kucitipiza mu miwili sunga na mu zinhumbula zetu, ho ciwe celile muno muno, no kwikala mu mikalile yono yimogopilo Mulungu.

Luganuzi Luswanu Kuli Wanhu Wose 2002

¹ Holeka nyo wendece, vyono cakondya kupegwa i vilagane vivyo, yicinojeye nase ciyeze muli zose zono zosuma kucitipiza mu miwili, sunga na mu zinhumbula zetu, ho ciwe celile muno muno, no kwikala mu mikalile yono yimogopile Mulungu.

2 Wakolinto 7:1 ပူးပေါင်းရင်းမြစ်များ

Matayo 12:33

“U mubici hono wuwe muswanu, ale sunga ne mikalo yayo nayo yowa miswanu, na hono wuwe mubi, ne mikalo yayo yowa mibi. No mubici nawo wumanyicilaga mu mikalo gayo.

Matayo 5:48

Holeka mweze mukwilaniciye, nha vyono u Senyu wa ku wulanga yakwilaniciye.

Matayo 5:8

Wamoti wono wena nhumbula nzelu, hambi nha womuwona u Mulungu.

Metumo ge Watumwa 9:31

Nhondo ilikanisa lya mu Yudiya, na mu Galilaya, na mu Samaliya mose, likatuga mulamu mwidaha lilyo. Likasinyhimikwa no kuwilucila mu cogopo co Muwaha, likonjelezeka no kusindamikwa no Muhe Mono Yelile.

Walumi 5:20

U Wulajilize waza, wusutye ho wucile, ninga u wubi waza konjezeka, ilihewa likonjezeka muno muno.

1 Wakolinto 6:20

Mwagulwa ko wuguzi wukamu. Holeka ku sokoyiyo, muyitumamilaje i miwili yenyu ko lukumyo lo Mulungu.

2 Wakolinto 1:20

Ku soko vyono muli mwene u wihuwizo wose wo Mulungu waweza “Heya,” holeka ku soko yo kumukumyo Mulungu.

Waefeso 2:3

Hamba na sese cali cinha cinya wawo, cawutyatyaga u wusulumizi wetu we ciyinze yinze, no kwituma zinghani zizilya zono zayendezaga imiwili yetu ne mahala getu, kuciyinze yinze, vyono wenha wene nha vivyo na sese, ilikuwo lyo Mulungu lyali licinojeye licagane.

1 Watesalonike 3:13

Holeka nayo komukamyenyi zinhumbula zenyu, nanye mowa mukwilaniciye mu wele hali Mulungu no Sogo yetu, mwipango lono kolokuziza u Muwaha wetu Yesu hamonga ne wakwe wose.

1 Watesalonike 4:7

U Mulungu si yacicema ho cikale mu mikalile yo wusenyha, langa ho cikale mu wele.

1 Watesalonike 5:23

No Mulungu mono kacipelaga mulamu, yamunozenyi muwe mwelile muli zose, yamukamisenyi nyenye, u muhe, no wumi ne miwili yenyu, ho mulece kuwa na yilema lyo lyose ha wuze wo Muwaha wetu Yesu Kilisito.

Wahebelaniya 12:23

Mwaficila ku wutangʼano wuwaha we walelwa iwalongozi wo Mulungu, wono matagwa gawo gandicigwe ku wulanga. Mwimile hali Mulungu yo mulingʼanizi wa wose, na hamwande ye myuhe ye wanhu we lingʼani wono wanozwa wakwilaniciye.

Wahebelaniya 12:28

Holeka ase yicinojeye cilumbe muno, vyono cikuwubocela u wutemi wono si wukusinjisika. Ciweze ne lilumbo no kumuhemba u Mulungu mu nzila yono yikumwendeza, hamonga no winenenyhezi ne cogopo;

Wahebelaniya 4:1

U Mulungu yacihuwiza vyono cosuma kuwutuga u wuceho wuwo wono yawulonga. Holeka ceze kogopa, yilece kuwa na lunji, muyenyu yunji yanjile ku winjila mu wuceho wuwo.

Wahebelaniya 6:9

Ninga hamba ciwe cikulonga nha vivi, mo wendece wetu, cina witumbilo wuwaha muli zo wuwe wenyu cimanyile vyono mwabocela u wulugutizwe muli azilya i ziswanu ze mhonelo yenyu.

Yakobo 4:8

Mumusejelelaje Mulungu, nayo komusejelelenyi. Kwemenyi miwoko yenyu nyo wahodanji! Mweze zinhumbula zenyu nyo wakoci!

1 Petelo 1:15

Langa munojeye mweze mwelile mu mikalile yenyu yose, nha vyono yelile yu yulya mono yamucemenyi

1 Petelo 1:17

Lono mukumutambula u Mulungu, anye Mumucemaga mukutya Baba. Ale, manyenyi vyono mwene kowalingʼaniza i wanhu wose mu metumo gawo yasina wuwaguzi. Holeka muvitumamilaje ivilo vyenyu vyono visigaye mu mikalile yenyu, mu wogopo Mulungu.

1 Petelo 1:22

Alu vyono mu wuhulika mbeka, anye mwakondya kweza i zinhumbula zenyu, no kuwenda iwayenyu musina wukoci, ale, mwiyendaje yendi yendi kwe nhumbula yose.

1 Petelo 2:11

Nye nyo wendece wangu, nghumunenenyi nyenye nha wajenzi kanyhi wakola nzila mononze! Mwiyilegaje mu masulumizi go muwili gono vikulewana ne nhumbula.

1 Petelo 5:10

Ninga kolo mukugazika cidaha cidodo vivi, Mulungu mono yo ndawililo ye lihewa lyose na mono yakumucemenyi muwuhanje ulukumyo lwakwe we cibitilila muwilunza na Kilisito, umweneco komukwilanicizenyi no kumukangazenyi, kanyhi komupelenyi vilungo no musinji wono wukamile.

1 Yohana 1:7

Langa hono cikale mu wuzelu, nha vyono u mwene yali mu wuzelu, baho langa cowa no wumonga sese kwa sese, ne sakami yakwe Yesu Kilisito u Mwanagwe, yocikwema mu wubi wose.

1 Yohana 1:9

Langa hono ciwuvumile u wubi wetu, u mwene u Mulungu yo mwihuwilwa, kanyhi yali lingʼani, nayo kocinenela u wubi wetu wose, no kucikwema ne masutya getu gose.

1 Yohana 3:3

Na muli wose mono yena u witumbilo wuwu muli Kilisito yakwiyeza, nha vyono u mwene Kilisito yelile muno.