2 Wakolinto 5:21 - I CILAGANE CIPYA 1991

²¹ Kilisito yali yasina wubi, ninga Mulungu yamunoza yawe wubi ku soko yetu, nase mu wilunza nayo, ho cisume kuhanga u wilingʼano wo Mulungu.

Luganuzi Luswanu Kuli Wanhu Wose 2002

²¹ Kilisito yali yasina wubi, ninga Mulungu yamunoza yawe wubi ku soko yetu, nase mu wilunza nayo, ho cisume kuhanga u wiling'ano wo Mulungu.

2 Wakolinto 5:21 ပူးပေါင်းရင်းမြစ်များ

Luka 1:35

Malayika yakapitula yakamutya, “U Muhe mono yelile kokuziza, ne vilungo vyo Mulungu u Mudaha vyose vyokusiciliza. Holeka mwana mono kolela kocemwa Yelile, Mwana wo Mulungu.

Metumo ge Watumwa 3:14

Yali munhu muswanu na yali yelile. Ninga anye mwamulema, mukasaka munhu yunji mono yali muwulaji yo yawopolelwe.

Walumi 1:17

Hambi u Luganuzi Luswanu, nha lukulajila calinze, vyono u Mulungu yakuwanoza iwanhu, ho wavumilwe no mwene, ne nghani yiyi, yikuwa kunozezwa mu wihuwilo, ku wulawa ku mwamulizo, sunga ko ku ndumo. Nha vyono yandikwe, “Mono yakuvumilwa no Mulungu so wihuwilo, kowumipa.”

Walumi 4:25

U mwene yalavywa ho yawulagwe ku soko yo wubi wetu, kanyhi yakazukulwa, ase ho cisume kuvumilwa hali Mulungu.

Walumi 5:19

Nha vyono iwanhu wenji waweza wanya wubi, ku soko yo wula cihuliko ca munhu monga, ale nha vivyo, ne wenji wonozwa wavumilwe hali Mulungu, kusoko ye cihuliko co munhu monga.

1 Wakolinto 1:30

U Mulungu mweneco du yo yamulunzenyi anye na Kilisito Yesu. U Mulungu yamunoza Kilisito, yo yawe go mahala getu, na mu nzila yakwe du, ase mo cikulamulilwa no Mulungu, cikuwa cili wanhu wo Mulungu mono celile, kanyhi mono cakondya kukombozwa nayo.

2 Wakolinto 5:17

No munhu wo wose hono vilunze na Kilisito, yakuwa ciwumbwa cipya, i ze katali zapuluta, alu zaweza mhya.

Wagalatiya 3:13

Kilisito yacikomboza mu wulijitwe wo Wulajilize, hambi nha yawusola u wulijitwe wuwo ku soko yetu, vyono i Mandiko gakulonga, “Muli wose mono kotumbikwa mu musalaba, yuyo mulijitwe.”

Waefeso 5:2

Imikalile yenyu yeze kulongozwa no wendo, nha vyono Kilisito yacenda, yakelavya ku soko yetu cilavywa ce mhunjile swanu ne likumbiko lyono limwendezaga u Mulungu.

Wafilipi 3:9

no kwilunziza nayo lukulu. Alu ane si nghuwusacila lukulu kanyhi u wilingʼano wa mu wuhulika u wulajilize, hambi alu nha nawutuga u wilingʼano wono wukwijelela mu nzila yo kumwihuwila Kilisito, u wilingʼano wono wukulawa kuli Mulungu, wono wukuziza mu wihuwilo.

Wahebelaniya 4:15

Nayo yuyu u Mukohani wetu Muwaha si yenha mono si kosuma kuhanga nase mu wusocele wetu, langa u mwene yo Mukohani Muwaha mono yajelwa nha sese muli zose, ninga si yetuma wubi.

Wahebelaniya 7:26

Holeka Yesu yo Mukohani Muwaha mono kocikwila muno muno mu visakwa vyetu. U mwene Yelile, yasina hamba yilema, hamba wubi muli mwene musina, yali musina mwipuga lya wanya wubi, nayo yenuywe sunga ko ku wulanga.

1 Petelo 3:18

Hambi Kilisito mweneco nha yafwa ku soko yo wubi wetu, yafwa kamonga du yikakwila, u munhu we lingʼani ku soko ye wabi, ho yamutegulenyi anye kuli Mulungu. Yawulagwa mu muwili ninga yakanozwa mumi mu Muhe,

1 Yohana 3:5

Kanyhi mumanyile nha vyono Kilisito yaza ho yawuwuse u wubi wetu, na vyono kanyhi muli mwene musina wubi wo wose.