2 Wakolinto 6:1 - I CILAGANE CIPYA 1991

¹ Holeka nase vyono cikwituma mulimo hamonga no Mulungu, cikumunenenyi mulece kuvumila i lihewa lyo Mulungu lyono mwabocela, lyajilile bwete.

Luganuzi Luswanu Kuli Wanhu Wose 2002

¹ Holeka nase vyono cikwituma mulimo hamonga no Mulungu, cikumunenenyi mulece kuvumila i lihewa lyo Mulungu lyono mwabocela, lyajilile bwete.

2 Wakolinto 6:1 ပူးပေါင်းရင်းမြစ်များ

Matayo 23:37

“Gwe Yelusalemi, Yelusalemi, mono wukuwa kuwawulaga iwawizi, sunga no kuwatowanga ne mabwe awalya wono watumwagwa u kwako. Kalinga kono nasakaga kuwakongholela iwanago kono kwangu, nha vyono nghuku yivikunyanjililaga viziyo ziyo vyayo hasi ye mabawa gayo, ninga hamba si wenda yaye.

Metumo ge Watumwa 11:23

Nayo yaza fika kuko, no kuwona vyono Mulungu yawamosizye wanhu, yakasecelela, yakawanena wose wajendelele kuwa wehuwilwa muli Muwaha.

Metumo ge Watumwa 14:3

Holeka wa Pawulo na Balanaba wakajendelela kwikala kuko vilo vilo. Wakulonga wasina woga muli Muwaha, nayo Muwaha yakayikamya i mbeka ye lihewa lyakwe yono wayiganulaga, ko kuwapela vilungo vyo kunozeza mapoto ne mezino.

Walumi 12:1

Holeka wandugu zangu, vyono u Mulungu yo wo lusungu lwinji, holeka nghumunenenyi ko mutima wangu wose, mwiyilavye nyenye mo weneco muwe likumbiko lyumi, lyelile, lyono likumunojeza u Mulungu. Na yiyi yo nzila yenyu yo kumuhembela mu wulunji.

1 Wakolinto 3:9

Hambi ase wose nha cili ndugu monga, kanyhi ciliwetumami hamonga no Mulungu, na anye nanye, yo nyenye mono muli mugunda wakwe, kanyhi muli izengo lyo Mulungu.

2 Wakolinto 10:1

Ane yo nene no mweneco Pawulo, mono nghwijela nili mupolo lono nili hamonga nanye, ninga ho nili mukali lono nili kutali nanye, nghumunenenyi ko lusungu no wuswanu wa Kilisito.

Wagalatiya 2:21

Si nghwenda kulema lihewa lyo Mulungu. Hono yiwe munhu kanozagwa lingʼani hali Mulungu mu nzila yo Wulajilize, kumbe Kilisito yafwa bwete.

Wagalatiya 3:4

Alo wo wutya, i zinghani zose zilya zono zamutujenyi zawa za bwete? Si yosumika yaye!

1 Watesalonike 3:5

Ku soko yiyo holeka nane nghamutumilenyi Timoteyo. Vyono si nasuma kulindila kanyhi, holeka nghamutumilenyi ho hulice muli zo wihuwilo wenyu. Yilece kuwa na lunji u mukonji yamujelenyi, no mulimo wose wono cawituma muli nyenye wuwe wa bwete!

Tito 2:11

Hambi ilihewa lyo Mulungu nha lyanzalikwe ku soko yo wukombozwe we wanhu wose.

Wahebelaniya 12:15

Muhidimbale muno muno, ho yunji yalece kuyajiliza i lihewa lyo Mulungu. Mwilanjililaje, ho lisina lyo wusungu lilece kutula muli nyenye no kuwawulaga wanhu wenji ko wusungu walyo.

Wahebelaniya 12:25

Holeka mulanjilile, mulece kulema kumuhuliciza mono yakulongana nanye. Nha vyono awalya wono walema kumuhuliciza ayulya mono yawasugula hono yinze si wapona yaye. Alu ase cosuma kupona wule hono cileme kumuhuliciza ayulya mono yakucisugula mono yalawa ku wulanga?

Wahebelaniya 4:1

U Mulungu yacihuwiza vyono cosuma kuwutuga u wuceho wuwo wono yawulonga. Holeka ceze kogopa, yilece kuwa na lunji, muyenyu yunji yanjile ku winjila mu wuceho wuwo.

1 Petelo 4:10

Kanyhi anye wose munojeye mwitumamile cipegwa cono mwapegwa no Mulungu so cambuzi ca wanji, nha vyono u mukozwa muswanu we vipegwa hayo hayo vyo Mulungu.