2 Wakolinto 11:1 - I CILAGANE CIPYA 1991

¹ Mwali munghangalilile hadodo du, hamba niwe nha nili mulele ku lubavu lunji! Heya, ale munghangalilile ta hadodo.

Luganuzi Luswanu Kuli Wanhu Wose 2002

¹ Mwali munghangalilile hadodo du, hamba niwe nha nili mulele ku lubavu lunji! Heya, ale munghangalilile ta hadodo.

2 Wakolinto 11:1 ပူးပေါင်းရင်းမြစ်များ

Matayo 17:17

Yesu yakamupitula yakamutya, “Anye mo lulelo lono lusina u wihuwilo, lulelo lono lwajiliye! Alu nokwikalana nanye sunga nili? Hamba nojendelela kumukangalililenyi sunga nili? Ale mundetele ta umwana yuyo ahano.”

Metumo ge Watumwa 18:14

Ninga Pawulo lono yasakaga yalonje, Galiyo yakawatya Wayahudi, “Hulicenyi ta anye mo Wayahudi! Inghani yiyi hono yali yiwe mbeka yili mu wubi, hamba lunji nghani ye sutya, mbeka nali nyende kumuhulicezenyi.

Metumo ge Watumwa 26:29

Pawulo yakamupitula, yakatya, “Vyo nghumulomba u Mulungu hono yiwe mwidaha yifupi, hamba yitali, kanyhi si gwegwe du, langa na wose wono wakuhuliciza ane izuwali, wawe vyono ninha nene, ninga si ne manyolo gaga.”

1 Wakolinto 1:21

Ninga nha vyono yinha inghani ye Mahala go Mulungu, iwanhu si wosuma kumumanya u Mulungu, ko kwitumamila i zinzila ze mahala gawo weneco. Ninga hanhu hayo, u Mulungu yenda kuwakomboza wawalya wono wakwihuwila mu nzila ye cinhu cono i we mahala wakuziwona nha kotya wulele du, nha cinji inghani yono cikuyiganula.

1 Wakolinto 3:18

Mbeka mulece kwikonga! U munhu wo wose wa muli nyenye hono yehwese nha vyono yena mahala, kumbe ho mahala ge ciyinze yinze du, yili ciba u munhu yuyo hono yewone nha mulele, ho yasume kuwa ne mahala ge mbeka.

1 Wakolinto 4:10

Ase cili walele ku soko ya Kilisito, ninga anye muli we mahala ku soko yo wilunze na Kilisito! Ase cisoceye, ninga anye muli vilungo. Anye mukupegwa lilumbo, ninga ase cikubedegalwa.

1 Wakolinto 4:8

Heya, aluno nhondo mwakondya kwiguta! Alu nhondo mwagolipa! Kanyhi mwaweza watemi lono ase si cinawa! Heya mbeka, yali yiwe viswanu muwe mutemile, nase nha vivyo ho cisume kutemana hamonga nanye.

2 Wakolinto 11:19

Anye muli we mahala, na holeka mukuwakangalila i walele!

2 Wakolinto 11:21

Nane nghuvumilila cevu, vyono ase cali cisoceye mu wituma zizi zose. Ale du kanyhi, na yiwe vyono yowa, ninga hono hawe hoyuli yunji wo wose mono yakwijelela kwilumbila muli cinji co cose, alu nghulonga nha munhu mulele, nane nokwijelela nha vivyo.

2 Wakolinto 11:4

Hambi nye nha mukumukangalila u munhu wo wose mono kokuza no kumuganula Yesu mono yesimajiye na yulya mono camuganula, kanyhi mukubocela muhe no luganuzi vyono visimajiliye lukulu no Muhe no Luganuzi vyono mwayibocela kulawa kuliʼse.

2 Wakolinto 12:11

Alu naweza nha nili mulele, ninga yo nyenye mono mundindimize ho niwe nha vivyo. Hambi anye, nha yo nyenye mono mwali munojeye munumbe. Vyono, hamba niwe si nili cinji yaye, ninga hamba nha vivyo, ane si nili mudodo kuciza wawo i “Watumwa wenyu wono wakumucile.”

2 Wakolinto 5:13

Hono ciwe cikwijela nha cina lukwale, ako ko ko Mulungu, na hono ciwe cina mahala gono gatulile, ayo cowa co cambuzi cenyu.

Wahebelaniya 5:2

Na vyono u mwene nayo yali mu wusocele, holeka kosuma kuwawonela u lusungu wono si wamanyile cinji ne wasutyi.