2 Wakolinto 13:3 - I CILAGANE CIPYA 1991

³ Alu langa ho mokwiwonelela nyo weneco, vyono Kilisito yakulonjela muli nene. Mono kuliʼnye, Kilisito si yasoceye yaye, langa i vilungo vyakwe vikwituma muli nyenye.

Luganuzi Luswanu Kuli Wanhu Wose 2002

³ Alu langa ho mokwiwonelela nyo weneco, vyono Kilisito yakulonjela muli nene. Mono kuli'nye, Kilisito si yasoceye yaye, langa i vilungo vyakwe vikwituma muli nyenye.

2 Wakolinto 13:3 ပူးပေါင်းရင်းမြစ်များ

Matayo 10:20

Kusoko vyono si nyenye mono mukulonga, langa u Muhe wo Sogo yenyu, yo yakulonga muli nyenye.

Luka 21:15

hambi nha nomupelenyi mahala no wizuce wo kulonga, vyono walugu wenyu wose si wosuma kuvimila hamba kupinga.

1 Wakolinto 7:40

Ninga nane vyono nghuwona ti, yali yiwe yili ciba muno muno hono yali yasume kwikala nha vivyo du nha vyono yenha. Ane vyo nghuwona, nane nghwihwesa nha vyono nina u Muhe wo Mulungu nha vivilya.

2 Wakolinto 10:1

Ane yo nene no mweneco Pawulo, mono nghwijela nili mupolo lono nili hamonga nanye, ninga ho nili mukali lono nili kutali nanye, nghumunenenyi ko lusungu no wuswanu wa Kilisito.

2 Wakolinto 10:4

Hambi i vitwalo vyono cikwitumamila mu wihomi wetu, nha si vitwalo vye ciyinze yinze, langa vyo vilungo vyo Mulungu vyono vigwisaga magomawakali gose. Nase cikusuma kuwugwiza u wusugusugu wose wo wulambi,

2 Wakolinto 12:12

I mapoto ne mezino vyono yikulajila calinze vyono nane nili mutumwa, nha vyanozezwa muli nyenye ko wukangalizi wose.

2 Wakolinto 2:10

Hono mumunenele munhu cinji, ale nane nghumunenela nha vivyo u munhu yuyo. Hambi ane hono nghulavya wunenezi, hono mbeka cili baho cinhu co kunenela, ale nghunenela kusoko yenyu hali Kilisito,

2 Wakolinto 2:6

U wulipicizwe wono yakondya kuwutuga kulawa kuli wenji wa muli nyenye, hodu womukwila Wuwo du.

2 Wakolinto 9:8

U Mulungu kosuma kumupelenyi kuciza vyono mukuhila, ho muwe muvikwizize vyose mu visakwa vyenyu, ho mucile kuwa watazi mu milimo yose miswanu,