2 Wakolinto 6:8 - I CILAGANE CIPYA 1991

⁸ Nhondo zose ciwikanize kutuga lukumyo, kupegwa lilumbo no kubedegalwa, kuhoswa no kupegwa lilumbo. Cikwijela nha cili walambi, kumbe ase ho cikulonga mbeka,

Luganuzi Luswanu Kuli Wanhu Wose 2002

⁸ Nhondo zose ciwikanize kutuga lukumyo, kupegwa lilumbo no kubedegalwa, kuhoswa no kukumywa. Cikwijela nha cili walambi, kumbe ase ho cikulonga mbeka,

2 Wakolinto 6:8 ပူးပေါင်းရင်းမြစ်များ

Matayo 10:25

Ninga yakwiliye kuli mwijizwa yawe nho mwijizi wakwe, no mwitumami nayo yawe nho muwaha wakwe. Alu hono wakumucema Belizebuli u mulongola we mhuga, wowacemela matagwa i mabi muno muno iwanhu wanji wa mu mhuga yiyo.”

Matayo 22:16

Holeka wakawatuma i wayawo wanji, hamonga ne watyatyi we cipuga ca Helode. Wakabita kuli Yesu, wakamuwuza wakutya, “Gwe Mwijizi, ase cimanyile vyono kulongaga mbeka, na kanyhi vyono kwijizaga i mbeka yo wuhile wo Mulungu kuli wanhu, hamba sikogopaga munhu wo wose, hambi ililumbo lyo munhu nya sicinji kuliʼgwe.

Matayo 27:63

wakamutya, “Gwe muwaha, cikumbuciye vyono ayulya u mukonji yalonga lono yakali mumi vyono ati, ‘Vilaza kupuluta vilo vidatu, nozuka kanyhi.’

Maluko 12:14

Wakamubitila, wakamutya, “Mwijizi, nha cimanyile vyono agwe uli munhu we mbeka, mono kulongaga ze mbeka du, hamba sikucelelelaga munhu wo wose. Hamba lilumbo lya munhu nha si cinji kuli gwe, ninga kuwejizaga imbeka ye nzila yo Mulungu. Wule, viswanu kumulipa kodi Kayisali, hamba ngʼo? Alu cilavye, hamba cilece kulavya?”

Yohana 7:12

Kukawa na lupwepwe muli wanhu ku soko yakwe, wanji watezaga “Munhu muswanu.” Wanji wakatya, “Aa, ngʼo yakuwakonga wanhu.”

Metumo ge Watumwa 10:22

Wanhu wawo wakamutya, “Kolineliyo u muwaha we wasilikale igana, munhu mono yali lingʼani, kanyhi mwihuwilwa mono kamogopago Mulungu, kanyhi mono yena lilumbo mu nghungugo yose ye Wayahudi, kacituma. Yalonjelwa na Malayika mono yelile, yakuceme wubite ku kaya yakwe, ho yahulice nghani yo yose yono kowa wina nayo yo kumulonjela.”

Metumo ge Watumwa 16:39

Wakaza wakawalomba wawanenele, nawo waza kuwalavyaniza kunze, wakawanena wawuce mwikaya lilyo.

Metumo ge Watumwa 22:12

“Kuko ku Damesiki kwali na munhu yunji litagwa lyakwe Ananiya, munhu muswanu, mukamisa wulajilize, mono yali yena lilumbo kuli Wayahudi wose, wono wekalaga kuko ku Damesiki.

Metumo ge Watumwa 24:5

Hambi nha camuwona ayu vyono yo munhu wa mbali muno, mwene yo muwusa wuma muli Wayahudi wose kononze kose na, kanyhi mwene yo mulongola mu mhuga ye Wanazalayo.

Metumo ge Watumwa 28:22

Ninga ase cikusaka kuhulika kwako zono wina nazo, hambi zo wisiwanule wuwu, nha zakondya kumanyika kwetu vyono wulemagwa hose.”

Metumo ge Watumwa 4:21

Nawo wawo iwanyamhala wo Mukungʼano waza cila kuwogofya, hanyuma wakawaleka. Hambi nha si wayiwona yo kuwatamisiza, hambi wanhu wose nha wamukumyago Mulungu, so nghani yiyo yono yanozeka.

Metumo ge Watumwa 5:13

Ninga, hasina muli wanhu wono si wali wehuwiye mono yejelela kwilunza nawo. Langa sunga ne wanhu wono si wali wehuwiye, wakawakumya.

Metumo ge Watumwa 6:3

Holeka wandugu zetu, mwiyihagulaje muli nyenye, wanhu mupunghati, we lilumbo, wono wamemile Muhe ne mahala, ciwawice mu mulimo wuwu.

Walumi 3:8

Yili sawa na vyono watezaga, “Citume vibi ho cituje i ziswanu!” Nha vivyo vyo wanji wakucivila, no kucisonjeza, wakutya ati vyo cikwijiza. Ninga walekaje! wolingʼanizwa vyono yiwanojeye!

2 Wakolinto 1:18

Ninga u Mulungu yo we mbeka yose, holeka azilya zono camulonjelenyi anye, si zali nghani za “Heya” ne “Ngʼo.”

2 Wakolinto 11:21

Nane nghuvumilila cevu, vyono ase cali cisoceye mu wituma zizi zose. Ale du kanyhi, na yiwe vyono yowa, ninga hono hawe hoyuli yunji wo wose mono yakwijelela kwilumbila muli cinji co cose, alu nghulonga nha munhu mulele, nane nokwijelela nha vivyo.

2 Wakolinto 12:16

Ale du kanyhi, ninga ane no mweneco si namuvunenyi yaye. Na lunji yunji kosuma kutya, “Pawulo vyono musugu, alu yakondya kumwibatenyi ko wusugu wakwe.”

2 Wakolinto 4:2

Nase cakondya kuzilecela lukulu i zinghani zose ze cevu, na ze cinyele. Hamba si cili mu mikalile kanyhi yo wukonji, hamba kuyipitulasa nghani yo Mulungu, langa cikuyilajila i mbeka mu witume mbeka, na mu nzila yiyo mo cikwiwicilila mu wulamuzi we viselinji vye wanhu, hali Mulungu.

1 Watesalonike 2:3

Ne nghani yono cikumusinjenyi, si nghani ya wulambi, hamba lunji yono yina wuhile wubi, hamba si cendile ho cimukonje munhu wo wose.

1 Timoteyo 3:7

Yimunojeye yawe munhu mono yena lilumbo yiswanu muli wanhu wono wali kunze ye likanisa, ho yalece kuhoswa no kugwita mu mutego wa Setani.

1 Timoteyo 4:10

Ase cikupiligala no kwituma cihidimbaye, hambi nha cimuwiciye witumbilo wetu u Mulungu mumi, mono yo Mukombozi wetu co wanhu wose, na ko muno wa walya wono wehuwiye.

Wahebelaniya 13:13

Ale nase cimubitile kuko kunze ye nghambi, akuno cidinghuye u wumondwe wakwe.

1 Petelo 4:14

Hambi nha muli wamoti, hono muliʼgwe ku soko ye litagwa lya Kilisito, ne nghani yiyo, yikulajila vyono Muhe Mono Yelile, yuyo Muhe wo Mulungu kekalaga muliʼnye.

3 Yohana 1:12

I wanhu wose wakumukumya Demeteliyo, heya sunga ne mbeka yeneco yikumukumya. Sunga na sese wose cikumuoelela, nagwe wumanyile vyono zono cikulonga zo ze mbeka.

Wugubule 3:9

Alu wuhulicize! Nokuletela wanhu we lipuga lya Setani, wanhu wono weyitezaga Wayahudi, kumbe ho walambi. Alu wawo nowaleta kuliʼgwe wakufugamile hamwande yako, ho wamanye vyono ane mbeka nghwendile agwe.