2 Wakolinto 11:7 - I CILAGANE CIPYA 1991

⁷ Hamba si namudayenyi musahala wo wose lono namuganulilenyi u Luganuzi Luswanu lo Mulungu, langa nenenenyheza ho sume kumwinulenyi anye. Alo nanoza vibi?

Luganuzi Luswanu Kuli Wanhu Wose 2002

⁷ Hamba si namudayenyi musahala wo wose, lono namuganulilenyi u Luganuzi Luswanu lo Mulungu, langa nenenenyheza ho sume kumwinulenyi anye. Alo nanoza vibi?

2 Wakolinto 11:7 ပူးပေါင်းရင်းမြစ်များ

Metumo ge Watumwa 20:33

Ane hamba kamonga, si nasulumila mapesa, hamba zahabu, hamba vivwalo vya munhu.

Metumo ge Watumwa 20:34

Mo weneco mumanyile, vyono netuma milimo kwe miwoko yangu no mweneco, ho nitujile visakwa vyangu, na vya awalya wono cali cina nawo.

Walumi 1:1

I baluwa yiyi, yikulawa kuli nene Pawulo, u mwitumami wa Yesu Kilisito, no mutumwa mono nasiwanulwa, no kucemwa, kusoko yo kuluganula u Luganuzi Luswanu lo Mulungu.

1 Wakolinto 9:12

Alu hono wawe wanji wena lingʼani yo kuzilanjilila zizo ku wulawa muli nyenye, wulenyi, ase ma, cisina lingʼani kuciza wene wawo? Ninga hamba nha vivyo, ase si cayitumamila lingʼani yiyo. Langa ase cakangalila du muli vyose, ho cilece kuluwicila cikobazo co cose cilya, u Luganuzi Luswanu lwa Kilisito.

1 Wakolinto 9:6

Hamba yo nene du hamonga na Balanaba, mono yicinojeye camule citume milimo, ho cisume kwiyitujlia visakwa vyetu lo?

2 Wakolinto 10:1

Ane yo nene no mweneco Pawulo, mono nghwijela nili mupolo lono nili hamonga nanye, ninga ho nili mukali lono nili kutali nanye, nghumunenenyi ko lusungu no wuswanu wa Kilisito.

2 Wakolinto 10:16

Baho lu, ho cosuma kuluganula u Luganuzi Luswanu na mu zisi zinji zono zili kutali na kono kwenyu, na yowa si nghani yo kwilumbila mulimo wono wetuma wanhu wanji kunhu kunji.

2 Wakolinto 12:13

Hambi cinhuci cono mwafutigwa kuciza makanisa ganji, langa hono si nene du mono si nasaka nimugazenyi ho mumhele u wutazi wenyu? Ninga hamba nha vivyo nghumulombenyi munenele so wuleka kumupelenyi i cilejeho cico co kumhela wutazi wenyu!

2 Wakolinto 2:12

Lono nali neza kufika ku Tulowa kuluganula u Luganuzi Luswanu lwa Kilisito, nghagana u mulango wuli mwazi ku soko yo mulimo wo Muwaha.

1 Watesalonike 2:9

Nye wandugu zangu, mukumbuciye vyono cetuma u mulimo hamonga ne magaziko. Lono camuletelenyi u Luganuzi Luswanu lo Mulungu, hambi nha cetumaga mulimo ku misi na ku cilo, ho cilece kuwa mutegulo kuli munhu wo wose muli nyenye.

2 Watesalonike 3:8

Hamba si calya ndigwa ya munhu wo wose bwete si cimulipile. Cetumaga milimo cihidimbaye hamonga no wugazice ku misi na ku cilo, ho cilece kuwa mutegulo kuli munhu wo wose muli nyenye.