2 Wakolinto 5:11 - I CILAGANE CIPYA 1991

¹¹ Ale, ase ciyimanyile soko yo kumogopela u Muwaha, holeka ku soko yiyi cikwihinda kuwakwega wanhu. U Mulungu yacimanyiye lukulu, nane nitumbiye vyono na nyenye nha vivyo mucimanyiye lukulu mu viselinji vyenyu.

Luganuzi Luswanu Kuli Wanhu Wose 2002

¹¹ Ale, ase ciyimanyile soko yo kumogopela u Muwaha, holeka ku soko yiyi, cikwihinda kuwakwega wanhu. U Mulungu yacimanyiye lukulu, nane nitumbiye vyono na nyenye nhavivyo mucimanyiye lukulu mu viselinji vyenyu.

2 Wakolinto 5:11 ပူးပေါင်းရင်းမြစ်များ

Matayo 10:28

Kanyhi mulece kuwogopa awalya wono wawulagaga u muwili du, na kumbe si wosuma kuyiwulaga nhumbula. Yili ciba muno hono mumogope ayulya mono kosuma kuwongomeza u muwili, hamonga ne nhumbula mumoto we gehena.

Matayo 25:46

Holeka iwanhu wawa, wolotegulwa ku wulipicizwe we cibitilila, ninga awalya waswanu, awo wopegwa u wumi we cibitilila.”

Luka 12:5

Ninga nghumulajilenyi mono yinojeye mumogope: Mogopenyi mwene, mono yena wulajilize wo kumutajilila munhu mu moto we gehena, kolo yakondya kuwulaga, heya ye, nghumutyenyi, Mumogopaje yuyo.

Luka 16:31

Nayo Abulahamu yakatya, ‘Hono walece kuwahulika Musa ne Wawizi, hamba yunji yenuce mu wafu, si wokwihuwila yaye.’ ”

Metumo ge Watumwa 13:43

Wihanghulize wuwo waza malika, Iwayahudi wenji, hamonga ne wanya makungugo ganji wono wali wayipitucila i dini ye Ciyahudi, wakawatyatya wa Pawulo na Balanaba. Nawo watumwa, wakaduwana nawo, wakawasikamya, wajendelele kwikala akuno wakulitumbila lihewa lyo Muwaha.

Metumo ge Watumwa 18:13

Wakatya, “Cikumusitaka munhu ayu, ku soko yakuwakwega wanhu wamuhembo Mulungu mu nzila yono yikusutana no wulajilize.”

Metumo ge Watumwa 18:4

Yakawakulolosa mu nghangʼanilo yo wuhembelo mu vilo vye Sabato vyose, yakujela kuwakwega Wayahudi ne Wagiliki.

Metumo ge Watumwa 19:26

Alu mosuma kuhulika no kwiwonelela moweneco zono Pawulo yakwituma, si baha du hono Efeso, langa sunga na mu Asiya yose nha vivyo. Mwene yawakwega wanhu no kuwapitula, sunga walumba vyono, milungu yiyo yono minozwe ne wanhu, si milungu hamba hadodo.

Metumo ge Watumwa 26:26

Gwegwe mutemi uzimanyile zizi, holeka nosuma kulonga sina woga ha mwande yako. Nane manyile vyono zizi zose zili calinze hali gwe, hambi nha hasina yinji yono yanozezwa kumhelo.

Metumo ge Watumwa 28:23

Hodu wakawa kupanga nayo lizuwa lyo kwitangʼanila, na wenji muno wakamubitila ku nyumba yakwe yono yekalaga. Nayo Pawulo ku wulawa hakali mitondo sunga lyoswa, yakawa yakuwasimuliziza no kuwaloloseza zo Wutemi wo Mulungu, yakajela muno kuwakwega ho walumbe izinghani za Yesu, yakwitumamila Wulajilize wa Musa ne mandiko ge wawizi.

2 Wakolinto 2:17

Ase si cinha wanji wono wayinozezaga nghani yo Mulungu wusuluza. Ninga ase cikuyiganula inghani yo Mulungu kwe nhumbula nzelu hali Mulungu, mono cakondya kwilunza na Kilisito, kanyhi nhe wanhu wono watumigwe no Mulungu.

2 Wakolinto 5:20

Holeka ase cili watumwa so Kilisito, nayo Mulungu mweneco yakucitumamila sese, cimunenenyi anye. Holeka cikumunenenyi ku so Kilisito, mwilamule no Mulungu.

2 Wakolinto 6:1

Holeka nase vyono cikwituma mulimo hamonga no Mulungu, cikumunenenyi mulece kuvumila i lihewa lyo Mulungu lyono mwabocela, lyajilile bwete.

Wagalatiya 1:10

Alu mbi kanyhi nghusaka wukombolwe wa nani, we wanhu hamba wo Mulungu? Hamba nghusaka kuwendeza wanhu lo? Na hono noze nha vivyo, kwaco, ane si nali niwe mwitumami wa Kilisito.

Waefeso 5:21

Mweze kwiyihulika nyenye wose ku soko yo kumogopa Kilisito.

Wahebelaniya 10:31

Ku wugwila mu miwoko yo Mulungu mumi yo nghani ya kogofya muno muno.

Wahebelaniya 12:29

hambi u Mulungu wetu mbeka nha moto mukali wono wukutakamiza.

Yuda 1:23

muwaponyaje ko kuwapula mu moto, na kuli wanji mweze mwina lusungu hamonga no woga, akuno mukuyisula sunga ne myenda yawo yono wayitipize ne masulumizi gawo i mabi.

Wugubule 20:15

No munhu wo wose mono litagwa lyakwe si lyejela lyandikwe mu citabu co wumi, u munhu yuyo yagumilwa mwilamba lyo moto.