2 Wakolinto 5:9 - I CILAGANE CIPYA 1991

⁹ Ninga hamba nha vivyo, i mbaha yono yicizize muno, cikuhila cimwendeze, lono cikali cili bahano mono yinze, hamba kuko.

Luganuzi Luswanu Kuli Wanhu Wose 2002

⁹ Ninga hamba nhavivyo, i mbaha yono yicizize muno, cikuhidimbala muno cimwendeze, lono cikali cili bahano mono yinze, hamba kuko.

2 Wakolinto 5:9 ပူးပေါင်းရင်းမြစ်များ

Yohana 6:27

Mulece kuyipiligalila indigwa yono yihodanjikaga, langa muyipiligalilaje indigwa yono yikalaga sunga ku wumi we cibitilila. U Mwana wo Munhu mono u Sogwe yamuwicila i citanjilo, yo komupelenyi indigwa yiyo.”

Metumo ge Watumwa 10:35

Ninga munhu we nghungugo yo yose, mono kamogopago Mulungu, ho kwituma ze lingʼani yo yakubocelwa nayo.

Walumi 14:18

Na mono yakumwitumamila Kilisito nha vivyo, yakuwa kumwendeza u Mulungu, no kulumbwa ne wanhu.

Walumi 14:8

Hambi hono ciwumipe, nha cikumuwumipilo Muwaha, hamba hono cifwe, cikumufwilo Muwaha, holeka hamba ciwumipe, hamba cifwe, cili wo Muwaha du.

Walumi 15:20

No wuhile wangu, wali kuluganula u Luganuzi Luswanu ho hose, ihanhu hono ilitagwa lya Yesu likali si linahulikwa, ho nize ndece kuzenga mucanyha yo musinji wa munhu yunji.

1 Wakolinto 15:58

Holeka wandugu zangu wendece, mwime mukamile. Kanyhi mujendelele kuwituma u mulimo wo Muwaha kwe vilungo, nhondo zose, akuno mukumanya, u mulimo wuwo wo kumwitumamila u Muwaha wono mukwituma vyono si wolokwajilila bwete.

2 Wakolinto 5:6

Holeka ase cina nhumbula yono yikamile nhondo zose. Kanyhi cimanyile vyono mu wikala mu muwili wuwu du, cikuwa cili kutali no Muwaha.

2 Wakolinto 5:8

Ninga hamba nha vivyo, cikamile du. Kanyhi cali cende cihame mu wikalo wuwuno wa mu muwili no kuhamila kuli Muwaha.

Waefeso 1:6

Ninga cimukumyaje u Mulungu ku soko ye lihewa lyakwe lyo lukumyo muli Mwanagwe mwendece.

Wakolosayi 1:10

Baho langa ho mosuma kwikala nha vyono yikumunojeza u Muwaha, no kwituma nhondo zose zo wuhile wakwe. Ne mikalile yenyu yowa yina mana gose ge metumo maswanu, nanye mocila muno kuwiluka mu wumumanyo u Mulungu.

Wakolosayi 1:29

Holeka ku soko yiyo, ane nghwituma mulimo akuno hidimbaye mu vilungo vya Kilisito vyono vikwituma muli nene.

1 Watesalonike 4:1

Ze ndumilizo wandugu zangu, nha vyono mweyijiza kuli sese vyono munojeye mwikale ho mumwendeze u Mulungu. Nayo yili mbeka vyo mwikalaga. Alu cikumulombenyi kanyhi cikumunenenyi mwitagwa lyo Muwaha Yesu, vyono alu ho mucile muno kuwituma viswanu.

1 Watesalonike 4:11

Kanyhi mweze no wuhile wo kwikala mu mikalile yo wutuvu, munhu wo wose yepiganzizaje i zakwe mweneco, kanyhi yetume i milimo ne miwoko yakwe mweneco nha vyono camulonjelenyi bahalya ha lulongozi.

1 Timoteyo 4:10

Ase cikupiligala no kwituma cihidimbaye, hambi nha cimuwiciye witumbilo wetu u Mulungu mumi, mono yo Mukombozi wetu co wanhu wose, na ko muno wa walya wono wehuwiye.

Wahebelaniya 12:28

Holeka ase yicinojeye cilumbe muno, vyono cikuwubocela u wutemi wono si wukusinjisika. Ciweze ne lilumbo no kumuhemba u Mulungu mu nzila yono yikumwendeza, hamonga no winenenyhezi ne cogopo;

Wahebelaniya 4:11

Holeka cihidimbale, ciwutuje u wuceho wuwo, ho halece kuwa yunji muli nyenye yanjile kuwinjlia mu wuceho wuwo, nha vyono wanoza wawo, ku soko yo wuleka kwihuwila kwawo.

2 Petelo 3:14

Holeka nyo wendece wangu, vyono mulilindiye lizuwa lilyo, mupiligale kwiyeza muno muno, muwe musina manamha manamha hali Mulungu, ho mowa no mulamu nayo.