2 Wakolinto 4:6 - I CILAGANE CIPYA 1991

⁶ U Mulungu mono yatya, “Uwuzelu wubulile mu wutitu,” yo yuyo kanyhi mono yakuwa kuzibulilila ne zinhumbula zetu, kanyhi yo kacipelaga u wumanye wose wo lukumyo lo Mulungu, wono wukuwa kungʼalala mu wusu wa Kilisito.

Luganuzi Luswanu Kuli Wanhu Wose 2002

⁶ U Mulungu mono yatya, “Uwuzelu wubulile mu wutitu,” yo yuyo kanyhi mono yakuwa kuzibulilila ne zinhumbula zetu, kanyhi yo kacipelaga u wumanye wose wo lukumyo lo Mulungu, wono wukuwa kung'alala mu wusu wa Kilisito.

2 Wakolinto 4:6 ပူးပေါင်းရင်းမြစ်များ

Luka 10:22

Hanyuma yakatya, “Baba yaviwika vyose mu miwoko yangu, hamba hasina mono yamumanyile Mwana yo wa hayi, langa Baba, hamba mono yamumanyile Baba yo wa hayi; langa Mwana, na muli wose mono Mwana yakuhila kumugubulila zizo.”

Yohana 1:14

I Nghani nayo yakawa munhu, yakekala mwetu. Nase cikayiwona i nhojo yakwe, i nhojo yakwe mwene mono mwana we ciwene wa Baba; yamemile lihewa ne mbeka.

Yohana 11:40

Yesu yakamutya, “Alo si nghulonjela vyono hono wihuwile, kowona lukumyo lo Mulungu?”

Yohana 12:41

Isaya yazilonga zizi, vyono yaluwona ulukumyo lwa Yesu, yakalonga zo mwene.

Metumo ge Watumwa 26:18

Kowabunzulula i meso gawo, ho wasume kuwuka ku wutitu, ho wapitucile kuzelu, wawuce mu vilungo vya Setani, wamupitucile Mulungu, na so wihuwilo, ho watuje wunenelwe wo wubi, ho watuje wuhazi, hamonga na walya wono wakondya kuwa wanhu wo Mulungu.’

1 Wakolinto 12:8

U Muhe kamupelaga yunji i nghani ye mahala, na yunji i nghani yo wusome, nha vyono yendile u Muhe yuyo du.

2 Wakolinto 2:10

Hono mumunenele munhu cinji, ale nane nghumunenela nha vivyo u munhu yuyo. Hambi ane hono nghulavya wunenezi, hono mbeka cili baho cinhu co kunenela, ale nghunenela kusoko yenyu hali Kilisito,

2 Wakolinto 3:18

Holeka ase wose mono si cifunicize wusu wetu, ale cikumulajilila lukumyo lo Muwaha kotya nha mwilole, no lukumyo lulo nalo lono lukulawa kuli Muwaha, mono wo Muhe, wucikawanizaga ho cihwane muno muno ne cihwani cakwe, ku so lukumyo lono lucilile.

2 Wakolinto 4:4

Wawo si wehuwiye vyono mulungu we yinze yiyino yawatajila wutitu mahala gawo, ho walece kuwuwona calinze u wuzelu wo Luganuzi Luswanu lo lukumyo lwa Kilisito, mono yo cihwani ce mbeka co Mulungu.

Waefeso 1:17

ho u Mulungu wo Muwaha wetu Yesu Kilisito u sogo wo lukumyo, yamupelenyi u Muhe wakwe mono komupelenyi wizuce, no kumugubulilenyi ho mumumanye u Mulungu.

Waefeso 1:18

Nghumulomba u Mulungu yazidigule izinhumbula zenyu ho zisume kuwuwona u wuzelu wakwe, ho musume kuwutanga u witumbilo wono yamucemelenyi, no lukumyo luwaha lwe vipegwa vyono yawawicila iwanhu wakwe,

Waefeso 5:8

Hambi ikatali nha mwali mu wutitu, ninga alu mweza muli mu wuzelu so wilunze wenyu no Muwaha. Holeka mwikalaje nhe wana wo wuzelu,

Wafilipi 2:6

U Mwene ku cihuma, nhondo zose yali Mulungu ninga si yehwesa vyono u wuwa sawa no Mulungu ceze nha cinhu cono cidahile kudindimilwa kwa vilungo.

Wakolosayi 1:15

Kilisito yo hwani yeneco yono yikwijela yo Mulungu mono si kejelaga. U mwene yo Mwana u mulongozi kulelwa, kanyhi yo muwaha yacizize viwumbwa vyose.

1 Watesalonike 2:12

Cikamulanjizenyi, kanyhi cikamusindamicenyi, no kumuswaswanizenyi, ho mwikale mu mikalile yono yikumwendeza u Mulungu mono yamucemenyi ho muhanje u Wutemi no lukumyo lwakwe mweneco.

Wahebelaniya 1:3

U mwene wo wubulile wo lukumyo lo Mulungu, kanyhi yo hwani ye mbeka yo Mulungu mweneco, nayo yakuyisikamizya yinze mu nghani yakwe ye vilungo. Lono yali yakondya kuwanenela wanhu u wubi wawo, yakekala ku wulanga ku lubavu lo kulume lo Mulungu u Muwaha.

Wahebelaniya 6:4

Hambi alu kuli wanhu wono wakondya kuwubeza u wihuwilo wawo, yosumika nhawule kuwagomola ho wanene kanyhi? Ku soko i wanhu wawo wali wakondya kuwa mu wuzelu wo Mulungu, wali wakondya kucijeza ne cipegwa ciswanu ca ku wulanga, kanyhi no kuhanjizwa mu Muhe Mono Yelile,

1 Petelo 1:12

Nayo Mulungu yakawagubulila mu vilo vyono walongaga ze zinghani zizo, zono anye, alu mwakondya kuzihulika, kulawa kuli wawalya watumwa wono wakamuganulilenyi u Luganuzi Luswanu, lwe vilungo vyo Muhe Mono Yelile, mono yatumwa kuwulawa ku wulanga, vyono wuwo mulimo wawo, si wali so cambuzi cawo weneco, langa ku soko yenyu. Zizo zo nghani zono hamba wamalayika wali wende kuzimanya.

1 Petelo 2:9

Ninga anye muli ndelwa hagulwa, iwakohani wo Mutemi, inghungugo yono yelile, i wanhu wo Mulungu mweneco, mono muhaguywe ho mwanze ze metumo mawaha go Mulungu mono yamucemenyi kulawa ku wutitu, yakamwinjizenyi mu wuzelu wakwe wo kwizina.

2 Petelo 1:19

Kanyhi sunga ne zinghani ze wawizi zikuyihomelela nghani yiyi nanye mukunoza viswanu hono mukuyibata, hambi nha yinha tala yono yikumulika hanhu hatitu sunga lizuwa lililya kolo likusomoza, no wuzelu we nyelezi yimwacinghunghu kolo wukubulila mu zinhumbula zenyu.