2 Wakolinto 11:13 - I CILAGANE CIPYA 1991

¹³ Hambi wawo nha wo watumwa wo wulambi, wetumami wo wukonji, wono wakwinoza nha watumwa wa Kilisito.

Luganuzi Luswanu Kuli Wanhu Wose 2002

¹³ Hambi wawo nha wo watumwa wo wulambi, wetumami wo wukonji, wono wakwinoza nha watumwa wa Kilisito.

2 Wakolinto 11:13 ပူးပေါင်းရင်းမြစ်များ

Matayo 25:24

Ninga ayulya mono yapegwa i silinje elufu yihano, nayo yakaza yakatya, ‘Muwaha ane manyile vyono agwe wuli munhu mukamu, agwe kududulaga hono si wuhadice, kanyhi, kukunyanjilaga hono si wamiza.

Metumo ge Watumwa 15:1

Ale, wanhu wanji wakaza ku Antiyokiya wakulawa ku Yudiya, wakawa kwanza kuwafunda we zindugu, wakutya, “Hono mulece kwalama nha vyono winha wityatye wo Wulajilize wa Musa, si mosuma kupona ngʼo.”

Metumo ge Watumwa 15:24

Cihulika vyono wanji wayetu wono walawa kukuno kono kwetu, wakumutimvyenyi no kumukalazenyi ne zinghani zawo, na vyono wakumutajilenyi mahwele mu zinhumbula zenyu. Ninga mumanye vyono, wetuma zizo, na akuno si wakomboywe na sese.

Metumo ge Watumwa 20:30

Na muli nyenye mo weneco, wolokwinuka wanhu wono wolonga zinghani zo wulambi ho wawajilize wanhu, ho wawatyatye weneco du.

Walumi 16:18

hambi iwanhu wono wenha wawo, nha si wakumwitumamila Mutwa wetu Kilisito, langa wakuzitumamila izinda zawo weneco du. Kanyhi so zinghani zawo, no wuganule wawo wo wupepeleze, wakuwa kuwakonga iwanhu we zinhumbula zimhelu mhelu.

2 Wakolinto 11:15

Holeka si nghani mbaha yaye, hono wawo i wetumami wakwe wenoze nha wetumami wo wilingʼano. Ninga mudumo wawo, wocituga cico cono ciwanojeye vyono genhe metumo gawo.

2 Wakolinto 2:17

Ase si cinha wanji wono wayinozezaga nghani yo Mulungu wusuluza. Ninga ase cikuyiganula inghani yo Mulungu kwe nhumbula nzelu hali Mulungu, mono cakondya kwilunza na Kilisito, kanyhi nhe wanhu wono watumigwe no Mulungu.

2 Wakolinto 4:2

Nase cakondya kuzilecela lukulu i zinghani zose ze cevu, na ze cinyele. Hamba si cili mu mikalile kanyhi yo wukonji, hamba kuyipitulasa nghani yo Mulungu, langa cikuyilajila i mbeka mu witume mbeka, na mu nzila yiyo mo cikwiwicilila mu wulamuzi we viselinji vye wanhu, hali Mulungu.

Wagalatiya 1:7

Ninga i mbeka, howali wanhu wanji wono wakumuhanza-hanzenyi, wo Wanhu wono wakuhila kulwajiliza u Luganuzi Luswanu lwa Kilisito.

Wagalatiya 2:4

hamba yiwe hali howali wandugu wo wulambi wono wali wahijiliye Tito yalame. I wanhu wawa weyinjiza ko wusugu, wakawa kuwulondola u welecele wetu wono cina nawo muli Kilisito Yesu, ho wacinjize mu wuwanda.

Wagalatiya 4:17

Wawo i wanhu wanji wakumuhilenyi ninga wuhile wawo si wuswanu. Wakuhila kumutemanulenyi na ane, ho muwendeze weneco, nha vyono wene wakumwendezenyi nyenye.

Wagalatiya 6:12

Wawo wono wakusaka kwitajila nha vyono waswanu so metumo go muwili, wo wawo wono wakuhila kumudindimizenyi nanye mwalame. Nawo wakunoza nha vivyo ku soko ya nghani monga du, nha cinji weneco ho walece kuwinjilizwa ku so musalaba wa Kilisito.

Waefeso 4:14

Ho cilece kuwa kanyhi nha wana, wono cowa kugumilwa no kupemheluswa ako na ako mu mbeho ye mejizo gono gakutulwa ne wanhu wakonji, ho wawajilize wanji ko wusugu.

Wafilipi 3:18

Nakondya kumulonjelenyi nghani yiyi kali kenji, nalu kanyhi nghuwuyajila kumulonjelenyi kwa mahozi, vyono, howali wanhu wenji wono walugu wo Musalaba wa Kilisito.

Wafilipi 3:2

Mwilegaje na wawo wono wetumaga wavu, wawo wono wenha mabwa, wanhu wono wakukangaza u witemanje mu muwili.

Wakolosayi 2:4

Holeka nghumulonjelenyi vyono, munhu wo wose yalece kumukonjenyi na nghani za wulambi, hamba ziwe nha swanu muno.

Wakolosayi 2:8

Mulanjilile, munhu yunji yalece kumwajilizenyi ko wusugu no wukoci we wanhu wono wusina cambuzi, wono wukulawilila mu mejizo ge zisimo ze wanhu, na mu myuhe yono yitemile, hamba si Kilisito mweneco!

1 Yohana 2:18

Mo wanangu, alu ilipango lyo mudumo lyasejelela! Nanye mwali mwakondya kuhulika vyono u mulugu wa Kilisito yakuza, ne walugu wa Kilisito aluno wenji wakondya kuza, ku soko yiyo holeka cikumanya vyono lipango lyo mudumo lyeza lili behi.

1 Yohana 4:1

Mo wendece wangu, mulece kumwihuwila munhu wo wose mono yakwiyitya yena Muhe wo Mulungu, langa mwamulaje mumulanjilile muno muno, ho muwone hono u munhu yuyo yakutongwa no Muhe wo Mulungu, hamba ngʼo. Hambi i wawizi wenji wo wulambi nha wakwijela mononze.

Yuda 1:4

Hambi nha howali wanji wono siwamwihuwiye u Mulungu, wono weyinjize cinyele muli sese, i wanhu wono so cambuzi ce mikalile yawo mibi, wakuyipitulasya inghani ye lihewa lyo Mulungu wetu no kumukana Yesu Kilisito u mulongola wetu we ciwene no Muwaha wetu. Ninga i Mandiko Gono Gelile, gali gakondya kulonga zo wulingʼanizwe wono wuwalindiye i wanhu wawo kulawa katali.

Wugubule 19:20

Ninga lilimu lilyo likasolwa mateka, hamonga no muwizi wo wulambi, mono yanozaga mapoto ha mwande yalyo. (Na ku so mapoto gago, yasuma kuwajiliza wenji wono wali wena i citanjilo ce lilimu lilyo, kanyhi na wono wacihemba ne cihwani calyo.) Ne lilimu lilyo hamonga no muwizi yuyo, wose vyono wejete wakagumilwa vyo womi du, mwilamba lyono lyakaga moto we cibiliti.

Wugubule 2:2

Manyile i metumo gako gose, niwumanyile no wuhidimbazi wako, hamonga no wukangalizi wako wose. Kanyhi manyile nha vyono si wukusuma kuwakangalila wanhu wabi, kanyhi na vyono wakondya kuwamanya awalya wono wakwiyitya watumwa, nawo wo si wene, kumbe wakulonga wulambi.

Wugubule 2:20

Ninga nina nghani monga du kuliʼgwe, nayo yoyi, Agwe wukumukangalila ayulyo mucekulu mono yakucemwa Yezebeli, mono yakwiyitya mwene yo muwizi wo Mulungu. Mwene yuyo Yezebeli yakuwa kuwafunda, kanyhi yakuwasutizya i wetumami wangu wasenyhe no kulya zindigwa zono zikumbiciywe vihwani.

Wugubule 2:9

Nigamanyile magayo gako, kanyhi sunga no wuciwa wako, ninga imbeka agwe ho wuli mugoli. Kanyhi niwumanyile no wutovulwe wono watovulwa na walya wono wakwiyitya Wayahudi, ninga ho si Wayahudi we mbeka, langa ipuga lye Setani.