2 Wakolinto 12:1 - I CILAGANE CIPYA 1991

¹ Mulece nilumbe, hamba yiwe si yinojeye. Ninga nolonga luno kuli zo wupumulilwe no wugubulilwe vyono yamhela Muwaha.

Luganuzi Luswanu Kuli Wanhu Wose 2002

¹ Mulece nilumbe, hamba yiwe si yinojeye. Ninga nolonga luno kuli zo wulajilwe no wugubulilwe vyono yamhela Muwaha.

2 Wakolinto 12:1 ပူးပေါင်းရင်းမြစ်များ

Yohana 16:7

Ninga nghumulonjelenyi mbeka, vyono, ho vyowa viswanu kuli nyenye hono mbite, kusoko ane hono ndece kubita, u Mutazi si komuzizenyi yaye. Ninga hono mbite, ale, nomutuma kuli nyenye.

Yohana 18:14

Yo Kayafa yuyo mono yawapela ilihweso Iwayahudi, vyono yinojeye munhu yumonga yafwe ku soko ye wanhu.

Metumo ge Watumwa 18:9

Mwizuwa linji ne cilo, u Muwaha yakamulonjela Pawulo mu wupumulilwe, yakutya, “Ulece kogopa, langa njendelele kuganula du, ulece kunyamala,

Metumo ge Watumwa 23:11

Mu cilo cico, u Muwaha yakema behi na Pawulo, yakamutya, “Wisindamice, hambi nha vyono wuhomeleye zangu kukuno kono Yelusalemi, nha vivyo vyo yikunojeye kuhomelela na ku Lumi.”

1 Wakolinto 10:23

Kuliʼne ivinhu vyose visina mwiko, ninga hamba nha vivyo, si vyose vyono vikwiliye. Vinhu vyose visina mwiko ninga si vyose vyono vizengaga.

1 Wakolinto 14:6

Alu mwene anye wandugu zangu, hono nimuzizenyi no kulongana nanye mu milonjele mijenzi, alu ho mowa na cambuzici? Si yomupelenyi hamba cambuzi co cose, langa mba, hono nimulolosezenyi zo wugubule wo Mulungu, hamba zo wizuce wunji wo wose, hamba za muli nghani yo Mulungu, hamba za muli mejizo go wutunga.

1 Wakolinto 6:12

Lunji munhu kosuma kutya, “Kuliʼne vyose viswanu.” Heya, ninga si vyono vyose vyowa vikwiliye, aa, ngʼo. Ninga nghuvumila vyono kuliʼne hasina cinhu cinji co mwiko, ninga hamba yiwe yili nhavivyo, ane si nendile kutemwa na cinhu co cose.

2 Wakolinto 12:11

Alu naweza nha nili mulele, ninga yo nyenye mono mundindimize ho niwe nha vivyo. Hambi anye, nha yo nyenye mono mwali munojeye munumbe. Vyono, hamba niwe si nili cinji yaye, ninga hamba nha vivyo, ane si nili mudodo kuciza wawo i “Watumwa wenyu wono wakumucile.”

2 Wakolinto 12:5

Holeka nokwilumbila munhu yuyo, ninga si nokwilumba nene no mweneco, langa mu wusocele wangu du.

2 Wakolinto 12:7

Ninga ho ndece kwilumba so zinghani zizi zimbaha zono nagubulilwa, napegwa wusungu mu muwili wangu kotya yimiya, u mwitumami wa Setani, mono yakunhowa, ho ndece kwilumba kuciza.

2 Wakolinto 12:9

Ninga Mwene yakanhya, “Ilihewa lyangu likukwiliye, hambi vilungo vyangu nha vikwilanicizagwa lono wuli mu wusocele.” Ninga ane nyendile muno kwilumbila wusocele wangu, ho vilungo vya Kilisito vikale muliʼne.

2 Wakolinto 8:10

Ku soko ye nghani yiyi, ane nghumutyenyi nhavi, yinojeye mwitume zizilya zono mwamula mwekazo. Vyono yo nyenye mwali walongozi kusola nghanzo yo kulamula kwituma nha vivyo.

Wagalatiya 1:12

Hambi ane nha si nalubocela kulawa kuli wanhu, hamba si nejizwa na munhu, langa Yesu Kilisito mweneco yo yangubulila.

Wagalatiya 2:2

No wubite wangu walawilila mu wugubule wono yangubulila Mulungu. Na muwihangulize we cinyele, nghasuma kuwaloloseza wawo iwalongola ze nghani yo Luganuzi Luswanu lono naluganula kuli wanhu we makungugo. Nanoza nha vivyo ho mulimo wangu wono nali nakondya kuwituma, sunga na wono nali nghali kuwituma, wulece kuwa nha nghani ya bwete.

Waefeso 3:3

Ane namanyizwa zizi mu nzila yo wugubulilwe wo wuhile wakwe wono wali wuhundicigwe. Nizandice kwa cifupi, izinghani zizi,

1 Watesalonike 4:15

Na yiyi yono cikumulonjelenyi go mejizo go Muwaha, ase mono cili womi, mono cowa cikali cisigaye, mwidaha lyono yakuziza u Muwaha, si colowalongolela awalya wono wakondya kuwuka mononze.

1 Yohana 5:20

Cimanyile kanyhi, vyono Mwana wo Mulungu yakondya kuza, yakacipela ne mahala ho cimumanye Mulungu we mbeka, kanyhi cikale muli Mulungu we mbeka, muli Mwanagwe Yesu Kilisito. Na yuyu yo Mulungu we mbeka, na wuwu wo wumi we cibitilila.