2 Wakolinto 4:7 - I CILAGANE CIPYA 1991

⁷ Hamba nhavivyo, ase mono cina cico i ciwutwa co Muhe, cihwanile i viya vye lilongo, ho yijele calinze vyono i vilungo vivyo viwaha, vikulawa kuli Mulungu hamba si muli sese co weneco.

Luganuzi Luswanu Kuli Wanhu Wose 2002

⁷ Hamba nhavivyo, ase mono cina cico i ciwutwa co Muhe, cihwanile i viya vye lilongo, ho yijele calinze vyono i vilungo vivyo viwaha, vikulawa kuli Mulungu hamba si muli sese co weneco.

2 Wakolinto 4:7 ပူးပေါင်းရင်းမြစ်များ

Matayo 13:44

“U wutemi wa ku wulanga wihwanile ne ciwutwa cono cali cihundikwe mu mugunda. U munhu yunji yaza kuciwona, yakacihundika kanyhi. Nayo yasangalala muno, sunga yakawa kubita kuviguza i vinhu vyakwe vyose vyono yali yena navyo yakawa kuwugula u mugunda wuwulya.”

Matayo 13:52

Nayo Yesu yakawatya, “Alu holeka u mwijizi wo wose wo Wulajilize mono yanozwa kuwa mwijizwa mu Wutemi wa ku wulanga, ale yuyo yehwanile u munhu munya kaya, mono kalavyaga mu viwutwa vyakwe i vinhu i vipya ne vihuma.”

Yohana 16:33

Nimulonjelenyi zizi, ho muwe no mulamu, mu wilunze wenyu na nene. Mononze heya, motuga wugaye, ninga mwisindamice! Ane niwasumile we yinze.”

1 Wakolinto 1:28

Kanyhi u Mulungu yakazihagula zizilya zono hamba mu mahweso ge ciyinze yinze, zikwijela vyono zisina cambuzi hamba hadodo kanyhi zono zibedegaywe muno muno, zo nghani zono si zali zili baho kulawa na katali, na mu nzila ya zizo, ho yasume kuziwusiza lukulu mu mahweso ge wanhu, izinghani zono wanhu wehwesaga vyono zina cambuzi.

2 Wakolinto 10:10

Yunji yadahile kutya, “Baluwa za Pawulo nzito, kanyhi zina nghani zono zili vilungo, ninga mwene lono yalihamonga nase, yo munhu musocele, sunga lono yakuduwa du, koziwona i zinghani zakwe kotya si cinji ngʼo.”

2 Wakolinto 13:4

Hamba yiwe nha yatumbicilwa mu musalaba mu wusocele, ninga alu yakuwumipa kwe vilungo vyo Mulungu. Nase cisoceye nha vivyo so wilunza nayo, ninga ciwumipana hamonga nayo kwe vilungo vyo Mulungu ku soko yenyu.

2 Wakolinto 4:1

Holeka, u Mulungu ku soko yo lusungu lwakwe luwaha, yacipela u mulimo wuwuno ho ciwitume, holeka nase si cikutukuwika mitima.

2 Wakolinto 5:1

Hambi nha cimanyile vyono kaya yiyi ya kononze yono cikaye lulu, wo wutya u muwili wetu, kolo yeza yapambulwa u Mulungu nha kocipela kaya yinji kuko ku wulanga, kaya yono yayinoza mweneco yo wikalo we cibitilila, yono si yizenjigwe ne miwoko.

2 Wakolinto 6:10

Hamba ciwe catuga wulipicizwe, ninga si cikawulagwa yaye, hamba ciwe cina wuzinguce, ninga cikusangalala nhondo zose, hamba ciwe ciciwape muno muno, ninga cikuwagolifya wanhu wenji, cijelaga nha cili wanhu mono cisina cinji co cose, ninga kumbe ho cina navyo i vinhu vyose.

Waefeso 2:5

hamba yiwe cali cifwiye ku cimuhe ku soko yo wubi wetu, yaciwumifya hamonga na Kilisito. Na ku so ilihewa lyo Mulungu, nanye mwaponywa.

Waefeso 3:8

Ane nili mudodo si nhe wanhu wo Mulungu wose, ninga napegwa ilihewa lyakwe, ho niwaganulile iwanhu we makungugo u wugoli wa Kilisito wono wusina cipimo,

Wakolosayi 1:27

Ninga u wuhile wo Mulungu, yakusaka yawamanyize i wanhu wakwe ze nghani mbaha yiyi na zo lukumyo, vyono vili so wanhu wose. Ne nghani yeneco nha yoyi: Kilisito yali muli nyenye, ne nghani yiyo yo yikumanyiza vyono anye mohanga u lukumyo lo Mulungu.

Wakolosayi 2:12

Hambi lono mwabaputizizwa, nha mwazikanwa hamonga na Kilisito, na kanyhi mumo mu wubaputizo nha mwazukulanwa hamonga nayo mu nzila yo wihuwilo wenyu mu vilungo vyo Mulungu mono yamuzukula muli wafu.

Wakolosayi 2:3

Muli mwene mo wuhundikwe u winji wose we mahala no wumanye.

1 Watesalonike 1:5

vyono lono camuganulilenyi u Luganuzi Luswanu, si wali mu wulonje du, langa na mu vilungo vyo Muhe Mono Yelile, akuno cimanyiye lukulu, vyono, i nghani yiyo yali ya mbeka. Mumanyile vyono cekalanaga hamonga nanye, cekalaga ku soko ye cambuzi cenyu.

1 Watesalonike 4:4

Anye nyo walume, yinojeye munhu na lwakwe yeyijize nha vyono yimunojeye kwikala no mugolece wakwe mu wele ne lilumbo,

2 Timoteyo 2:20

Mu makaya mawaha, mozili bakuli ne viya vye mawala gose, viya vinji vya fweza, vinji vya zahabu, vinji vya mbawo, na vinji vya wulongo, na vinji viwicigwe viwe vitumamilwa vye siya, na vinji kanyhi viwe vitumamilwa vye nhondo zose.