2 Wakolinto 6:3 - I CILAGANE CIPYA 1991

³ Na kanyhi vyono si cikusaka ciwe ne lilema lyo lyose mu witumami wetu, holeka si cendile kumuwicila munhu wo wose cikobazo co cose.

Luganuzi Luswanu Kuli Wanhu Wose 2002

³ Na kanyhi vyono si cikusaka ciwe ne lilema lyo lyose mu witumami wetu, holeka si cendile kumuwicila munhu wo wose cikobazo co cose.

2 Wakolinto 6:3 ပူးပေါင်းရင်းမြစ်များ

Matayo 17:27

Ninga alu ho cilece kuwakobaza, ale wubite kwilenga, wukayitajile ndowano, nagwe nhondo wusole yi somba yinongozi yono koyibata, hanyuma wuyahamulaje mulomo wayo, na mugati koziwona zipesa zono zikwiliye so kodi. Ale wuzisolaje wubite wukawapele, ku soko yangu na gwegwe!”

Matayo 18:6

“U munhu wo wose mono komwiwajiza yumongawa wa muli wana wadodo wawa wono wanyihuwiye, yowa ciba kuli munhu yuyo yawopelezwe musingo ilizala liwaha lyo kusajila, no kugumilwa mu cisolo ce lilenga.

Metumo ge Watumwa 19:27

Holeka hoyili mbali, hambi uwukwawi wetu wuwu, nha si woleka kuwa ne tagwa yibi. Hamba si nhavivyo du, ninga nghani yiyi yosuma kuyinoza sunga ne nyumba yo wuhembelo ya Alitemi kuwa nha cinhu cono cisina nhunizo yo yose. Hanyuma ne lilumbo lyakwe yuyo mono Asiya, sunga ne yinze yose wakumuhemba, lyoduma.”

Walumi 14:13

Holeka cilece kwilingʼaniza, langa ciyohaje ho cilece kuwa cikobazo hamba hadodo kuli muyetu, hamba kumupela soko yo kwituma wubi.

1 Wakolinto 9:12

Alu hono wawe wanji wena lingʼani yo kuzilanjilila zizo ku wulawa muli nyenye, wulenyi, ase ma, cisina lingʼani kuciza wene wawo? Ninga hamba nha vivyo, ase si cayitumamila lingʼani yiyo. Langa ase cakangalila du muli vyose, ho cilece kuluwicila cikobazo co cose cilya, u Luganuzi Luswanu lwa Kilisito.

1 Wakolinto 9:22

Kuli awalya wono wasoceye, ane nane nghawa nha mono yasoceye, ho niwatuje wawo wene wono wasoceye. Nghuwega wanhu wose vyono wenha, ho sume kuwaponezya mu nzila yoyose wanji wa muli wene.

2 Wakolinto 1:12

Ase cikwilumbila cinhu cimonga du, vyono viselinji vyetu vikucihomelela vyono muwikale wetu wa mono yinze yiyino na komuno muliʼnye, cekala ko winenenyhezi wose hamonga no wele wa mu nhumbula wono wukulawa kuli Mulungu, hamba si catongwa ne lihala lye cimunhumunhu, langa catongwa ne lihewa lyo Mulungu.

2 Wakolinto 8:20

Cikuhila kwilega yunji yalece kucihosa ku soko yo wulanjliizi we vipegwa vyono civilavizye sese.