2 Wakolinto 11:23 - I CILAGANE CIPYA 1991

²³ Alo iwene wetumami wa Kilisito? Na nene ye, alu nhondo neza kulonga cimanghalukwale, ane nili mwitumami wa Kilisito kuciza wene. Ane netuma mulimo muzito muno muno, nadindilwa mu jela kali kenji muno, nghatowangwa kali kenji, sunga nghawa nili behi no kufwa kali kenji.

Luganuzi Luswanu Kuli Wanhu Wose 2002

²³ Alo iwene wetumami wa Kilisito? Na nene ye, alu nhondo, neza kulonga cimangha-lukwale, ane nili mwitumami wa Kilisito kuciza wene. Ane netuma mulimo muzito muno muno, nadindilwa mu jela kali kenji muno, nghatowangwa kali kenji, sunga nghawa nili behi no kufwa kali kenji.

2 Wakolinto 11:23 ပူးပေါင်းရင်းမြစ်များ

Metumo ge Watumwa 14:19

Ninga Wayahudi wanji, wakaza wakulawa ku Antiyokiya na Ikoniyo wakawakwega wanhu ho welunze nawo, wakamutowanga Pawulo ne mabwe, wakamukulunhya sunga ko kunze ye likaya, wakawa kwihwesa vyono yakondya kufwa.

Metumo ge Watumwa 20:23

Ninga yono manyile du yoyi, vyono u Muhe Mono Yelile yakundajila mu makaya gose, yakutya, wuwopwe no wutamiswe vikunindila.

Metumo ge Watumwa 21:11

Nayo yakaza kuliʼse, yakasola musipi wa Pawulo, yakewopa mweneco mu magulu na mu mawoko, yakatya, “U Muhe Mono Yelile yakutya nhavi, Iwayahudi ku Yelusalemi wolomuwopa nhavivi u munhu munya musipi wuwu, nawo womutajila mu miwoko ye wanhu we makungugo!”

Metumo ge Watumwa 25:14

Nawo waza kuwa wekala kuko vilo vinji, Fesito yakamufisiza mutemi zinghani za Pawulo, yakatya, “Hoyali munhu baha mono Feliki yamuleka muwopwe.

Metumo ge Watumwa 27:1

Ale waza kulamula vyono cijendele mu ngalawa kuwubita ku Italiya, wakamuwika Pawulo ne wafungwa wanji, mu miwoko yo muwaha we wasilikale igana, litagwa lyakwe Yuliyo, wa mu mhuga yono yacemagwa, “Mhuga ya Kayisaliya.”

Metumo ge Watumwa 28:16

Caza kufika ku Lumi, Pawulo yakukombolwa yekale yali wene, hamonga no musilikale yumonga wo kumwikaliza.

Metumo ge Watumwa 28:30

Mwidaha lya myaka myejete yose, Pawulo yekalaga mu nyumba yakwe mweneco yono yali yapanjile, vikawa kuduwana na wose wono wazaga kumulamusa.

Metumo ge Watumwa 9:16

Nane no mweneco, nomulajila zi nyinji zono zimunojeye yagazwe ku soko ye litagwa lyangu.”

Walumi 8:36

Nha vyono i Mandiko Gono Gelile gakulonga gakutya, “Ku soko yako, cidomile ne lifwa cilo ne misi Cikutendelwa nhe zingholo zo kuwulagwa.”

1 Wakolinto 15:10

Ninga ku so lihewa lyakwe Mulungu, naweza nha vyono ninha lulu, ne lihewa lyakwe si lyali lya bwete. Nane netuma u mulimo si nha wose, kanyhi hamba si nene yaye langa, lihewa lyo Mulungu lyono likwitumana hamonga na nene.

1 Wakolinto 3:5

Alu, Apolo yo nani? Hamba Pawulo yo nani? Hambi ase wose nha cili wetumami du, mono camuletelenyi anye u wihuwilo. Nase wose cikwituma u mulimo wono yacipela u Muwaha.

1 Wakolinto 4:1

Ale, u munhu yaciwonaje ase nha cili wetumami wa Kilisito mono cakozwa i zinghani ze cinyele zo Mulungu.

1 Wakolinto 4:11

Sunga mu cipango cici du, ase cili ne nzala, kanyhi cikaluce, cisina vivwalo, cikubagwa makofi, cisina ihanhu ho kugona.

1 Wakolinto 4:9

Hambi nha yikwijela kuliʼne vyono u Mulungu yacipela ase co watumwa cilejeho ce ndumilizo, ho ciwe nhe wanhu wono watemezwe wawulagwe, hambi nha canozwa kotya nha cili cinhu ca kwilolelwa ne yinze yose, hali wamalayika, sunga na hali wanhu.

2 Wakolinto 10:7

Anye waco mulangaga za kunze du. Wulenyi, ho yuli munhu wo wose mono yakwihwesa vyono mwene yo wa Kilisito? Ale viswanu! Ninga yehwesaje nha vivilya nha vyono nase cili wakwe Kilisito nha vyono mwene yuyo wa Kilisito.

2 Wakolinto 11:5

Si nghwihwesa vyono ane nili mudodo si nha wawo “I Watumwa wenyu wono wakumucile!”

2 Wakolinto 3:6

hambi nha yo mweneco du mono yacipela u wusume wo kuwela i wetumami we cilagane Cipya, cono si cilagane co wulajilize wono mwandikwe, langa Cilagane co Muhe. Hambi u wulajilize wono mwandikwe, nha wuletaga yifwa, ningo Muhe, wuwumifyaga.

2 Wakolinto 4:11

Heya, vyono mu mikalile yetu yose, cili mu mbali ye lifwa ku soko ya Kilisito, u wumi wakwe Yesu ho wanzalikwe mu muwili wetu wuwu wono wukufwa.

2 Wakolinto 6:9

cikwijela nha wanhu wono si wamanyice, kumbe ho cimanyice kuli wanhu wose, cikwijela nhe wanhu wono wafwiye, kumbe nha vyono mukuwona, ase ho cili womi du.

Wagalatiya 6:17

Vyono nghulawa lulu, yunji yalece kungaza kanyhi, hambi ane nha ndinghuye mu muwili wangu mitozo ya Yesu.

Waefeso 3:1

Ku soko yiyo holeka ane no Pawulo no muwopwa wa Kilisito Yesu ku soko ya nyenye mo we makungugo, nghumulomba u Mulungu.

Waefeso 4:1

Holeka ane mono nili muwopwa kusoko vyono nghumwitumamila u Muwaha, nghumunenenyi mwikalilaje mu mikalile yono yiwunojeye u lucemo lwenyu lono mwacemelwa.

Waefeso 6:20

Ane nili mutumwa ku soko ya lulo Luganuzi Luswanu hamba niwe alu nili mu jela. Ale lombenyi ho sume kuwa sina woga mu wuganule nha vyono yinojeye.

Wafilipi 1:13

Hambi nha ku soko ya zizo, i walindilizi wose we likulu, hamonga na wanji wose wa baha, wamanyile vyono nili mu jela, ku soko vyono ane nghumwitumamila Kilisito.

Wafilipi 2:17

Ninga hamba ndavywe hamonga no wihuwilo wenyu wono lye kumbiko kuli Mulungu, hodu nosecelela muno kanyhi nosangalalana na nyenye wose mu nyemo yiyo.

Wakolosayi 1:24

Alu nghusecelela mu matamiso gangu so nyenye, hambi nha ku soko ye magayo gangu ga baha hono yinze, nghumemeleza cono cali cicepuce mu magayo ga Kilisito ku soko yo muwili wakwe, likanisa.

Wakolosayi 1:29

Holeka ku soko yiyo, ane nghwituma mulimo akuno hidimbaye mu vilungo vya Kilisito vyono vikwituma muli nene.

1 Watesalonike 3:2

cikamutumilenyi ndugu yetu Timoteyo, kanyhi mwitumami muyetu muli Mulungu mu wuganule u Luganuzi Luswanu lwa Kilisito. Cikamutumilenyi ho yaze yamusikamyenyi no kumusindamicenyi,

1 Timoteyo 4:6

Hono uwapele i wandugu wose imalajilizo gaga, ale kowa mwitumami muswanu wa Yesu Kilisito, akuno wukwijendeleza mu cimuhe mu zinghani zo wihuwilo ne mejizo ge mbeka, gono go mweneco kugatyatyaga.

2 Timoteyo 1:16

U Muwaha yayiwonelaje lusungu mhuga ya Onesifolo, vyono yasangalazaga kali kenji mu nhumbula yangu, hamba si yawona cevu vyono ane nali funjigwe mu jela,

2 Timoteyo 1:8

Ale, holeka wulece kuwona cevu kumuhomelela u Muwaha wetu Yesu, hamba wulece kuwona cevu ku soko yangu nene no mufungwa, mono funjigwe ku soko yakwe, Yesu. Ninga wuhanje magazo ku soko yo Luganuzi Luswanu, mu nghango ye vilungo vyono Mulungu yakukupela.

2 Timoteyo 2:9

Na ku soko yiyo yo kuluganula Luganuzi Luswanu, holeka ane nghugazika, na kanyhi holeka mbopigwe ne manyolo nha nili musutyi. Ninga inghani yo Mulungu siyosuma kuwopwa ne manyolo,

2 Timoteyo 3:11

wuwinjilizwe no wugazwe wangu. Kanyhi wuzimanyile zose zono zikanyagana ku Antiyokiya, na ku Ikoniyo, na ku Lusitela. Nane nakangalila wuwinjilizwe wuwaha muno! Ninga Muwaha yakamhonya muli zose zizo.

Filemoni 1:9

Ninga ku soko yo wendo, mbona yili ciba hono nghulombe. Nghunoza nha vivi, hamba yiwe ane Pawulo nili mutumwa wa Kilisito Yesu, nalu kanyhi nili mufungwa mu jela ku soko yakwe.

Wahebelaniya 10:34

Mwahangana u wugazwe ne wafungwa, na lono mwabokagwa zisawo zenyu, mwakangalila na nyemo, hambi nha mwali mumanyile vyono mwina sawo yono swanu muno muno kanyhi yono yikalaga cibitilila.