2 Wakolinto 4:16 - I CILAGANE CIPYA 1991

¹⁶ Holeka si cikutimba, u munhu wetu wa kunze hamba yakombipe, ninga mugati mwetu cikunozwa wapya nhondo zose.

Luganuzi Luswanu Kuli Wanhu Wose 2002

¹⁶ Holeka si cikutimba, u munhu wetu wa kunze hamba yakombipe, ninga mugati mwetu, cikunozwa wapya nhondo zose.

2 Wakolinto 4:16 ပူးပေါင်းရင်းမြစ်များ

Luka 11:3

Ucipele vilo vyose ndigwa zetu, Zono zikwiliye izuwa ne zuwa

Walumi 12:2

Kanyhi mulece kwiga imikalile ya lulu ya mononze yiyi, langa u Mulungu yamupitulenyi mu zinhumbula zenyu ko kugapitula imahala genyu. Baho langa ho mosuma kuwumanya u wuhile wo Mulungu, no kuyizuka inghani yono swanu, yono yikumunojeza, kanyhi yono yikwilaniciye.

Walumi 7:22

Holeka ane mu nhumbula yangu, nghulisangalila ililajilizo lyo Mulungu.

1 Wakolinto 15:58

Holeka wandugu zangu wendece, mwime mukamile. Kanyhi mujendelele kuwituma u mulimo wo Muwaha kwe vilungo, nhondo zose, akuno mukumanya, u mulimo wuwo wo kumwitumamila u Muwaha wono mukwituma vyono si wolokwajilila bwete.

2 Wakolinto 12:15

Ane nyendezwe muno nitumile cono nina naco, sunga ko ku wilavizya lukulu nene no mweneco, ku soko ye cambuzi ce zinhumbula zenyu. Alu hongo monyenda hadodo, vyono atiʼne nimwendilenyi anye muno muno?

2 Wakolinto 4:1

Holeka, u Mulungu ku soko yo lusungu lwakwe luwaha, yacipela u mulimo wuwuno ho ciwitume, holeka nase si cikutukuwika mitima.

Waefeso 3:16

Nghumulomba u Mulungu, mu nghango yo wugoli wo lukumyo lwakwe, yamupelenyi u wusume wo Muhe wakwe, i vilungo vyo kuwa musikame mu wunhu wa mugati,

Waefeso 4:23

Mwinozaje wupya mu zinhumbula na mu mahala genyu.

Wakolosayi 3:10

no kuwuvwala u wunhu wupya. Wono wukujendelela kunozelezwa no Mulungu mono yawuwumba, nha vyono yinhe hwani yakwe, ho mumumanye u Mulungu mu wukwilanicile wose.

Tito 3:5

yakacikomboza. Si yacikomboza ku soko ye nghani yo yose swanu yono cetuma sese, langa yacikomboza ku soko yo lusungu lwakwe, mu nzila yo Muhe Mono Yelile mono yakucipela ho cilelwe wupya, no kuwa ne mikalile mipya ko kucikwema kwe malenga.

1 Petelo 3:4

Langa wuswanu wenyu wunojeye wulawe mu wuwe wa mugati wo wunhu we mbeka, wono siwusakalaga, wo wuswanu no watuvu we nhumbula, wono wina wuguzi wukamu hali Mulungu.

1 Petelo 4:14

Hambi nha muli wamoti, hono muliʼgwe ku soko ye litagwa lya Kilisito, ne nghani yiyo, yikulajila vyono Muhe Mono Yelile, yuyo Muhe wo Mulungu kekalaga muliʼnye.