2 Wakolinto 5:18 - I CILAGANE CIPYA 1991

¹⁸ Na zizi zose wo mulimo wo Mulungu mweneco kucilamula ase no mweneco mu nzila ya Kilisito, yakawa kucipela nase u mulimo wo kuwanoza wanhu welamule nayo.

Luganuzi Luswanu Kuli Wanhu Wose 2002

¹⁸ Na zizi zose wo mulimo wo Mulungu mweneco kucilamula ase no mweneco mu nzila ya Kilisito, yakawa kucipela nase u mulimo wo kuwanoza wanhu welamule nayo.

2 Wakolinto 5:18 ပူးပေါင်းရင်းမြစ်များ

Luka 10:5

Na mu kaya yo yose yono mokwinjila muwalamusaje nhavi, ‘Nyumba yiyi yeze yipolile.’

Luka 24:47

Na kanyhi yinojeye mwitagwa lyakwe, kuganula wunene, no wuwopolelwe wo wubi, kuli makungugo gose, kwamuliziza ku Yelusalemi.

Yohana 3:16

Ku soko u Mulungu yayenda yinze nha vivi, sunga yakamulavyo Mwanagwe we ciwene, na muli wose mono yakumwihuwila, yalece kwajilila, langa yawe no wumi we cibitilila.

Yohana 3:27

Yohana yakapitula yakatya, “Munhu si kosuma kuwa na cinji, hono yalece kupegwa no Mulungu.

Metumo ge Watumwa 10:36

Ayi yo nghani yo Mulungu yono yawategulila iwana wa Isilayeli, yakuganula u Luganuzi Luswanu lono lukule ta mulamu muli Yesu Kilisito, mono yo Muwaha wa wose.

Walumi 11:36

Hambi i vinhu vyose nha vilawaga kwakwe, na vyose vikawa so vilungo vyakwe, na ku soko yakwe. U lukumyo lweze kuli mwene sunga cibitilila! Heya.

Walumi 5:1

Ale, vyono cakondya kunozwa, ho civumilwe hali Mulungu ko wihuwilo, holeka cilamuye nayo mu nzila yo mutwa wetu Yesu Kilisito.

1 Wakolinto 1:30

U Mulungu mweneco du yo yamulunzenyi anye na Kilisito Yesu. U Mulungu yamunoza Kilisito, yo yawe go mahala getu, na mu nzila yakwe du, ase mo cikulamulilwa no Mulungu, cikuwa cili wanhu wo Mulungu mono celile, kanyhi mono cakondya kukombozwa nayo.

1 Wakolinto 11:12

Nha vyono u mucekulu yalawa muli mulume, yo nha vivyo kanyhi u mulume nayo kalelagwa no mucekulu, navyo vyose vilawaga kuli Mulungu.

1 Wakolinto 12:6

Kanyhi ko wuli no witumami nawo wuli henji, ninga u Mulungu yo monga du, mono yakulavya ivilungo vyo witume muli wose.

1 Wakolinto 3:5

Alu, Apolo yo nani? Hamba Pawulo yo nani? Hambi ase wose nha cili wetumami du, mono camuletelenyi anye u wihuwilo. Nase wose cikwituma u mulimo wono yacipela u Muwaha.

1 Wakolinto 8:6

hamba nha vivyo, kuliʼse koyuli Mulungu yumonga du, Baba, u Muwumbi we vinhu vyose, mono sunga na sese nase cili baha ku soko yakwe. Na kanyhi, koyuli u Muwaha yumonga du, yo Yesu Kilisito, mono nayo mu nzila yakwe, vinhu vyose vikawumbwa, na mu nzila yakwe na sese nase mo cikuwumipila.

Wakolosayi 1:22

Ninga alu so wufwe wo Mwanagwe mono yekala baha mononze, u Mulungu yakondya kwilamula nanye, ho yamuletenyi hali mwene mwelile, musina yilema.

Wahebelaniya 2:17

Holeka yali yimunojeye yehwane wanduguze muli zose ho yawe Mukohani wawo Muwaha, mono yali lusungu kanyhi mwihuwilwa muli zose zono zibitile kuli Mulungu, ho wubi we wanhu wunenelwe.

Yakobo 1:17

Ivipegwa vyose viswanu ne vilavywa vyose vyono vikwilaniciye vilawaga ku wulanga, vilawaga kuli Sogo ya munhu, u Muwumbi we mazelu ga ku wulanga, mono yasina cipitupitu hamba yasina cinji co cose cono cosuma kumuletela wupituce.

1 Yohana 2:2

Kilisito lye kumbiko lyono likuwuwusa u wubi wetu, hamba si wubi wetu sese du, langa u wubi we yinze yose.

1 Yohana 4:10

No wendo vyo winha nha vivi, si vyono ase camula kumwenda Mulungu, langa u mwene Mulungu yo yacenda, sunga yakawa kumutuma u Mwanagwe ho yawe ikumbiko lyo kuciwusiza wubi wetu.