2 Wakolinto 13:11 - I CILAGANE CIPYA 1991

¹¹ Na ye ndumilizo, wandugu zangu, nghutya, mwikalaje! Mweze mukamile muwibataje muno muno u wijize wangu, mweze mulaganiye kumonga, mwikalaje mwilamuye. Nayo u Mulungu wo wendo no mulamu kowa hamonga nanye.

Luganuzi Luswanu Kuli Wanhu Wose 2002

¹¹ Na ye ndumilizo, wandugu zangu, nghutya, mwikalaje! Mweze mukamile, muwibataje muno muno u wijize wangu, mweze mulaganiye kumonga, mwikalaje mwilamuye. Nayo u Mulungu wo wendo no mulamu, kowa hamonga nanye.

2 Wakolinto 13:11 ပူးပေါင်းရင်းမြစ်များ

Matayo 1:23

“Langa ta, u musindile kodinghula muda, nayo kolela u mwana we cilume, nayo kocemwa Emanuweli” (nhunizo yayo wo wutya “U Mulungu yali hamonga nase.”)

Matayo 5:48

Holeka mweze mukwilaniciye, nha vyono u Senyu wa ku wulanga yakwilaniciye.

Maluko 10:49

Nayo Yesu yakema, yakatya, “Mucemenyi.” Ale, wakamucema yuyo we cibofu, wakamutya, “Wisindamice! Winuce, yakukucema.”

Maluko 9:50

Umwino nha muswanu, ninga hono wususulice, cinhuci kanyhi cono cogomoleza indaso yayo? Muweze no mwino muli nyenye nyo weneco, kanyhi mweze kwikala mwilamuye nyenye wose.”

Luka 9:61

Na yunji nayo yakatya, “Nokutyatya Muwaha; ninga wamule unghombole nghelaje wa mu nyumba yangu.”

Yohana 17:23

ane niwe muli wene, nagwe wuwe muli nene, nghulomba ho wakwilanicizwe no kuwa cinhu cimonga, we yinze ho wamanye vyono yo gwegwe wanhuma, na vyono wukawenda wene nha vyono unyendile ane.

Metumo ge Watumwa 15:29

Mulece kulya zindigwa zono zilavigwe so vihwani, mulece kungʼwa sakami, mulece kulya nyama ye nimu yono yinyonjigwe, kanyhi mwile-gaje no wusenyha. Mowa mwetuma viswanu, hono mulece kwituma zizo. Ale mwikalaje!”

Metumo ge Watumwa 18:21

Langa lono yawukaga, yakatya, “Hono Mulungu yende nolokuza kanyhi kono kwenyu.” Nayo yakatulucila mu ngalawa ku wulawa ku Efeso.

Metumo ge Watumwa 23:30

Nane niza manyizwa vyono Wayahudi wakumugoza wamuwulaje, mbona viswanu nimulete kwako. Nghawalajiliza wasonjezi wakwe wamusonjeze ha mwande yako.”

Walumi 12:16

Muweze no wuswanu wu wulya du, muli nyenye wose. Mulece kuwa wedunhumuzi, langa mukwejelwe kuli zo witume wo winenenyhezi. Mulece kwiwona nha mono mwina mahala kuciza.

Walumi 12:18

Mu nghango vyono yisumice ku lubavu lwenyu, mwikalaje mwilamuye ne wanhu wose.

Walumi 14:19

Holeka yicinojeye cizibate nhondo zose izinghani zono ziletaga mulamu, na zono zikucitaza kwiyizenga sese wose.

Walumi 15:13

Ale u Mulungu mono wo musinji wo witumbilo, yamumemyenyi inyemo yose, no mulamu wono wukulawa mu wihuwilo wenyu, u witumbilo wenyu ho wonjezece mu vilungo vyo Muhe Mono Yelile.

Walumi 15:33

Ale u Mulungu wo Mulamu yawezane na nyenye wose. Heya.

Walumi 16:20

Nayo u Mulungu mono yo mwamulizo wo mulamu, sikocela kumuponda Setani hasi ye migulu yenyu. Ilihewa lyo Mutwa wetu Yesu Kilisito, liwezane nanye.

1 Wakolinto 1:10

Nye wandugu zangu, cikumunenenyi muno, mwitagwa lyo Muwaha wetu Yesu Kilisito, vyono mweze mulaganiye kumonga, muli yo yose yono mukulonga, halece kuwa na matemanuko ganji go gose muli nyenye, muweze ne hweso limonga kanyhi no wuhile wumonga.

2 Wakolinto 1:4

Mwene yo kacitazaga ase mu wugazice wetu wose, nase ho cisume kuwatuza wanji mu wugazice wose mu nzila yo lutuzo lulo lono cikulubocela kulawa kuli Mulungu.

2 Wakolinto 13:9

Ninga cikusangalala vyono cili wasocele, langa anye muli vilungo, holeka cikulomba muwuficile u wukwilanicile.

Waefeso 4:12

Yanoza nhavivyo ho yawawikanize i wanhu wose wo Mulungu, ku soko yo mulimo wo kumwitumamila Kilisito ho muwili wa Kilisito wuzengwe.

Waefeso 4:3

Muhidimbale kuwibata wumonga wono wukuletwa no Muhe so wukamisa u mulamu wono wuli muli nyenye.

Waefeso 6:23

Nghulomba mulamu wuwe muli nyenye we zindugu wose, hamonga no wendo, no wihuwilo wono wukulawa kuli Mulungu Baba na kuli u Muwaha Yesu Kilisito.

Wafilipi 1:27

Ninga nghani mbaha yoyi, i mikalile yenyu yiweze yilunojeye u Luganuzi Luswanu lwa Kilisito, nane hono sume kuza kwenyu, hamba ndece kusuma kuza, hulice vyono mwimile mukamile mwina nhumbula monga, na vyono mukwihoma no wulugu muli hamonga, kanyhi mwina no mutima wumoga ku soko yo wihuwilo wo Luganuzi Luswanu.

Wafilipi 3:16

Ninga yicinojeye cijendelele ku mwande mu nghango yo wulajilize wono cali cina nawo sunga nalu.

Wafilipi 4:2

Anye Ewudiya na Sumutice, nghumulombenyi dedede mujele kuwa mwilumbanizize kumonga kotya munhu no mwanakwawe, muli Muwaha.

Wafilipi 4:4

Holeka musecelelele nhondo zose, muli Muwaha! Kanyhi nghutya, Musecelele!

Wafilipi 4:9

Mwitumaje zono mweyijiza, na zono mwabocela kulawa kwangu, i zinghani zangu, ne metumo gangu. Nayo u Mulungu wo mulamu, kowezana nanye.

1 Watesalonike 3:10

Cikumulomba u Mulungu cihidimbaye kwe mitima yetu yose cilo na misi, ho yacipele i cilejeho co kumuwonenyi wusu na wusu, ho cisume kuzinozeleza zono zikali zicepuce mu wihuwilo wenyu.

1 Watesalonike 4:1

Ze ndumilizo wandugu zangu, nha vyono mweyijiza kuli sese vyono munojeye mwikale ho mumwendeze u Mulungu. Nayo yili mbeka vyo mwikalaga. Alu cikumulombenyi kanyhi cikumunenenyi mwitagwa lyo Muwaha Yesu, vyono alu ho mucile muno kuwituma viswanu.

1 Watesalonike 4:18

Ale mwisindamicilaje mu zinghani zizi.

1 Watesalonike 5:13

Muwalumbizaje muno no kuwenda ku soko yo mulimo wono wakwituma. Kanyhi mweze mwilamuye nyenye wose.

1 Watesalonike 5:16

Mweze museceleye nhondo zose,

1 Watesalonike 5:23

No Mulungu mono kacipelaga mulamu, yamunozenyi muwe mwelile muli zose, yamukamisenyi nyenye, u muhe, no wumi ne miwili yenyu, ho mulece kuwa na yilema lyo lyose ha wuze wo Muwaha wetu Yesu Kilisito.

2 Watesalonike 2:16

Nase cikumulomba u Muwaha wetu Yesu Kilisito mweneco, hamonga no Mulungu Baba mono yacenda, na so lihewa lyakwe yakacipela u wutuzwe we cibitilila hamonga no witumbilo wuswanu,

2 Watesalonike 3:1

Ale, ze ndumilizo wandugu zangu, mucilombelaje, nghani yo Muwaha ho yicile kutandala mbela mbela, kanyhi ho yibocelwe kwe lilumbo nha vyono yinha muli nyenye.

2 Watesalonike 3:16

U Muwaha mweneco, yo mwamulizo wo mulamu, yamupelenyi mulamu nhondo zose muli zose. U Muwaha yawezane na nyenye wose.

2 Timoteyo 2:22

Ale, kanyhi wilegaje no wusulumizi we cizelelo zelelo, wutyatye wilingʼano, wihuwilo, wendo, mulamu, hamonga ne wanhu wose wono wakumulombo Muwaha kwe nhumbula swanu.

Wahebelaniya 12:14

Muweze no wuhile wo kuwa na mulamu ne wanhu wose. Mwikalaje mu mikalile yono yelile, ku soko vyono hasina u munhu mono kosuma kumuwona u Muwaha hono yawe yayisina mikalile yono yinha yiyo.

Wahebelaniya 13:20

U Mulungu yamuzukula u Muwaha wetu Yesu Kilisito mono yo Mudimi wetu Muwaha we zingholo, ku soko wumwaje we sakami yakwe yono yakangaza i cilagane ce cibitilila.

Yakobo 1:4

Kanyhi mweze mumanyile vyono ingola yenyu yomutazenyi sunga ku ndumo, ho muwe mukamile kanyhi mukwilaniciye, ho mulece kucepucilwa na cinji co cose.

1 Petelo 3:11

Kanyhi yeleje ne zimbi, yetume ziswanu, yawulondole mulamu no kuwukamisa,

1 Petelo 3:8

Ale ze ndumilizo nghutya nhavi: yiwanojeye muwe na nhumbula monga, na ihweso limonga, yiwanojeye kwiyenda nha ndugu, mweze wapolo kanyhi muli wenenenyhezi nyenye wose.

1 Petelo 5:10

Ninga kolo mukugazika cidaha cidodo vivi, Mulungu mono yo ndawililo ye lihewa lyose na mono yakumucemenyi muwuhanje ulukumyo lwakwe we cibitilila muwilunza na Kilisito, umweneco komukwilanicizenyi no kumukangazenyi, kanyhi komupelenyi vilungo no musinji wono wukamile.

Wugubule 22:21

Ilihewa lyo Muwaha Yesu, liwezane na nyenye wose.