2 Wakolinto 11:11 - I CILAGANE CIPYA 1991

¹¹ Alo nhawule nghulonga nha vivi? Vyono si nimwendilenyi nyenye? Ninga Mulungu yamanyile vyono nimwendilenyi nyenye muno!

Luganuzi Luswanu Kuli Wanhu Wose 2002

¹¹ Alo nhawule nghulonga nhavivi? Vyono si nimwendilenyi nyenye? Ninga Mulungu yamanyile vyono nimwendilenyi nyenye muno!

2 Wakolinto 11:11 ပူးပေါင်းရင်းမြစ်များ

Yohana 21:17

Lwe kadatu kanyhi yakamutya, “Ati Simoni go mwana wa Yohana, wunyendile ane ʼmbi?” Nayo Petelo yakakalala vyono Yesu yamuwuzize kadatu yakutya, “Unyendile?” Yakamutya, “Muwaha, agwe wumanyile zose, wumanyile vyono ane nghwendile.” Yesu yakamutya, “Ale wudime zingholo zangu.”

Metumo ge Watumwa 15:8

Nayo Mulungu mono yazimanyile zinhumbula ze wanhu, yakawahomelelela ko kuwapela Muhe Mono Yelile nha vyono yacipela sese.

Walumi 1:9

U Mulungu mono nghumwitumamila kwe nhumbula yangu yose, mu wuganula u Luganuzi Luswanu lo Mwanagwe, yamanyile vyono nghumukumbucilenyi,

2 Wakolinto 11:10

Nane nghwihuwiziza mu mbeka ya Kilisito yono yili muliʼne, nha vyono hasina cono cosuma kunyimila mu wilumbe wangu so nghani yiyi hanhu ho hose mu Akaya.

2 Wakolinto 11:31

U Mulungu Sogo yo Muwaha Yesu, ilitagwa lyakwe lilugutwe cibitilila! U Mwene yamanyile vyono si nghulonga wulambi.

2 Wakolinto 12:15

Ane nyendezwe muno nitumile cono nina naco, sunga ko ku wilavizya lukulu nene no mweneco, ku soko ye cambuzi ce zinhumbula zenyu. Alu hongo monyenda hadodo, vyono atiʼne nimwendilenyi anye muno muno?

2 Wakolinto 2:17

Ase si cinha wanji wono wayinozezaga nghani yo Mulungu wusuluza. Ninga ase cikuyiganula inghani yo Mulungu kwe nhumbula nzelu hali Mulungu, mono cakondya kwilunza na Kilisito, kanyhi nhe wanhu wono watumigwe no Mulungu.

2 Wakolinto 7:3

Ane si nghulonga nha vivi ho nimulingʼanize munhu wo wose, hambi nha nakondya kulonga vyono anye muli mugati mu zinhumbula zetu, sunga ku wufwizane, hamba kuwuwumipane hamonga.

Wahebelaniya 4:13

Kanyhi hasina hamba ciwumbwa co cose cono cihundice hali Mulungu, ninga vyose vili calinze ha meso gakwe. Na ase wose cololonga hali mwene ze metumo getu munhu na lwakwe.

Wugubule 2:23

Kanyhi nowawulaga i watyatyi wakwe, i makanisa gose ho gamanye vyono yo nene du mono nizimanyile zinhumbula ne mahweso ge wanhu. Nane nomulipa munhu wo wose muli nyenye nha vyono genha i metumo gakwe.