2 Wakolinto 11:20 - I CILAGANE CIPYA 1991

²⁰ Mukusuma kumukangalilila sunga no munhu mono yakumunozenyi muwe wawanda, u munhu mono ya kumusolelenyi vinhu vyenyu, mono yakumwiwonelenyi, mono yakumubedegalenyi no kumutowenyi ku wusu!

Luganuzi Luswanu Kuli Wanhu Wose 2002

²⁰ Mukusuma kumukangalilila sunga no munhu mono yakumunozenyi muwe wawanda, u munhu mono kumusolelenyi vinhu vyenyu, mono yakumwiwonelenyi, mono yakumubedegalenyi no kumutowenyi ku wusu!

2 Wakolinto 11:20 ပူးပေါင်းရင်းမြစ်များ

Maluko 12:40

Wakuwewonela i wacekulu wafwile, no kuwasolela i vinhu vyawo, akuno wakwikonjeleza ko kulomba wulombe wutali muno! Ninga mwizuwa lyo wulingʼanizwe, wolotuga wulipicizwe wuwaha muno.”

Luka 6:29

Munhu hono yakutowe mu luzagasa lumonga, umupitusize no luzagasa luyagwe; munhu hono yakuboce likoti lyako, umulecelaje ne shati yako.

1 Wakolinto 4:11

Sunga mu cipango cici du, ase cili ne nzala, kanyhi cikaluce, cisina vivwalo, cikubagwa makofi, cisina ihanhu ho kugona.

2 Wakolinto 1:24

Ase si cikusaka cimutemenyi mu wihuwilo wenyu, anye mono mwakondya kuwa mukamile mu wihuwilo wenyu. Langa yicinojeye, ciwitume u mulimo hamonga nanye, ku soko ye nyemo yenyu.

2 Wakolinto 10:5

no kuvikumulanga vimizi vyose vyo wiwoni vyono vikwimila u wumanyo Mulungu, cikugakwega i mahweso gose no kuganoza gamuhulice Kilisito.

2 Wakolinto 11:3

Ninga nghogopa yilece kuwa nhe lizoka lyono ko wusugu walyo wo wulambi, likamukoca Hawa, i mahweso genyu gadahile kwajilizwa no kuwuleka u wihuwilwa wenyu we mbeka kuli Kilisito.

2 Wakolinto 12:16

Ale du kanyhi, ninga ane no mweneco si namuvunenyi yaye. Na lunji yunji kosuma kutya, “Pawulo vyono musugu, alu yakondya kumwibatenyi ko wusugu wakwe.”

Wagalatiya 2:4

hamba yiwe hali howali wandugu wo wulambi wono wali wahijiliye Tito yalame. I wanhu wawa weyinjiza ko wusugu, wakawa kuwulondola u welecele wetu wono cina nawo muli Kilisito Yesu, ho wacinjize mu wuwanda.

Wagalatiya 4:25

Nayo Hagali yakuwa nha lyo litunda lya Sinayi lyono lili ku Alabiya, nayo yo hwani ya Yelusalemi ya lulu yono yili mu wuwanda hamonga ne wanagwe.

Wagalatiya 4:3

Nha vivyo nase lono cali cikali wadodo, cali cili wafugwa we myuhe yono yitemile mononze.

Wagalatiya 4:9

Ninga alu vyono mwakondya kumumanya u Mulungu, lunji citye vyono mwakondya kumanyika no Mulungu, alu nhawule kanyhi mukuwuya ne nyuma no kuyitumamila kanyhi myuhe ayilya miciwa kanyhi yisoceye?

Wagalatiya 5:1

Mu wulelele, Kilisito mo yaciwika, nayo yakasaka mo cikalaje mumo. Holeka mwime mukamile hamba mulece kuvumila kanyhi kuwa mu wutumwa.

Wagalatiya 5:10

Ku soko yo wilunze wetu no Muwaha, holeka nina witumbilo wuwaha vyono nanye si mowa kanyhi no wuwe wunji wono wisimajiye no wuwe wangu. Nayo yuyo mono yakumwivyajizenyi hamba yawe vyono yenha, u Mulungu komulipiciza.

Wagalatiya 6:12

Wawo wono wakusaka kwitajila nha vyono waswanu so metumo go muwili, wo wawo wono wakuhila kumudindimizenyi nanye mwalame. Nawo wakunoza nha vivyo ku soko ya nghani monga du, nha cinji weneco ho walece kuwinjilizwa ku so musalaba wa Kilisito.

Wafilipi 3:19

Ninga u mudumo wawo wowa ku moto, vyono zinda zawo nha yo mulungu wawo, wakuwona nha lukumyo muli zinghani zono ziwanojeye waziwonele cevu, wehwesaga za kononze du.

1 Watesalonike 2:5

Nanye mumanyile vyono lono caziza kwenyu, si caza ne zinghani zo wutelemezi, hamba si cetumamila u wulonji wo wusugu wo kwihundika cinji muli sese, u Mulungu yo muhomelezi!