2 Wakolinto 4:17 - I CILAGANE CIPYA 1991

¹⁷ Hambi u wugaye wono cikuwutuga nha wudodo, kanyhi wa cidaha cidodo vivi du, ninga hamba nha vivyo, wosuma kucipela u lukumyo lono lucizize u wulanjilile wetu wose, u lukumyo lono lusina ndumo.

Luganuzi Luswanu Kuli Wanhu Wose 2002

¹⁷ Hambi u wugaye wono cikuwutuga nha wudodo, kanyhi wa cidaha cidodo vivi du, ninga hamba nhavivyo, wosuma kucipela u lukumyo lono lucizize u wulanjilile wetu wose, u lukumyo lono lusina ndumo.

2 Wakolinto 4:17 ပူးပေါင်းရင်းမြစ်များ

Matayo 5:12

Musecelele, kanyhi muwe musangalaye, hambi nha mwina wuhumbilizwe wenyu wuwaha ku wulanga. Hambi nha vivyo nha vyo wanhu wawagaza i wawizi wono wamulongolelenyi.

Luka 6:23

Mucidaha cico zilakwijela zizo, nhondo muze musecelele mwizuwa lilyo so nyemo. Hambi wuhumbilizwe wenyu nha wuwaha ku wulanga. Hambi wasogo zawo nha vyo wawatendela i wawizi.”

Metumo ge Watumwa 20:23

Ninga yono manyile du yoyi, vyono u Muhe Mono Yelile yakundajila mu makaya gose, yakutya, wuwopwe no wutamiswe vikunindila.

Walumi 2:7

Awalya wono wakulondola u lukumyo ne lilumbo vyo Mulungu no wusangalale, no kuwulondola uwumi, wawo wotuga u wumi wecibitilila.

Walumi 8:18

Hambi nha nghuwona vyono magayo ga lulu si nghani yaye, hono cigalingʼanize no lukumyo lono lologubulilwa kuliʼse.

Walumi 8:34

Alo nani mono komuhosenyi? Hasina! Hambi Kilisito nha yo yafwa, kanyhi yakazuka muli wafu, na kanyhi yekaye ku muwoko wo kulume wo Mulungu. Nayo yakucilombela.

Walumi 8:37

Ninga muli zizi zose, cikutuga wusume wuwaha muno, ko wutazi wakwe mwene mono yacenda.

1 Wakolinto 2:9

ninga nha vyono gakulonga i Mandiko Gono Gelile, “Izinghani zono hamba liso likali si naziwona, hamba i likutu kuzihulika izinghani zono, hamba munhu yakali si nazihwesa mu nhumbula yakwe, ale, zizo zo u Mulungu yawawikaniziza wa walya wono wamwendile.”

2 Wakolinto 3:18

Holeka ase wose mono si cifunicize wusu wetu, ale cikumulajilila lukumyo lo Muwaha kotya nha mwilole, no lukumyo lulo nalo lono lukulawa kuli Muwaha, mono wo Muhe, wucikawanizaga ho cihwane muno muno ne cihwani cakwe, ku so lukumyo lono lucilile.

Wafilipi 1:19

Hambi nha manyile vyono, so wulombe wenyu na ku so wutazi wo Muhe wa Yesu Kilisito ane nokombozwa.

2 Watesalonike 1:4

Holeka nase cikwilumbila muli nyenye mu makanisa go Mulungu, cikuwona lukumyo luwaha, vyono mukujendelela mu wihuwilo hamonga no wukangalizi wenyu wa mu wuwingwe, hamonga ne magazo gono mukugatuga.

2 Watesalonike 1:6

No Mulungu kokwituma lingʼani; kowalipa u wugaye wawo wono wukumugazenyi anye,

2 Timoteyo 2:10

holeka nghukangalila muli vyose ku soko ye wahagulwa wo Mulungu, nawo nha vivyo ho watuje u Wukombozi wono wukuziza mu nzila ya Yesu Kilisito, kanyhi wono wuletaga lukumyo lwe cibitilila.

Yakobo 1:12

Mumoti munhu mono yakukangalila wujelwe, hambi kolo yeza yasuma nha kopegwa i cihumbilizwa co wumi cono Mulungu yawatemezezya wawalya wono wamwendile.

1 Petelo 4:7

Ale, u mudumo we vinhu vyose wasejelela. Holeka munojeye muwe no wiyimile no kwikala meso, ho musume kulomba.

1 Petelo 5:10

Ninga kolo mukugazika cidaha cidodo vivi, Mulungu mono yo ndawililo ye lihewa lyose na mono yakumucemenyi muwuhanje ulukumyo lwakwe we cibitilila muwilunza na Kilisito, umweneco komukwilanicizenyi no kumukangazenyi, kanyhi komupelenyi vilungo no musinji wono wukamile.

1 Yohana 3:2

Mo wendece wangu, alu ase cili wana wo Mulungu ninga yikali sinejela calinze vyono colowa. Ninga cimanyile du vyono i cipango Kilisito kolo yakwijela, colokwihwana nayo, hambi nha colomuwona vyono yenha.

Yuda 1:24

Alu kuli mwene mono kosuma kumukamisenyi ho mulece kugwa, kanyhi ho yamuletenyi sunga ko kulukumyo lwakwe akuno musina yilema,