2 Wakolinto 6:4 - I CILAGANE CIPYA 1991

⁴ Langa cikuhila kwitajila nha vyono ase mbeka cili wetumami wo Mulungu muli zose, ko wukangalizi wuwaha mwipango lyo wutamiswe, mu magayo na mu wuciwa.

Luganuzi Luswanu Kuli Wanhu Wose 2002

⁴ Langa cikuhila kwilajila nha vyono ase mbeka cili wetumami wo Mulungu muli zose, ko wukangalizi wuwaha mwi'pango lyo wutamiswe, mu magayo na mu wusungu wuwaha.

2 Wakolinto 6:4 ပူးပေါင်းရင်းမြစ်များ

Luka 21:19

Mu wukangalizi wenyu, moponya wumi wenyu.

Yohana 16:33

Nimulonjelenyi zizi, ho muwe no mulamu, mu wilunze wenyu na nene. Mononze heya, motuga wugaye, ninga mwisindamice! Ane niwasumile we yinze.”

Metumo ge Watumwa 2:22

“Nye mo wa Isilayeli, muhulicize zinghani zizi! Yesu wa Nazaleti, munhu mono yahomelelwa no Mulungu kwenyu, mu metumo mawaha ne mezino, ne vitanjilo, vyono Mulungu yavinozeza muli mwene hali nyenye, vyono mumanyile mo weneco,

Metumo ge Watumwa 20:34

Mo weneco mumanyile, vyono netuma milimo kwe miwoko yangu no mweneco, ho nitujile visakwa vyangu, na vya awalya wono cali cina nawo.

Metumo ge Watumwa 9:16

Nane no mweneco, nomulajila zi nyinji zono zimunojeye yagazwe ku soko ye litagwa lyangu.”

Walumi 14:18

Na mono yakumwitumamila Kilisito nha vivyo, yakuwa kumwendeza u Mulungu, no kulumbwa ne wanhu.

Walumi 16:10

Munamusizaje Apele, mono u wihuwilo wakwe muli Kilisito wakondya kusikanywa. Nghuwalamusa wose wono wali mu nyumba mwa Alisitabulo.

Walumi 3:5

Ninga hono u wubi wetu wuwe wukuhomelela, vyono u Mulungu ketumaga kwe lingʼani, alu colonga cici kanyhi? Hambi cosuma kutya yasina lingʼani lono yakucifunda? (Aha nghulonga cimunhumunhu.)

Walumi 5:8

Ninga u Mulungu yakangazize vyono mwene yacendile, hambi lono ase cali cikali wahodanji, Kilisito yakafwa ku soko yetu.

1 Wakolinto 3:5

Alu, Apolo yo nani? Hamba Pawulo yo nani? Hambi ase wose nha cili wetumami du, mono camuletelenyi anye u wihuwilo. Nase wose cikwituma u mulimo wono yacipela u Muwaha.

1 Wakolinto 4:1

Ale, u munhu yaciwonaje ase nha cili wetumami wa Kilisito mono cakozwa i zinghani ze cinyele zo Mulungu.

1 Wakolinto 9:11

Alu hono ase cahadika mbeyu ye cimuhe muli nyenye, hambi yowa nghani ya wizine, hono cidudule muli nyenye cambuzi ca ze ciyinzeyinze?

2 Wakolinto 11:23

Alo iwene wetumami wa Kilisito? Na nene ye, alu nhondo neza kulonga cimanghalukwale, ane nili mwitumami wa Kilisito kuciza wene. Ane netuma mulimo muzito muno muno, nadindilwa mu jela kali kenji muno, nghatowangwa kali kenji, sunga nghawa nili behi no kufwa kali kenji.

2 Wakolinto 11:27

Netuma mulimo hamonga ne magayo, nekala meso hamba kugona cilo cose kali kenji, nghadabuka no kuwona nyhilu. Nghaleka kulya, nghekala mu mbeho nghali, akuno sina myenda.

2 Wakolinto 11:9

Na lono nali nanye, hamba si namugaza munhu wo wose so wusaka pesa, langa i wandugu zetu wono wakalawa Makedoniya, wo wandetela vyose vyono nasakaga. Kanyhi nelanjilila muno muno ho ndece kuwa mutegulo kuliʼnye, mu nzila yo yose yilya, na nojendelela du kunoza nha vivyo.

2 Wakolinto 12:10

Holeka nyheye kanyhi nyendezwe du, hono mu wusocele, mu wubedegalwe, mu wugaye, mu wuwinjilizwe, na mu magazo ku soko ya Kilisito, hambi lono nili musocele, nha ho nghuwela nili vilungo.

2 Wakolinto 12:12

I mapoto ne mezino vyono yikulajila calinze vyono nane nili mutumwa, nha vyanozezwa muli nyenye ko wukangalizi wose.

2 Wakolinto 2:17

Ase si cinha wanji wono wayinozezaga nghani yo Mulungu wusuluza. Ninga ase cikuyiganula inghani yo Mulungu kwe nhumbula nzelu hali Mulungu, mono cakondya kwilunza na Kilisito, kanyhi nhe wanhu wono watumigwe no Mulungu.

2 Wakolinto 3:6

hambi nha yo mweneco du mono yacipela u wusume wo kuwela i wetumami we cilagane Cipya, cono si cilagane co wulajilize wono mwandikwe, langa Cilagane co Muhe. Hambi u wulajilize wono mwandikwe, nha wuletaga yifwa, ningo Muhe, wuwumifyaga.

2 Wakolinto 4:17

Hambi u wugaye wono cikuwutuga nha wudodo, kanyhi wa cidaha cidodo vivi du, ninga hamba nha vivyo, wosuma kucipela u lukumyo lono lucizize u wulanjilile wetu wose, u lukumyo lono lusina ndumo.

2 Wakolinto 4:2

Nase cakondya kuzilecela lukulu i zinghani zose ze cevu, na ze cinyele. Hamba si cili mu mikalile kanyhi yo wukonji, hamba kuyipitulasa nghani yo Mulungu, langa cikuyilajila i mbeka mu witume mbeka, na mu nzila yiyo mo cikwiwicilila mu wulamuzi we viselinji vye wanhu, hali Mulungu.

2 Wakolinto 4:8

Cikugazika nhondo zose, ninga hamba nha vivyo si cikukatala kanyhi cikwihwelela, ninga si cikutukuwika mitima yaye,

2 Wakolinto 7:11

Alu mosuma kuwona vyono u Mulungu yawitumamila wuwo u wukalale wenyu. Lanje vyono mweza muli wahidimbazi, mu wilajile vyono musina malema go gose, mu makuwo, mu wutinuswe no woga, mu wuwa ne nyhilu yo wituma ziswanu, mu wogopo Mulungu, akuno mwiwikanize nhondo zose kwihoma ne zinghani zose zono si zinojeye. Mwakondya kwitajila nha vyono musina yilema lyo lyose mu nghani yiyi.

Wakolosayi 1:11

U Mulungu yamupelenyi vilungo no wusume wakwe wo lukumyo, ho muwe na ngola muli vyose kanyhi hamonga no wukangalile.

Wakolosayi 1:24

Alu nghusecelela mu matamiso gangu so nyenye, hambi nha ku soko ye magayo gangu ga baha hono yinze, nghumemeleza cono cali cicepuce mu magayo ga Kilisito ku soko yo muwili wakwe, likanisa.

1 Watesalonike 3:7

Nase cisindamikwa muno mu wugaye ne matamiso getu gose, ku soko yo wihuwilo wenyu.

1 Watesalonike 5:14

Kanyhi cikumunenenyi wandugu zangu, muwafundaje i wanhu wadoba, muwasinyhimikaje we zinhumbula zinyoga, muwebatilizaje wono wasoceye, kanyhi mweze na ngola kuli wose.

1 Timoteyo 2:15

Ninga hamba nhavivyo umucekulu koloponywa so wulela wana, hono yekale mu wihuwilo, wendo, wele, no winenenyhezi.

1 Timoteyo 4:6

Hono uwapele i wandugu wose imalajilizo gaga, ale kowa mwitumami muswanu wa Yesu Kilisito, akuno wukwijendeleza mu cimuhe mu zinghani zo wihuwilo ne mejizo ge mbeka, gono go mweneco kugatyatyaga.

1 Timoteyo 6:11

Ninga ʼgwe, go munhu wo Mulungu, wilegaje mu zinghani zizo. Ukamise wilingʼano, no wogopo Mulungu, no wihuwilo, no wendo, ne ngola, no winenenyhezi.

2 Timoteyo 1:8

Ale, holeka wulece kuwona cevu kumuhomelela u Muwaha wetu Yesu, hamba wulece kuwona cevu ku soko yangu nene no mufungwa, mono funjigwe ku soko yakwe, Yesu. Ninga wuhanje magazo ku soko yo Luganuzi Luswanu, mu nghango ye vilungo vyono Mulungu yakukupela.

2 Timoteyo 2:24

Yimunojeye mwitumami wo Muwaha yalece kugombana na wanhu. Langa yimunojeye yawe mupolo kuli wanhu wose, yeze mwijizi muswanu, kanyhi mono yena no wukangalizi,

2 Timoteyo 4:5

Agwe, ninga wikalaje meso muli zose, wukangalile magazo, witumaje u mulimo wo muganula Luganuzi Luswanu, uwufisilizizaje lukulu u witumami wako.

Wahebelaniya 12:1

Ase cina ipuga iwaha lye wahomelezi wono wali hawande yetu. Holeka ku soko yiyo ciyilegaje muli vimizi vyose vyono vikucimila, hamonga no wubi wono wucinamatiye muno muno. Kanyhi cimanyhe ko wukangalizi mu witije wono wuli hamwande yetu.

Wugubule 1:9

Ane yo nene Yohana u ndugu yenyu, na mu wilunza na Kilisito, nghuhanga hamonga nanye mu wukangalila magayo gono gakuwagana wose wono wali mu wutemi wakwe. Ane nawikwa mu cizingwa ca Patimo, ku soko yo kuyiganula nghani yo Mulungu ne mbeka ya Yesu.

Wugubule 3:10

Vyono agwe wakamisa i lilajilizo lyangu lyo wukangalile, ale nha vivyo nane nokukamisa mwipango lyo wugaye lyono likuwaziza wa kononze wose, no kuwajela wono wekaye mononze wose.