2 Wakolinto 13:5 - I CILAGANE CIPYA 1991

⁵ Ale mwiyijele nyo weneco ho mumanye hono mbeka mwina wihuwilo. Mwiyihenje nyo weneco. Alo si mumanyile vyono Kilisito Yesu yali muli nyenye? Na hono yiwe si nha vivyo, anye waco mwalemwa.

Luganuzi Luswanu Kuli Wanhu Wose 2002

⁵ Ale mwiyijele nyo weneco ho mumanye hono mbeka mwina wihuwilo. Mwiyihenje nyo weneco. Alo si mumanyile vyono Kilisito Yesu yali muli nyenye? Na hono yiwe si nhavivyo, anye waco mwalemwa.

2 Wakolinto 13:5 ပူးပေါင်းရင်းမြစ်များ

Yohana 14:23

Yesu yakamupitula, yakamutya, “Munhu hono yanyende, yuyo kokwibata inghani yangu, na Baba komwenda, nase cokuza kuli mwene, no kwikalana nayo.

Yohana 15:4

Mwikalaje muli nene, nane nikale muli nyenye. Nhe linhambi vyono si lyosuma kulela mikalo lili wene, hono lilece kwikala mu muzabibu, na nyenye si mosuma kulela mikalo, hono mulece kwikala muli nene.

Yohana 17:23

ane niwe muli wene, nagwe wuwe muli nene, nghulomba ho wakwilanicizwe no kuwa cinhu cimonga, we yinze ho wamanye vyono yo gwegwe wanhuma, na vyono wukawenda wene nha vyono unyendile ane.

Yohana 17:26

Nghunoza ho wumanyice kuli wene, nane nojendelela kunoza nhavivyo, ho wendo wono wanyendela ane, wuweze muli wene, na nene niwe muli wene.”

Yohana 6:56

Mono yakuwulya u muwili wangu no kuyingʼwa isakami yangu, yo kekalaga mugati mwangu, nane nghwikala mugati mwakwe.

Yohana 6:6

Yalongaga zizo yakumujela Filipo, hambi nha yali yamanyile mwene yono kokwituma.)

Walumi 1:28

Kanyhi vyono iwanhu wakalema kuwa hamonga no Mulungu, nayo Mulungu yawalecile mu mahala gawo go wajilile, ho wetume zono si wali wanojeye wazitume.

Walumi 8:10

Ninga hono Kilisito yawe yali muli nyenye, hamba miwili yenyu yitwe kusoko yo wubi, ninga kuli ʼnye u Muhe, wo wumi, vyono mwanozwa muwe muvumiywe hali Mulungu.

1 Wakolinto 11:28

Holeka munhu wo wose, yamule yeyiheje mweneco, ho yalye u mukate wuwo no kungʼwa i cikombe cico,

1 Wakolinto 11:31

Holeka hono cali camule kwiyihenga co weneco viswanu, si cali cituje wulipicizwe wo Mulungu wono winha wuwu.

1 Wakolinto 3:16

Alu, si mumanyile vyono anye, yo nyenye mono muli Nyumba yo Mulungu, na vyono u Muhe wo Mulungu yekaye muli nyenye.

1 Wakolinto 6:15

Hamba si mumanyile lu, vyono i miwili yenyu vyo vilunzwa vyo muwili wa Kilisito? Hamba mukwihwesa vyono nosuma kucisola i cilunzwa cimonga co muwili wa Kilisito, no kucinoza cilunze no muwili wo musenyha? Hamba hadodo bwete!

1 Wakolinto 6:19

Wulenyi si mumanyile vyono i miwili yenyu yo Nyumba yo Muhe Mono Yelile mono yali mugati mwenyu, mono mwamubocela kulawa kuli Mulungu? Holeka alu nanye, si muli wenyu mo weneco.

1 Wakolinto 6:2

Hamba si mumanyile lo, vyono i wanhu wo Mulungu wo woloyilingʼaniza i yinze? Alu hono kumbe yinze yololingʼanizwa na nyenye, alu kusoko ci muwe si munojeye kwiyilingʼaniza hamba muli izinghani zi ndodo ndodo?

1 Wakolinto 9:24

Alu si mumanyile vyono mu ciwanza ce midawalo, hamba wawe wawalya wono wakwisumaniza u lumangho, wose wakumangha, ninga hakuwezaga ho yuli yumonga du mono yakupegwa zawadi?

1 Wakolinto 9:27

Nane nghuwuzowelezeza u muwili wangu mu nzila ye magayo, no kuwunoza ho wuwe wuceye, nene no mweneco ho nize ndece kulemwa, lono kumbe nakondya kuwaganulila wanji.

2 Wakolinto 6:16

Hamba howuli wulaganeci we Nyumba yo Mulungu ne vihwani vyo wulambi? Hambi ase nha cili wuhembelo wo Mulungu mumi. Nha vyono Mulungu mweneco yalonga yakatya, “Nowunoza u wikalo wangu wuwe muli wene, na muli wene mo nowa jendela, Nane nowa Mulungu wawo, Nawo wowa wanhu wangu.”

Wagalatiya 2:20

ninga nghuwumipa, ninga yo si nene kanyhi, langa Kilisito yo yakuwumipa muli nene. No wumi wuwu wono nina nawo lulu, nghuwumipila u wihuwilo, u wihuwilo wa muli Mwana wo Mulungu mono yanyenda sunga yakelavya wumi wakwe ku soko yangu.

Wagalatiya 4:19

Mo wanangu, ane kanyhi nghumugazicilenyi muno nha vyono kagazikaga mucekulu mono yali magulu mazito mu cipango co kusawa, sunga Kilisito yalaza kuwa yalunzwa muli nyenye.

Wagalatiya 6:4

Ninga yinojeye munhu wo wose yeyipime viswanu i mikalile yakwe mweneco. Hono yiwe miswanu, ale ho kowa na co kwilumbila muli cono yetumile mweneco, hamba kowa yasina soko yo kwilingʼaniza na munhu yunji.

Waefeso 3:17

nayo Kilisito yekalaje mu zinhumbula zenyu ko wihuwilo. Nghumulomba muwe mukamile mu musinji wo wendo,

Wakolosayi 1:23

Ninga munojeye mujendelele kuwa wehuwilwa mu wusimyo wono wukamile, hamba kutezwa mu witumbilo wo Luganuzi Luswanu lono mwaluhulika. Ane Pawulo nili mwitumami wa lulo u Luganuzi Luswanu lono lwakondya kuganulwa kuli wanhu wose wa mononze.

Wakolosayi 1:27

Ninga u wuhile wo Mulungu, yakusaka yawamanyize i wanhu wakwe ze nghani mbaha yiyi na zo lukumyo, vyono vili so wanhu wose. Ne nghani yeneco nha yoyi: Kilisito yali muli nyenye, ne nghani yiyo yo yikumanyiza vyono anye mohanga u lukumyo lo Mulungu.

Wakolosayi 2:19

Kanyhi yetemanuye na Kilisito mono wo mutwe wo muwili wuwo. Muli Kilisito, u muwili wose wukuliswa no kulunzwa hamonga i vilunzwa ne zinghwali zayo, nawo wuwilukaga nha vyono u Mulungu yendile.

Wakolosayi 2:7

Kanyhi munojeye muhomele milela muli mwene no kwizenga muli mwene kanyhi musikame mu wihuwilo wenyu nha vyono mwejizwa. Muweze ne lilumbo iwaha.

1 Timoteyo 2:15

Ninga hamba nhavivyo umucekulu koloponywa so wulela wana, hono yekale mu wihuwilo, wendo, wele, no winenenyhezi.

2 Timoteyo 3:8

Ne wanhu we liwala lilyo wawanganaga ne mbeka nha vyono Yane na Yambule, wawangana na Musa.

Tito 1:13

Holeka ku soko yiyo yikunojeye wuwakalipile muno muno, ho wawe no wihuwilo wono wukwilaniciye.

Tito 1:16

I wanhu wono wenha wawo, watezaga ati wamumanyile u Mulungu, ninga kumbe mu metumo gawo ho wamukanaga. Wo wanhu we makomaza, kanyhi wali cibede, hamba si wakwiliye kanyhi mu nghani yo yose i swanu.

Tito 2:2

Wuwalonjelaje i wakombi vyono yiwanojeye waweze ne cisindo, wawe watuvu, weyimizi, kanyhi waweze no wihuwilo we telele, wawe no wendo hamonga no wukangalizi.

Wahebelaniya 12:15

Muhidimbale muno muno, ho yunji yalece kuyajiliza i lihewa lyo Mulungu. Mwilanjililaje, ho lisina lyo wusungu lilece kutula muli nyenye no kuwawulaga wanhu wenji ko wusungu walyo.

Wahebelaniya 4:1

U Mulungu yacihuwiza vyono cosuma kuwutuga u wuceho wuwo wono yawulonga. Holeka ceze kogopa, yilece kuwa na lunji, muyenyu yunji yanjile ku winjila mu wuceho wuwo.

Wahebelaniya 6:8

Ninga hono u muhangha wuwo wucindye mabici ge mamiya, na ganji caka, wukuwa wusina cambuzi, wukuwa wuli behi no wulijitwa no Mulungu no mudumo wayo wukuwa wutakamizwe mu moto.

Yakobo 4:4

Anye muli wanhu mono si muli wehuwilwa, mwihwanile wasenyha. Simumanyile vyono munhu hono yawe kuyenda yinze yawa mulugu wo Mulungu? Wo wose mono yakusaka yawe kuyenda yinze, yakwinoza yawe mulugu wo Mulungu.

1 Petelo 5:9

Holeka mumwimilaje, kanyhi mweze mukamile mu wihuwilo wenyu, kuno mumanyile vyono i wandugu zenyu wono wali kononze, nawo wakugatuga i magazo gono genha gaga.

Wugubule 2:5

Ale, wukumbucile vyono wali winha ha mwamulizo, lono wali wukali sinagwa, naiu lono wakondya kugwa! Holeka alu wunene wubi wako, witume nha vyono wali kwituma ha mwamulizo. Na hono wulece kunena na kuwuleka wubi wako, ale nokuza kuligwe, nane nowuwusa u wuwiko wako we tala hanhu hayo.