2 Wakolinto 6:16 - I CILAGANE CIPYA 1991

¹⁶ Hamba howuli wulaganeci we Nyumba yo Mulungu ne vihwani vyo wulambi? Hambi ase nha cili wuhembelo wo Mulungu mumi. Nha vyono Mulungu mweneco yalonga yakatya, “Nowunoza u wikalo wangu wuwe muli wene, na muli wene mo nowa jendela, Nane nowa Mulungu wawo, Nawo wowa wanhu wangu.”

Luganuzi Luswanu Kuli Wanhu Wose 2002

¹⁶ Hamba howuli wulaganeci we Nyumba yo Mulungu ne vihwani vyo wulambi? Hambi ase nha cili wuhembelo wo Mulungu mumi. Nha vyono Mulungu mweneco yalonga yakatya, “Nowunoza u wikalo wangu wuwe muli wene, na muli wene mo nowa jendela, nane nowa Mulungu wawo, nawo wowa wanhu wangu.”

2 Wakolinto 6:16 ပူးပေါင်းရင်းမြစ်များ

Matayo 16:16

Simoni Petelo yakapitula yakatya, “Agwe yo gwegwe Kilisito u Mwana wo Mulungu mumi.”

Matayo 6:24

“Hasina mwitumami mono kosuma kuwetumamila wafwa wejete. Kusoko nha komusula yumonga, no kumwenda yulya we kejete, hamba lunji komutyatya yumonga du, no kumubedegala ayulya muyagwe. Holeka si mosuma kumwitumamila u Mulungu hamonga ne zisawo.

Luka 5:36

Yesu yakawalonjela cihwanicizo; “Hasina munhu mono kademulaga cilaka mu civwalo cipya yaciwicile mu civwalo cihuma, na hono yanoze nha vivyo, kowa yademula civwalo cipya, ne cilaka cico ce civwalo cipya hamba si vyosuma kwilingʼanila ne civwalo cihuma.

Yohana 14:23

Yesu yakamupitula, yakamutya, “Munhu hono yanyende, yuyo kokwibata inghani yangu, na Baba komwenda, nase cokuza kuli mwene, no kwikalana nayo.

Yohana 6:56

Mono yakuwulya u muwili wangu no kuyingʼwa isakami yangu, yo kekalaga mugati mwangu, nane nghwikala mugati mwakwe.

Walumi 8:11

U Muhe wo Mulungu, mono yamuzukula Kilisito mu wafu, hono yekale muli nyenye, yuyo mono yamuzukula Kilisito mu wafu, koloyiwumifya miwili yenyu yono yifwizaga, so Muhe wakwe mono yekaye muli nyenye.

Walumi 8:9

Ninga anye, si muli mu mikalile ye cimunhumunhu, langa mu mikalile yo Muhe, hono u Muhe wo Mulungu yakwikala muli nyenye. Ninga yunji hono yamusina u Muhe wa Kilisito yuyo si wakwe Kilisito.

Walumi 9:26

Na hono hatezagwa ‘Si muli wanhu wangu!’ Baho wocemwa I Wana wo Mulungu mumi!”

1 Wakolinto 10:21

Si mosuma kungʼwela i cikombe co Muwaha, hamonga ne cikombe ce masetani, hamba si mosuma kuhanga mu meza yo Muwaha hamonga ne meza ye masetani.

1 Wakolinto 6:19

Wulenyi si mumanyile vyono i miwili yenyu yo Nyumba yo Muhe Mono Yelile mono yali mugati mwenyu, mono mwamubocela kulawa kuli Mulungu? Holeka alu nanye, si muli wenyu mo weneco.

Waefeso 2:20

Kanyhi muzenjigwe mu musinji wono wawikwa ne watumwa ne wawizi, nayo Yesu Kilisito mweneco lyo libwe lyo musinji.

Waefeso 2:22

Nanye nha vivyo mu wilunza nayo, mukuzengwa hamonga ne wanhu wanji, ho muwe wikalo wo Mulungu mu nzila yo Muhe wakwe.

Waefeso 3:17

nayo Kilisito yekalaje mu zinhumbula zenyu ko wihuwilo. Nghumulomba muwe mukamile mu musinji wo wendo,

1 Timoteyo 3:15

Ninga hono nyhezwe muno, ale, ibaluwa yiyi yokumanyiza imikalile yono yicinojeye ciwe nayo mu mhuga yo Mulungu, lyono lyo likanisa lyo Mulungu mumi, lyono lye ʼsumbili no musinji we mbeka.

2 Timoteyo 1:14

Inghani yiyilya ʼyiswanu yono wakozwa, wuyikamisizaje mu nzila ye vilungo vyo Muhe Mono Yelile, mono kekalaga muli sese.

Wahebelaniya 3:6

Langa Kilisito yo mwihuwilwa nho mwana mono yena Wulajilize mu nyumba yo Mulungu. Ne nyumba yakwe yo sese, hono cibatilile lukulu zo wuluwuce wetu wa muli cono citumbiye.

Wahebelaniya 8:10

Ne cilagane cono nonoza ne wanhu wa Isilayeli mu vilo vyono vikuza nha cocino; Nologenjiza i malajilizo gangu mu mahala gawo, Kanyhi nologandika mu zinhumbula zawo. Nane nolowa Mulungu wawo Nawo wolowa wanhu wangu.

Yakobo 4:5

Mulece kwihwesa mba vyono i Mandiko Gono Gelile galongaga zinghani za bwete, lono gatezaga, “Umuhe wono Mulungu yawika muli sese, wina wivu wuwaha.”

1 Petelo 2:5

Ale mubitilenyi mwene nha mabwe momi, mukazenjece, no kuwa nyumba ye cimuhe, mono mosuma kwitumama nhe wakohani wono welile, ku wulavya i makumbiko ge cimuhe gono gakumwendezo Mulungu mu nzila ya Yesu Kilisito.

1 Yohana 4:12

Hasina hamba hadodo u munhu mono yakondya kumuwona Mulungu, ninga hono ciyende, Mulungu yakwikala muli sese, no wendo wakwe wukuwa wukwilaniciye muli sese.

1 Yohana 4:15

Munhu wo wose mono yakuvumila vyono Yesu yo Mwana wo Mulungu, u Mulungu yakwikala muli munhu yuyo, nayo yakwikala muli Mulungu.

Wugubule 2:1

“Kuli malayika we likanisa lya Efeso, wandice nhavi, “Ayi yo nghani yono yikulawa kuli mwene mono yazibate i zinyelezi mupunghati mu muwoko wakwe wo kulume, mono kajendaga haciligati yo wuwiko we zitala mupunghati ze zahabu.

Wugubule 21:3

Hanyuma kanyhi, nghahulika lizi yiwaha likalawilila heʼgoda lyo wutemi, likutya, “Lanje ta! U Mulungu kawunoza u wikalo wakwe muli wanhu. Nayo kokwikala muli wene, nawo wowa wanhu wakwe, nayo kowa Mulungu wawo.

Wugubule 21:7

Nayo munhu wo wose mono kosuma, yuyo kopegwa acino. Ane nowa Mulungu wakwe, nayo kowa mwanangu.