2 Wakolinto 2:14 - I CILAGANE CIPYA 1991

¹⁴ Ninga u Mulungu yalumbwe, mono yakucilonga nhondo zose mu wilunza na Kilisito. U mwene yakucipela wusume wo kutandaza i mbeka ya Kilisito kotya nha mhunjile swanu muno hanhu hose.

Luganuzi Luswanu Kuli Wanhu Wose 2002

¹⁴ Ninga u Mulungu yalumbwe, mono yakucitonga nhondo zose mu wilunza na Kilisito. U mwene yakucipela wusume wo kutandaza i mbeka ya Kilisito, kotya nha mhunjile swanu muno hanhu hose.

2 Wakolinto 2:14 ပူးပေါင်းရင်းမြစ်များ

Yohana 16:33

Nimulonjelenyi zizi, ho muwe no mulamu, mu wilunze wenyu na nene. Mononze heya, motuga wugaye, ninga mwisindamice! Ane niwasumile we yinze.”

Walumi 1:8

Nghwamula kumulumba u Mulungu wangu, muli Yesu Kilisito so nyenye wose, vyono u wihuwilo wenyu wumanyice kononze kose.

Walumi 15:19

Mu vilungo vye vitanjilo na mu mezino, na mu vilungo vyo Muhe wo Mulungu. Holeka mu wupilima hanhu hose, ku wulawilila ku Yelusalemi sunga ku Iluliko, nghuluganula no kulukwiza u Luganuzi Luswanu lwa Kilisito.

Walumi 6:17

Ninga, hamba yiwe mwali muli wawanda wo wubi baho katali, ninga alu, nghumulumba u Mulungu vyono, mwahulika no kwibata zose zono mwejizwa no kuzibocela.

Walumi 8:37

Ninga muli zizi zose, cikutuga wusume wuwaha muno, ko wutazi wakwe mwene mono yacenda.

1 Wakolinto 12:8

U Muhe kamupelaga yunji i nghani ye mahala, na yunji i nghani yo wusome, nha vyono yendile u Muhe yuyo du.

1 Wakolinto 15:37

Ninga cono kuhadikaga gwe, si kuhadikaga u muwili wono wowa hanyuma, langa agwe kuhadikaga i mbeyu du, lunji ya wuhemba, hamba mbeyu ye liwala linji.

1 Wakolinto 15:57

Ninga yicinojeye cimulumbo Mulungu mono kacipelaga u wusume mu nzila yo Muwaha wetu Yesu Kilisito.

2 Wakolinto 1:11

nha vyono mukucitaza so wulombe wenyu. Holeka u wulombe wenyu wono mukucilombela muno, wopitulwa, no Mulungu kocilugutiza, na wanhu wenji wokwinula i mazi gawo wawe kumulumbo Mulungu kusoko yetu.

2 Wakolinto 8:16

Nghumulumbo Mulungu mono yamupela Tito i nhumbula yono yina nyhilu nhe yangu yo kumupelenyi wutazi.

2 Wakolinto 9:15

U Mulungu yalumbwe so cipegwa cakwe cono ase si cosuma kucikumya nha vyono yicinojeye.

Waefeso 5:2

Imikalile yenyu yeze kulongozwa no wendo, nha vyono Kilisito yacenda, yakelavya ku soko yetu cilavywa ce mhunjile swanu ne likumbiko lyono limwendezaga u Mulungu.

Waefeso 5:20

Mumulumbaje u Mulungu Baba nhondo zose ku soko ya zose, mwitagwa lyo Muwaha wetu Yesu Kilisito.

Wafilipi 4:18

Ale, nakondya kuvibocela vinhu vyose vyono mukamhela, kanyhi yicizize kuciza na vyono navihilaga. Alu nina navyo vyose ku soko Epafulodito yakondya kundetela i vipegwa vyenyu. Vipegwa vivino vikuwa nha vilavya vye mhunjile swanu, ikumbiko lyono likuvumilwa no kumwendeza u Mulungu.

Wakolosayi 1:23

Ninga munojeye mujendelele kuwa wehuwilwa mu wusimyo wono wukamile, hamba kutezwa mu witumbilo wo Luganuzi Luswanu lono mwaluhulika. Ane Pawulo nili mwitumami wa lulo u Luganuzi Luswanu lono lwakondya kuganulwa kuli wanhu wose wa mononze.

Wakolosayi 1:6

No Luganuzi Luswanu, lukucila kulela mikalo, no kutandala mono yinze mose, nha vyono lwaza kwenyu nyenye, ku wulawa mwizuwa lililya lyono mwahulicila ze lihewa lyo Mulungu no kumanya vyono yili mbeka.

Wakolosayi 2:15

Kuko Kilisito, ko yavisumila i vilungo vyose vya yiyo i myuhe yono yitemile, hamonga ne vilungo vye wawaha, yakawanoza kuwa cinhu ca cevu, cagalanze, ko kuwakwejenha kotya ngaluzi mu wujendelele wo wusume wakwe.

1 Watesalonike 1:8

Hambi nha ku soko yo wuhidimbazi wenyu, i nghani yo Muwaha yakondya kuhulikwa, hamba si kuko ku Makedoniya na ku Akaya du, langa sunga no wihuwilo wenyu wa kuli Mulungu, nha wakondya kuhulikwa hanhu hose. Kanyhi cisina za kulonga.

1 Watesalonike 3:9

Alu cosuma kumulumba u Mulungu wetu ku soko yenyu. Cikumulumba so nyemo yono cina nayo hali mwene ku soko yenyu.

1 Timoteyo 2:8

Ale, ho hose mu kanisa, kolo mukwitangʼanila mu wuhembi, nghusaka iwalume weze kulomba akuno welavizye lukulu kuli Mulungu, na kanyhi wono wosuma kunyasula imiwoko yawo, kuno wakulomba wasina ikuwo hamba wuwanji.

2 Timoteyo 2:2

Ale, wugasolaje i mafundo gono wagahulika nghuganula ha mwande ye wahomelezi wenji, nagwe wuwakoze wanhu wehuwilwa, wono nawo wosuma kuwejiza wanji nha vivyo.

Wugubule 7:12

wakutya, “Heya! I lilumbo no lukumyo, ne mahala, ne wulumbe, ne cogopo, ne vilungo no wuwaha, viweze kuli Mulungu wetu cibitilila ne cibitilila! Heya!”