2 Wakolinto 2:17 - I CILAGANE CIPYA 1991

¹⁷ Ase si cinha wanji wono wayinozezaga nghani yo Mulungu wusuluza. Ninga ase cikuyiganula inghani yo Mulungu kwe nhumbula nzelu hali Mulungu, mono cakondya kwilunza na Kilisito, kanyhi nhe wanhu wono watumigwe no Mulungu.

Luganuzi Luswanu Kuli Wanhu Wose 2002

¹⁷ Ase si cinha wanji wono wayinozezaga nghani yo Mulungu wusuluza. Ninga ase cikuyiganula inghani yo Mulungu kwe nhumbula nzelu hali Mulungu, mono cakondya kwilunza na Kilisito, kanyhi nhe wanhu wono watumigwe no Mulungu.

2 Wakolinto 2:17 ပူးပေါင်းရင်းမြစ်များ

Matayo 24:24

Hambi nha wololawila walambi wenji, wono wokwicema weneco yo Kilisito, kanyhi ne wawizi wo wulambi. Nawo wawo wonoza mapoto mawaha, ne mezino gono gosuma kumwajilizenyi, na hono yisumice sunga ne wahagulwa wo Mulungu.

Metumo ge Watumwa 20:20

mumanyile vyono sinaleka hamba hadodo kumuganulilenyi cagalanze na mu zinyumba zenyu, no kumwijizenyi yo yose yono yomukwilenyi.

Metumo ge Watumwa 20:27

Hambi nha sinaleka kumuganulilenyi nghani zose zo Mulungu.

1 Wakolinto 5:8

Holeka cinoze sikukuu mbaha, ninga yilece kuwa mu cisase acilya ce katali, i cisase co wubi no wavu, langa ku ndigwa yono si yisasize, i ndigwa yo wuswanu ne mbeka.

2 Wakolinto 1:12

Ase cikwilumbila cinhu cimonga du, vyono viselinji vyetu vikucihomelela vyono muwikale wetu wa mono yinze yiyino na komuno muliʼnye, cekala ko winenenyhezi wose hamonga no wele wa mu nhumbula wono wukulawa kuli Mulungu, hamba si catongwa ne lihala lye cimunhumunhu, langa catongwa ne lihewa lyo Mulungu.

2 Wakolinto 1:18

Ninga u Mulungu yo we mbeka yose, holeka azilya zono camulonjelenyi anye, si zali nghani za “Heya” ne “Ngʼo.”

2 Wakolinto 11:11

Alo nhawule nghulonga nha vivi? Vyono si nimwendilenyi nyenye? Ninga Mulungu yamanyile vyono nimwendilenyi nyenye muno!

2 Wakolinto 12:19

Lunji mukwihwesa vyono sunga nalu cikali cikwitetela haliʼnye! Ninga cikuzilonjela i zinghani zizi hali Mulungu akuno cilunzize na Kilisito. Ninga soko ye zinghani zizo zose, nye nyo wedece wangu, ho musume kuzengwa.

2 Wakolinto 4:2

Nase cakondya kuzilecela lukulu i zinghani zose ze cevu, na ze cinyele. Hamba si cili mu mikalile kanyhi yo wukonji, hamba kuyipitulasa nghani yo Mulungu, langa cikuyilajila i mbeka mu witume mbeka, na mu nzila yiyo mo cikwiwicilila mu wulamuzi we viselinji vye wanhu, hali Mulungu.

2 Wakolinto 6:7

mu nghani ye mbeka, na kwe vilungo vyo Mulungu. No wilingʼano, co citwalo cetu co kwitaziza ku lubavu lo kulume no lubavu lo kucekulu.

Wagalatiya 1:6

Nghwizina vyono cidaha cidodo du cono capuluta, nanye mweza kuwuka kuli yulya mono yamucemenyi mwihewa lya Kilisito, pa luno mweza kutyatya kanyhi u Luganuzi Luswanu lunji.

1 Watesalonike 2:4

Ase cilongaga nhondo zose nha vyono yendile u Mulungu, hambi nha yo mweneco mono yaciwona ase cikwiliye, yakawa kucipela u mulimo wuwu wo Luganuzi Luswanu. Wo si wuhile wetu hamba hadodo ho ciwendeze wanhu, langa cikuhila kumwendeza u Mulungu, mono yazimanyile zinhumbula zetu sunga mo mugati.

Tito 1:11

Yiwanojeye i milomo yawo yidindwe, hambi nha weza kuwahodanga i wanhu wose so mejizo gawo gono si gawanojeye wejize, nawo wakwituma zizo ko wuhile wubi wo kusaka ho watuje mapesa.

Wahebelaniya 11:27

So wihuwilo Musa yahama ku wulawa ku yisi ya Misili, hamba kogopa i likuwo lyo mutemi na hamba si yawuya ku nyuma, hambi nha yali nha munhu mono yakondya kumuwona u Mulungu yu yulya mono si kejelaga.

1 Petelo 4:11

Na mono yakulonga nghani yo yose, u wulonje wakwe, weze nho wulonje we zinghani zo Mulungu, na mono yakuwetumamila wanji, yimunojeye yawetumamile ne vilungo nha vyono yakupegwa no Mulungu. U Mulungu ho yakumizwe muli vyose, mwitagwa lya Yesu Kilisito, mono ulukumyo ne vilungo nha vyakwe cibitilila na cibitilila! Heya.

1 Yohana 4:1

Mo wendece wangu, mulece kumwihuwila munhu wo wose mono yakwiyitya yena Muhe wo Mulungu, langa mwamulaje mumulanjilile muno muno, ho muwone hono u munhu yuyo yakutongwa no Muhe wo Mulungu, hamba ngʼo. Hambi i wawizi wenji wo wulambi nha wakwijela mononze.

Yuda 1:4

Hambi nha howali wanji wono siwamwihuwiye u Mulungu, wono weyinjize cinyele muli sese, i wanhu wono so cambuzi ce mikalile yawo mibi, wakuyipitulasya inghani ye lihewa lyo Mulungu wetu no kumukana Yesu Kilisito u mulongola wetu we ciwene no Muwaha wetu. Ninga i Mandiko Gono Gelile, gali gakondya kulonga zo wulingʼanizwe wono wuwalindiye i wanhu wawo kulawa katali.

Wugubule 12:9

Holeka ilizoka lilyo liwaha, likagumilwa kunze. Ne lizoka lilyo, yo nzoka yi yilya ye katali, yono kanyhi yicemagwa Ibilisi hamba Setani, mono kawakongaga we yinze wose. Heya likagumilwa kononze hamonga ne wamalayika walyo wose.

Wugubule 19:20

Ninga lilimu lilyo likasolwa mateka, hamonga no muwizi wo wulambi, mono yanozaga mapoto ha mwande yalyo. (Na ku so mapoto gago, yasuma kuwajiliza wenji wono wali wena i citanjilo ce lilimu lilyo, kanyhi na wono wacihemba ne cihwani calyo.) Ne lilimu lilyo hamonga no muwizi yuyo, wose vyono wejete wakagumilwa vyo womi du, mwilamba lyono lyakaga moto we cibiliti.

Wugubule 2:20

Ninga nina nghani monga du kuliʼgwe, nayo yoyi, Agwe wukumukangalila ayulyo mucekulu mono yakucemwa Yezebeli, mono yakwiyitya mwene yo muwizi wo Mulungu. Mwene yuyo Yezebeli yakuwa kuwafunda, kanyhi yakuwasutizya i wetumami wangu wasenyhe no kulya zindigwa zono zikumbiciywe vihwani.