2 Wakolinto 5:1 - I CILAGANE CIPYA 1991

¹ Hambi nha cimanyile vyono kaya yiyi ya kononze yono cikaye lulu, wo wutya u muwili wetu, kolo yeza yapambulwa u Mulungu nha kocipela kaya yinji kuko ku wulanga, kaya yono yayinoza mweneco yo wikalo we cibitilila, yono si yizenjigwe ne miwoko.

Luganuzi Luswanu Kuli Wanhu Wose 2002

¹ Hambi nha cimanyile vyono, kaya yiyi ya kono'nze yono cikaye lulu, wo wutya u muwili wetu, kolo yeza yapambulwa, u Mulungu nha kocipela kaya yinji kuko ku wulanga, kaya yono yayinoza mweneco yo wikalo we cibitilila, yono si yizenjigwe ne miwoko.

2 Wakolinto 5:1 ပူးပေါင်းရင်းမြစ်များ

Maluko 14:58

“Ase camuhulika umunhu yuyu yakutya, Ane noyimwagula i Nyumba yiyino yo Mulungu yono yizenjigwe ne miwoko, na mu vilo vidatu, ane noyizenga yinji yono siyizenjigwe ne miwoko.”

Metumo ge Watumwa 7:48

Ninga hamba nha vivyo u Mulungu Mono yalawiliciye Muli vyose, nha si kekalaga mu zinyumba zono zizenjigwe ne wanhu, nha vyono yakutya muwizi,

1 Wakolinto 3:9

Hambi ase wose nha cili ndugu monga, kanyhi ciliwetumami hamonga no Mulungu, na anye nanye, yo nyenye mono muli mugunda wakwe, kanyhi muli izengo lyo Mulungu.

2 Wakolinto 4:7

Hamba nhavivyo, ase mono cina cico i ciwutwa co Muhe, cihwanile i viya vye lilongo, ho yijele calinze vyono i vilungo vivyo viwaha, vikulawa kuli Mulungu hamba si muli sese co weneco.

2 Wakolinto 5:4

Holeka lono cikali cili mu kaya yiyi ya kononze, cikulila vyono cikanyicizwe, ninga si vyono cikuhila kuwuvula u muwili wuwu wono wukufwa, aa, ngʼo, langa cikusulumila ho civwikwe awulya wono si wufwizaga, acilya cono cifwizaga, ho cimelelwe lukulu no wumi.

Wakolosayi 2:11

Na mu wilunza hamonga na Kilisito, anye mwakondya kwalama, ninga si walame wono wukunozwa ne wanhu, langa u walame wono wukunozwa na Kilisito mweneco, u walame wa mu wukombozwe mu wuwe wo wubi.

2 Timoteyo 1:12

na ku soko yiyo, holeka nghutamiswa nha vivi. Holeka nghali nina witumbilo wuwaha, hambi nha nimumanyile mono namwihuwila, kanyhi manyiye lukulu vyono mwene kocikamisa cicilya cono yanghoza, sunga Mwizuwa lilya.

Wahebelaniya 11:10

Hambi Abulahamu nha yalindilaga likaya lyono lina u musinji wono wukamile, i likaya lyono u Mulungu mweneco yo munghula mono yalihwesa no kulizenga.

Wahebelaniya 9:11

Ninga Kilisito lono yaza, u Mukohani Muwaha we ziswanu zose zono aluno zakondya kuza. U Mwene yakwituma u mulimo wakwe mwihema liswanu na lyono likwilaniciye muno, lyono si yinozwe ne miwoko ye wanhu, nha cinji lyono si lya mononze yiyi yono yawumbwa.

Wahebelaniya 9:24

Hambi Kilisito nha si yenjila i hanhu Hono Helile hono hazenjigwe ne miwoko ye wanhu, hono henha hwani du ya acilya ce mbeka. Langa u Mwene yenjila ku wulanga du kweneco kono aluno yemile hali u Mulungu ku soko yetu.

1 Petelo 1:4

holeka cilindiye kuwutuga wumoti awulya wono Mulungu yawawiciye wanhu wakwe. No Mulungu yakondya kumuwicilenyi wumoti wuwo ku wulanga, kono siwuwolaga, hamba kuhodanjika, hamba kufwifwiza.

2 Petelo 3:11

Ale hono vinhu vyose vyohodangwa nha vivi, ma, anye munojeye muwe wanhu we nha wule? Munojeye muwe ne nyikala yono yelile no kumogopo Mulungu,

1 Yohana 3:14

Ase cimanyile vyono cakondya kuwuka mwifwa, cenjlia mu wumi vyono ciwendile wandugu zetu. No munhu mono yasina wendo, kekalaga mwifwa.

1 Yohana 3:19

Nha vivi vyo comanyila vyono ase cili wanhu wa mu mbeka, kanyhi cowa cisina mahwele hali Mulungu.

1 Yohana 3:2

Mo wendece wangu, alu ase cili wana wo Mulungu ninga yikali sinejela calinze vyono colowa. Ninga cimanyile du vyono i cipango Kilisito kolo yakwijela, colokwihwana nayo, hambi nha colomuwona vyono yenha.