2 Wakolinto 13:4 - I CILAGANE CIPYA 1991

⁴ Hamba yiwe nha yatumbicilwa mu musalaba mu wusocele, ninga alu yakuwumipa kwe vilungo vyo Mulungu. Nase cisoceye nha vivyo so wilunza nayo, ninga ciwumipana hamonga nayo kwe vilungo vyo Mulungu ku soko yenyu.

Luganuzi Luswanu Kuli Wanhu Wose 2002

⁴ Hamba yiwe nha yatumbicilwa mu musalaba mu wusocele, ninga alu yakuwumipa kwe vilungo vyo Mulungu. Nase cisoceye nhavivyo so wilunza nayo, ninga ciwumipana hamonga nayo kwe vilungo vyo Mulungu ku soko yenyu.

2 Wakolinto 13:4 ပူးပေါင်းရင်းမြစ်များ

Yohana 10:18

Hasina munhu mono yakumboka u wumi wangu, langa nghuwulavya nene no mweneco. I vilungo vyo kuwulavizya, nina navyo, ne vilungo vyo kuwusolela, kanyhi nina navyo. Na Baba vyo yandajiliza nitume.”

Metumo ge Watumwa 2:36

“Ne mhuga yose ya Isilayeli yiwanojeye wamanye manyi manyi, nha vyono, u Mulungu yamunoza yuyo, kuwa yo Muwaha kanyhi yo Kilisito, yuyo Yesu mono mwamutumbika nyenye.”

Metumo ge Watumwa 3:16

Litagwa lya Yesu, no wihuwilo wa mwitagwa lilyo, vyo vimupelile vilungo munhu ayu mono mukumuwona, no kumumanya, wihuwilo wa muli Yesu, wo wumuponezye lukulu munhu yuyu nha vyono mukuwona wose.

Walumi 1:4

na kusoko yo wele wakwe wo Wulungu, yahomelelwa kwe vilungo viwaha vyono, u mwene yo Mwana wo Mulungu, ku so wuzuce wa muli wafu.

Walumi 14:9

Hambi Kilisito nha yafwa, kanyhi yakazuka, ho yawe Muwaha wa wose, iwomi ne wafu.

Walumi 6:4

Holeka calunzwa ne lifwa lyakwe, lono cabaputizizwa, cikazikanwa nayo, nha vyono Kilisito yazukulwa muli wafu ko lukumyo lo Sogo yo munhu, ale nha vivyo nase, ceze kujendela mu Mikalile mipya.

1 Wakolinto 1:25

Hambi cono cikwijela nha wo wulele wo Mulungu, nha co cina i mahala gono gacizize i mahala ge wanhu, na cono cikwijela kotya nha wo wusocele wo Mulungu, co cina vilungo muno muno si nha ivilungo vye wanhu.

1 Wakolinto 15:43

Wukuwa kuzicilwa mu wuwe we cevu, ninga wukuzukulilwa mu wuwe wo lukumyo, wuzicilagwa mu wuwe wo wusocele, ninga wukuwa kuzukulilwa mu wuwe we vilungo.

1 Wakolinto 2:3

Lono nali nili kuko kwenyu, nali nili musocele, na kuno kanyhi nghucicima so woga winji.

1 Wakolinto 6:14

Ale u Mulungu mono yamuzukula u Muwaha muli wafu, kocizukula na sese nha vivyo kwe vilungo vyakwe.

2 Wakolinto 10:10

Yunji yadahile kutya, “Baluwa za Pawulo nzito, kanyhi zina nghani zono zili vilungo, ninga mwene lono yalihamonga nase, yo munhu musocele, sunga lono yakuduwa du, koziwona i zinghani zakwe kotya si cinji ngʼo.”

2 Wakolinto 12:10

Holeka nyheye kanyhi nyendezwe du, hono mu wusocele, mu wubedegalwe, mu wugaye, mu wuwinjilizwe, na mu magazo ku soko ya Kilisito, hambi lono nili musocele, nha ho nghuwela nili vilungo.

2 Wakolinto 13:9

Ninga cikusangalala vyono cili wasocele, langa anye muli vilungo, holeka cikulomba muwuficile u wukwilanicile.

Wafilipi 3:10

Nane cono nghuhila, ho nimumanye u mwene Kilisito, kanyhi nivimanye ne vilungo vyo wuzuce wakwe, no kuhanga i magayo gakwe, no kwihwana nayo,

Wahebelaniya 5:7

Nayo Yesu lono yekalaga baha mono yinze, yakalila muno muno ne mahozi lono yamuhembaga no kumulomba u Mulungu mono yali yena vilungo vyo kumuponezya mwifwa, nayo yahulicizwa ku soko yali yamogopile u Mulungu.

1 Petelo 3:18

Hambi Kilisito mweneco nha yafwa ku soko yo wubi wetu, yafwa kamonga du yikakwila, u munhu we lingʼani ku soko ye wabi, ho yamutegulenyi anye kuli Mulungu. Yawulagwa mu muwili ninga yakanozwa mumi mu Muhe,

1 Petelo 3:22

mono yabita ku wulanga, nalu yekaye ku lubavu lo Mulungu, yawatemile wamalayika, ne wawaha, na wono walawiliciye.